نشت شما علي اتصال من رقم مجهول
الكول:
شما بصوت رقاد: الووووو
الريال :سلام عليكم
شما : منو معاي
الريال : افااا مب مسيفه رقمي ليش
شما : خير منو انت عسب اسيف رقمك
الريال : ماعلينا اسمعي خلصتي الي عطيتج و لاء
شما : منو انت لا تيلس تعور راسي بروحي مب ناقصه
الريال: انزين معاج ذياااااب
شما : اخييج ذياب هذاك ماغيره
ذياب : هي هذا خلصتي و لاء
شما : هي الحين بطرشلك عن اتصيح بس
كانت شما وايد مقهوره لان ولا مره حد يلس يتفزها او يمسك عليها شي اما ذياب كان عايبنه الشي و مستمتع لان ماخذنها بغشمره و لا يدري انا هذا عادي يخرب حياتها ،سارت شما بدلت لبسا و طلعت عسب اتسير اصطبل ربيعتها عسب تدرب حق السباق بس بدون علم ابوها مرت علي مهرا و سارو و كانت تدرب من كل خاطرها بس عسب تبا اتفوز فهل سباق لو شو ما كان
(تسريع الاحداث )
تمت شما تدرب وايد و كان باجي علي السباق يومين بس و مهره كانت الداعم الاول لها و ها كله بدون علم ابوها و ذياب يحس انه يحب شما بس لان هم في مجتمع عيب عنده هال اشيا تم ساكت و كتم هل اعجاب في قلبه و قال حق عمره ان بس يجوفها مره ثانيه بيحاول يعرف عنها كل شي عسب يخطبها ،مرت الايام بسرعه و ياي اليوم الي شما بدش فيه السباق قصت علي ابوها و قالتله انها بتسير دبي و مهره سارت و هي متحمسه اتحس ان فيها طاقه قويه بطلعها اليوم طبعا شما كانت مشاركه فسباقين سباق القدر و التحمل و فلات ريس بس الفلات ريس بيكون باجر مب اليوم راحت جهزت خيلها و جهزت عمرها و تلثمت و بس عيونها الي كانت اتبين عسب لو كانو يصورون حق القنوات او حد تعرفه ما يجوفها ويها ما يبين عسب ماتستوي مشاكل
مهره : شمو الناموس ها
شما : لا توصين عاد وانا امي شمسه
مهره : كفو يالله حاسبي على عمرج
شما :ان شاء الله
سارت شما و انطلقت و هي متحمسة و مستانسه وايد و الابتسامه مب طايه اتخوز من على و يها سارت وما كانت تعرف منو موجود هناك سارت و مهره اتطالعها من الشاشه العوده و تشجعها من الخاطر الريال الي عندها : ماشاءالله منو هاي بنت منو
الريال الثاني : ماحيد جايفها من قبل شكلها اول مره
الريال الاول : لازم اعرف منو هي جوف ماشاءالله شكلها تعرف للخيل جوف كيف يلستها عسبت ماتعب الخيل
الريال الثاني ؛ هي ماشاءالله
مهره يالسه تسمع بكل صمت و هي مستانسه لان مدحو ربيعتها و عرفت ان شما قدها وبتقدر ، و المذيع ما قصر
المذيع : ياجماعه شكله شي وحده بتاخذ لقب الفارس الاسود من عند ذياب شكلها بتسبقه تنطلق تنطلع الفارسه من اصطبل F30 تنطقللل الي المقدمه وينك يا ذياب وينك اختفا الفارس الاسود من الحلبه و تنطلق فارستنا انطلاق قوي الله عليج الله عليج شو الشغل شو ترتيببب ما شاء الله اذكرو الله يا جماعه توصل و توصل الله عليج الله عليج F30 و لا ذياب F30 توصل توصل وينك ياذياب ماباقي شي مسافه قصيره و النامووس النامووووووس الناموسسس تاخذه اول مره فتاريخ سجل ياتاريخ الله عليج و الله انج بنت ابووج
و صلت شما و كانت اول وحده و كل الناس مصدومين لان بالعاده يكون ولد و اول مره اتكون بنيه و الكل يالس يشجعها و ركضت مهره عسب تحضنها و شما فرحانهه سارت و خذت الجائزه الي كانت عباره عن ميداليه و عشر تالاف درهم و استانست وااايد و بسرعه حاولت تشرد عسب ماحد اي و يسوي وياها مقابله
شما : هندو والله مشكوره وااايد ما تعرفين انتي شو سويتي فيه و هاي العشر تالاف شيلها هديه مني
هند : حياتي والله انا الي لازم اشكرك ماتعرفين كيف رفعتي اسم اسطبلي و العشره انا ما با خذها هذيها هديه و كشخي خيلج لباجر ترا ورانا شغل
شما : ما عليج برفع الراس ان شاء لله
سارت مهره اتيب السياره و شما سارت مكان مافيه حد عسب اتفج شويه الي كانت حاطتنه علي ويها لانها مختنقه و ماتقدر و لين الحين الناس تتسأل منو هاي و بنت منو و من اي قبيله و ين سارت كانت هل اسئله شاغله بالهم ، شما و هي اترمس عمرها اهو هو هو حررر وايد و ين مهرو ابا ماي بارد بمووت تعبااانه
ذياب : خذي
شما اول ماسمعت صوت شخص سيده اتلثمت
شما وهي اتلف : .........
