سود العيون

البارت الاخير

طرشله و ذياب سار اتصل فيها
الكول :
مهره : اللو
ذياب : الو السلام عليكم
مهره : و عليكم السلام منو معاي
ذياب : معاج ذياب ولد خالت شما ربيعتج
مهره : انزين
ذياب : تعرفين شما وين
مهره : لا ليش مستويلها شي
ذياب : لا بس بمستغربين انها مايت بيت خالتها
مهره : اها يمكن في بيت يدتها
ذياب : اها مشكوره
مهره : العفو 
يعد ماصكر ذياب ما رتاح بعده مخه مشغول يبا يعرف وينها
تسريع الاحداث :
مر اسبوع كامل و لا حد يعرف شي عن شما
في بيت ابو شما :
دخل ابو شما البيت و سمع صوت صريخ من غرفة شما  و ركض فوق عندها و فتح الباب
شما : شو تبا فيني حابسني اسبوع
ابو شما : ابا اعلمج التربيه علي اصولها
شما و هي اتصيح : الله يخليك خلاص تعبت كل يوم تضربني تعبت ابا اسير عند امايه
ابو شما : لا امايه ولا خالتج بتمين هني
شما : الله يخليك خلاص تعبت
ابو شما : انتي شكلج بعدج ماتعلمتي التربيه و قام يضربها ضرب عنيف قوي وايد من بعد ما ضربها طاحت شما و هل مره ما قامت طاحت و يها كلها دم هني خاف ابوها و سيده اتصل علي الاسعاف يو الاسعاف و هني ميري خدامت بيت ابو شما جافت ان يطلعون شما سارت و اتصلت حق عاشه لان عاشه كلمتها و قالتها قبل ان لو جافت شما سيده تتصل فيه
في بيت ام ذياب
العايله كلها فصاله شوي الا تلفون عاشه يرن و الكل لف يجوف منو المتصل
عاشه : الو
ميري : مدام عاشه
عاشه : هي
ميري :مدام انا في جوف شما
عاشه : وين
ميري : اسعاف يجي يشيل هيا
عاشه : شووو متي
ميري : توا
عاشه : شو فيها
ميري : ما يعرف بس هي جسم كلا دم
عاشه : الحين انا بي
ميري : وين
عاشه : بيتكم
ميري : لا باب هني بعدين يسوي جنجال
عاشه : سيري لا
و صكرت
خالت شما :ها لقوها
عاشه بخيبت امل : هي بس
خالت شما : بس شو
عاشه : مودينها المستشفي
خالت شما : وي بسم لله عليها
قامت خالت شما و تصارخ ذياااب ذياااب
ذياب : نعم
خالت شما : تعال تعال و دني المستشفي
ذياب : ليش
خالت شما : شما شما هناك بسرعه
هني انصدم ذياب و كان وايد خايف عليها خذا امه و اخته و سارو المستشفي بس كيف عرفو الله و اعلم
المهم و صلو و عرفو اي غرفه بس ما عرفو هي ليش هني
ذياب بعصبيه : شو فيها دكتور
الدكتور : نزيف داخلي و خلع في مفاصل اليد و اثار ضرب مبرح و كدمات هو انتو اهلها
ذياب : هي
الكتور : هي متعرضه للعنف و نحن مطرين لما اتنش انيب المحمقق
ذياب بعصبيه : الله الايوفق ياسعيد جا انك نويت الاذيه حقها جعلها فيك الله و لا فيها
خالت شما  : ذياب مب زين الله بيراويه لا تدعي عليها
ذياب : جوفي الخايس حتي ماياي تراها بنته الله يغربله نجس واحد مالت علي هالأشكال بس
خالت شما : خلاص امي مب زين
عاشه : دكتور متي نقدر انجوفها
الدكتور : لما بتنش
عاشه : اوك
يلست عاشه و امها علي كرسي الانتضار و ذياب سار الحمام يهدي عمره لان عادي ايسير بيت ابوها و يجتله
شوي الاينقلون شما الغرفة ورراحو يجوفونها و هي كانت بعدها راقده من التعب و خالتها يالسه تقرا عليها شوي الا اتنش و هي زايخه
شما بخوف : لا ما ابا اسير عند ابويه
خالت شما : هدي حبيبتي محد بيوديج عنده وانا راسي يشم الهوا
شما : اه اه اه اه و يالسه ترجف من الخوف
ذياب : هود هود
حطت خالت شما الشيله علي راس شما و دخل ذياب و جاف حالت شما كيف خايفه
ذياب بصوت خفيف : شما ليش خايفه
شما بخوف و رجفه و صياح : اه اه اه اه اه دسوني بي يضربني بيضربني و بيجتلني الله يخليكم دسوني
ذياب : محد بي نحن هني
شما : اهييييييهيييييي بيجتلني والله خالووو كنت بموت البارحه الله يخليكم دسوني ايييييييي
خالت شما : شمو حبيبتي نحن كلنا هني عشانج محد يقدر ياخذج منا لا ابوج ولا غيره ارتاحي حبيبتي
شما : اه اه انزين
ذياب : هي محد بي عندج لا تخافين
اول ما يت بتنسدح ولا يدقون باب الغرفه
طك طك طك
ذياب :منو
الي يدش ابو شما
ابو شما بصوت عالي: شما
هني شما خافت و يلست ترجف و تصييح : لا لا الله يخليك
شما : هذووو بيجتلنييي خالوووو
ام ذياب : شو تبا البنت ما تباك فج عنها
ابو شما : مالي رمسه عندكم مرمستي مع بنتي شما
ذياب : والله ان ماطلعت جوف شو بيستويبك
شما : انا مب بنتك
ابو شما : بعد ها كله و لا تربيتي تعالي يابنت الكلب
شوي الا يدشون الشرطة
الشرطي : انت الاخ سعيد راشد .........
ابو شما : هي نعم امرني
الشرطي : انت متهم بقضيت عنف منزلي و لازم اتي ويانا الشرطه
ابو شما : دقيقه خلنا نتفاهم
الشرطي : نتفاهم فالشرطه اخوي
و شلوه
خالت شما : شما حبيبتي ليش اتصيحين خلاص و دوه ما بي عندج
شما و هي تصيح و تشاهق : و الله هو حلف قالي بيجتلني
ذياب : لا خسي محد بيدق شعره منج و انا موجود سوبرماااااان ذياااب اتمصخر خنكمل
تسريع الاحداث:
بعد مرور سنه كامله خطب ذياب شما و سافر سيده من بعد ما خطبها قطر لان عنده شغل هناك
و ابو شما حكمو عليه سنتين سجن بسبب العنف المنزلي منزلي و لا ميلسي ههههه اتغشمر
كان ذياب هل يوم راد من قطر بسياره و كان يكلم شما
الكول :
شما : والله مشتاقتلك متي بتي
ذياب :كلها كم يوم ان شاء الله
شما : ترا انت اول ما خطبتني ثاني يوم سافرت حتي ما تهنيت فخطيبي
ذياب : لا والله ترا اول ما بي جي اسبوع و بنتزوج
شما : قول والله
ذياب : والله
شما : اترياك لاطول ترا ولهانه عليك
ذياب : من عيون اتأمريني علي شي
شما : سلامتك
ذياب : ان شاء لله
محد كان يعرف ان اليوم ذياب  بيوصل ذياب انرد عند ذياب الي كان يسوق و مانتبه حق الشارع و بلغلط سار الشارع الغلط و تي شاحنه و تشيله هو و السياره بكبرها
انروح في بيت خالت شما :
عاشه : شمو اخبرج شي
شما : شو
عاشه : بينا ها
شما : اوك شو
عاشه : ترا ذياب بيرد اليوم
شما : حلفي
عاشه : والله
شما وهي مستانسه وتناقز جنها ياهل : احبججج واااايد انتي وووو
عاشه : موووو
شما : اخوووج
عاشه : هبله و الله
انرد بوظبي. :
نقلوه المستشفي و تصلو في اخوه الي هو عمر
الكول :
الريال : الو السلام عليكم
عمر  : و عليكم السلام منو معاي
الريال : انت عمر محمد .........
عمر : هي اتفضل
الريال : ذياب اخوك عامل حادث و هو في المستشفي .........