ذباب : شو بلاج ترا اعرف انج شما
شما : ذياب طلبت اسكت ما ابا حد يعرف و الله بيجتلوني
ذياب : انزين هدي مابقول حق حد بس خذي هل ماي اشربي
شما : شكرا
ذياب : مبروك الناموس تعرفين انج انتي سبقتيني اول مره حد يسبقني
شما : الله يبارك فيك و عسب تعرف ما تتحداني مره ثانيه هيه تسمع
ذياب : ما عليه بنجوف السنه اليايه
شما : و اذا ما خذيت الناموس ما اكون بنت امي و باجر بجوف بعد
ذياب : ليش شو فيه باجر
شما : ترا انا مشاركه ف فلات ريس ماتعرف
ذياب بخوف : غبيه انتي تبين اتروحين فيها
شما : ليش ترا عادي انا مدربه الحمدلله
ذياب : ترا هذا وايد خطر والله
شما : تعال انت باجر و جوفني
ذباب و هو معصب لان خايف عليها : لا تستهبلين
شما : ما استهبل
ذياب: انزين بس لا تنسين كلامج احفضيه
شما : ترا انا شما ما انسا
ذياب : مشكوره علي الشغل ما كنت اعرف شو بسوي بدونج
شما : لا عادي و ان بغيت اي شي تعال عندي
ذياب : والله
شما : لا لاتصدق عمرك
ذياب : انزين
ردت شما بيتها بعد تعب اليوم حست ان جسمها متكسر و ماتقدر اتحركه راحت سبحت و لبست بجامه و سيعه عسب ترتاح و كلت و سيده رقدت لين الساعه ثمن الفليل نشت علي مكالمات من مهره راحت تتصل فيها جان اترد
راشد : الو شو بدك
شما : و ينها مهروو بدي حاكيها
راشد : و علي كيف مين
شما : رشود بليز ابا ارمسها شي ضروري وايد
راشد : وليش انا ما اعرف
شما : رشود بسك لقافه عطها
راشد : تعاالي و ين كنتو اليوم
شما : ممم رحنا دبي
راشد : خوش علي كيف منو
شما : علي كيف ماي دادي
راشد : هي زين عيل مهور يدبه تعالي تباج شموو
شما : انت الدب مب على مهورتي يلا
راشد يقلدها : مو علي مهورتي
مهره رشود نش
راشد : انزين بلاج هاج تراها ما بطير
مهره : الو ها شمو
شما : اقولج
مهره : قولي
شما : لا تنسين باجر
مهره : شو باجر
شما : مهروو بااجر هذاااك
مهره : اها هي اوك بس شو الحجه اليديده
شما : بنرد دبي بنروح انيب لبسنا من عند مصمه اونه
مهره : اوك حلو
سارن البنات و كل وحده اتجهز اشيائها عسب اتسيره باجر
نشت الصبح شما و اتحس ان جسمها متكسر بس عادي يعني عوار عادي بدلت و لبتست عباتها و خبرت ابوها عن دبي و قالها اتسير مرت علي مهره و سارت هنااك، انروح شوي عند بطلنا كان يالس و يا عمره يفكر ايسير قلبه يقوله يسير و عقله يقله تم و هو قرر ان يسير بس عسب يجوفها اتصل في مايد
الكول :
ذياب : ميود بتخاويني
مايد : وين
ذياب :واحد من الربع داش فلات ريس و قالي اي عسب اجوفه
مايد : اونه وانا مادري
ذياب : اقول بتي و لاء
مايد : بي خلاص
سار ذياب مر علي مايد و سارو هناك كانت عين ذياب ادور شما بس ما قدر يجوفها لان المكان زحمه
مايد : ذياب وين ها ربيعك
ذياب : مادري والله
مايد : انزين انا بسير هناك بيبي كوفي تبا
ذياب : ها لا ما ابا
سار مايد و هو يغني و تي وحده تدعمه و طخخخخ ينصب الردبول عليه
مهره : سوري سوري
مايد : لا عادي عادي
مهره : اسفه ما كان قصدي والله السموحه منك اخوي
مايد : لا والله عادي بس لو ماعليج امر عندج كلنكس
مهره : هي هي دقيقه اتفضل
مايد : مشكوره و السموحه خوفناج عاد
مهره :انا الي لازم ااعتذر
شما من بعيد : مهارييي تعالييي بسرعه بنبدأ الحين مهوور
مهره : السموحه منك لازم اسير
مايد : لا عادي خذي راحتج
راحت مهره مع شما و تم مايد يجوفها لين ماسارت
مايد يقول فداخله : اخخ قلبي شو هل جماللللل لو انتي تعالي صبي عليه كل يوم عادي اخخخخ بس شو بعد اسمها مهره لا فنانه فنااانه فديتها والله
سار ذياب و مايد يسون صوب الشاشه العوده الي اتصور كل شي عسب يجوفون علي اساس ربيعهم بس كانت شما و بصدفه اه اه اه اتمصخر بصدفه كانت مهره و راهم و هي يالسه ترمس فتلفون
مهره : شمو حبي ما يستوي
شما : شو مايستوي علي كيفج
مهره : هي ترا انا الي بسوق فرده تبين اتموتين انتي البارحه شو استوابح اذا اليوم كيفف
شما : انزين خلني اخلص و بنجوف
مهره : الحين فديتج ركزي علي الي تبين توصليله بدون ما تفكرين فشي ثاني و ترا هذا هب لعبه حاسبي علي عمرج انزين
شما : ان شاء الله اوامر ثانيه
مهره : فديت الي تسمع رمسيته حياتي شمووو
شما : اقول بس لا وايد عطيناج ويه
مهره : شو بلاج هااااا هاي يزاتي ارمسج واعاملج جي
شما : حبيبج وانا مادري
ذياب و مايد : كانو فاطسين ضحك على سوالفهم لان مهره كانت حاطه سبيكر لان كانت اطلع اشيا من شنطتها
مهره ؛ يلا عاد سيري الحين بتبدون يلا شمو عشاني
شما و هي اتقلدها : عشاني ترا ها كله عشاني منو قال ان لج شان عندي
مهره : سيري لا انا الغبيه الي يالسه اعاملج جي
شما : محد طلب منج جي اترمسيني
مهره :شمو بس لا يالله سيري بيبدون بدونج عقب صيحي
شما : انزين يلا جااااووووو
مهره : جااااا ووو
و صكرت و يلستت تريها عسب تبا اتجوفها و اتصورها شوي الا يتكلم المذيع
المذيع : يبدأ اليوم السباق القوي من اقوي السباقات الي اتمر علينا فسنه يترا امنو بياخذ الناموس منو بيكون فارس اليوم منو ياترا انجوف ، بدو السباق و كان الكل متحمس و يبا يعرف منو بيكون بطل اليوم انطلقت بطلتنا بكل قوه و سرعه ات حاول توصل للي تباااا و تاخذ الناموس سااار بأسرع ما يمكن و شاده على جسمها و متوازنه و كانت الاوله شوي الا اي شخص و يجدم عنها و هي اترخي اللجام و بممممممم يسير خيلها بكل ما يملك من قوه و يتغلب علي الكل شوي الي اي واحد من وراها و خيلها يسوي حركه تخلي خيل شما يسرع اسرع عن قبل و كان شي حاجز جدامهم شما اتحاول اتهدي الخيل لاكن ماشي فايده و بروح و يضرب في حديده و من و قوت الضربه شما طاحت بلقوووو طخخخخخخخخخخخخخخخخخخخخخخخخخخخ
يتبع ...........................
أنت تقرأ
سود العيون
Diversosروايه اماراتيه ترمس عن حيات بنت عندها حلم تبا اتحققه و يتصادف صدفه بتغير حياتها بس هل هاي الصدفه بتكون زينه و لا بدمر حياتها بتعرفون كل هذا في الروايه