عمر : متأكد ذياب محمد
الريال : ايوا نعم لو ما عليك امرر تتفضل عندنا
عمر : ان شاء الله
عمر و هو مب مقتنع لان يعرف ان اخوه مسافر و يرد اسبوع الياي و قال اكيد مغلطين
سار و هو بس يبا يتأكد
عمر : اخوي انا عمر الي رمستوني
الريال : ايوه اتفضل اخوك هذي اغراضه وهو حاليًا في غرفه العمليات
من جاف عمر اغراض ذياب عرف ان صدق الي داخل ذياب هني حاول يمسك عمره قد مايقدر لان ما يعرف اهله شو بتكون ردت فعلهم سار واتصل علي حرمته و ضبيه
الكول :
عمر بصوت مبحوح : ضبيه
وضحه : امر الغالي شو تبا
عمر : امي وين
وضحه : فالمطبخ ليش في شي
عمر : تعالي انتي و امي و شما المستشفي ............
وضحه : انزين ليش
عمر بعصبيه : تعالي بسرعه
و صكر ، سارت شما و كلمه عمتها و البنات والكل مستغرب ليش و غريبه سارو وهم ما يعرفون شو السالفه
كان عمر يالس يتريا في الكراسي الي جدام غرفت العمليات شوي الا يطلع الدكتور
عمر بخوف : ها دكتور بشر
دكتور و هو منزل راسه : ذياب عطاك عمره
هني من قوت الصدمه يلس عمر يستوعب كلام الدكتور جنا شي حد و طعنه بلقو و يلس يصارخ علي الدكتور
عمر بصوت عالي و عصبيه و حزن : كيف عطاني عمره توا مافيه شي
الدكتور : استهدي بالله هذا قضاء ربك
عمر طاح علي الارض و هو يصيح من خاطره و بحرقه علي اخوه الي كان سنده فدنيا اخوه الي من طلع من بطن امه كان كل شي فحياته
يلس يصيح لين ما ، شوي الي ايون امه و حرمته و شما و عاشه و جافوه كيف ويها احمر
خالت شما : عمر امي شو فيه ويهك و ليش يايبنا هني
اول ما سمع صوت امه ما قدر يمسك عمره زياده و انهار في حضن امه جنه ياهل و يلس يصييح و صياهحه كان يعور القلب
خالت شما : عمر فديتك شو فيك
و الكل كان مستغرب منه لان. اول مره يجوفون عمر جي
ضبيه : عمر شو فيك لا تخوفنا
خالت شما  وهي حاضنه ولدها : عمر فديتج شو مستويلك خبرني انا امك
عمره بشهقه و صوت خفيف : ا م ي. اه اه اه اه ذ ييي ااا ب
خالت شما  : هي امي ذياب شو بلاه
عمره و هو يصيح زياده : عع ططاااج ع مره ايييييييييييي
خالت شما : شو ذياب لا ذياب في قطر
عمر : مماااات مااات اليووم
هني اول ما سعت شما علي طول اتيبست ما تعرف شو استواها اتصنمت شريك حياتها الي كانت كلاها ايام و تكوت زوجه مات حب حياتها الي حبته حب نضيف راح هني طاحت علي الارض و يلست اتصيح بصوت مب مسموع و هي كاتمه الصيحه
و عاشه بعدها مب مستوعبه الي يالسين قولونه و ضبيه المسكينه يالسه اتهديهم و ام ذياب قلبها عورها علي و لدها و طاحت عليهم
مرت الايام بسرعه الكل اتخطا موت ذياب الا شما الي لا ليلها ليل و لا نهارها نهار كل تفكر فيه و كتأبت من سبت هشي وما قامت تتقبل ان الي اتحبه راح
شما وهي طايحه علي الشبريه اتصيح : اهيييييييييي
خالت شما  : شما حبيبتي مايستوي جي هذا قضاء ربج حبيبتي
شما : خالو ما اقدر والله اني كنت احبهههههه
خالت شما : لا حبيتي انتي قويت تقدري فتره و تعدي
من قالتلها خالتها  كلمه فتره و تعدي  يلست اتصيح اكثر لان دوم هو كان يقوللها انتي قويه فتره وتعدي
مرت السنوات بسرعه و الحمدلله كلهم تخطو موت ذياب بس ما نسوه دوم يذكرونه بالخير و دوم يدعوله و لا نسوه و بس و الله هاي روايتي اتمنا حبيتوها

النهايه ......

نصيحه من روايتي محد يبقا لحد الدنيا تاخذ و تعطي لا تتعلقون فحد و بس و الله اتمنى عيبتكم الروايه و شكرا علي دعمكم و باااااي اجوفكم في روايه ثانيه 💕💕💕💕