شما طلعت من الغرفه و هي لابسه شيلة الصلاه
منصور : شو بلاج خفتي
شما : انتو شو يايبنكم نص الليل ترا شي بنت هني ماتعرفون
منصور : و الله ماشي ياين لان ملل و لو ردينا الحين بيوتنا ابهاتنا بيروغونا فا انتم هني لين مايأذن ونصلي ونرد البيت عساس رادين من المسيد
شما : حلو يعني تلعبون عليهم
منصور : تقريبا
زايد : و بعدين تعالي نحن شو عرفنا اتحسبناج فالمستشفى
شما : انزين
و سارت المطبخ يلست اتسويلها اندومي خلصت سارت بدش الغرفه
زايد : شموو تعالي وين سايره
شما : سايره الغرفه
منصور : تعالي كلي فصاله مامن غريب
شما ما كانت تبا اتم و ياهم لان هي مب قريبه منهم لان من اتوفت امها و هي تكره كل اهل ابوها ما عادا يدتها
شما بتردد : لا بسير عسبت تاخذون راحتكم اكثر
منصور : لا عادي تعالي
سارت و يلست علي الارض و هي تاكل و ساكته
منصور : شما عادي اسأل
شما : هي شو تبا اسأل
منصور : ليش جي وايد اتغيرتي
شما : مادري
زايد : منصور شو هل اسأله السخيفه
منصور : اووه انزين سوال ثاني
شما : اسمع
منصور : اول شي قولي والله بتجاوبيني
شما : لا اسأل يمكن ما اقدر
منصور : اوووه اوك شو السالفه ليش سرتي المستشفي و ليش ايدج مكسوره و صدق انتي خياله
شما بملل : ما يخصك بس سويت حادث
زايد يالس يسمع و هو مستغرب و هو اصلا يعرف القصه كلها بس يبا يعرف هي شو بجاوبه
منصور : منو دعم الثاني انتي و لا شو السالفه
شما : محد دعم حد
منصور : عيل كيف
شما : طحت من على الخيل
منصور و هو فاج عينه و حلجه لان عند اهلها هذا يعتبر شي عيب و من اكبر الذنوب
منصور : احلفي
شما : والله
منصور : كيف
شما : مادري
منصور : يعني الحين ابوج زعلان منج
شما : ما يخصك
منصور : اوي
زايد : هي والله منصور انت وايد ملقوف
منصور : جب
شما نشت بتسير الغرفه
منصور : وييين وين تعالي كملي القصه
شما : سير عند امك ختكملك
زايد مييت من الضحك
منصور : اوي بلاها نفسيه هاي
دشت شما الغرفه و انسدحت علي الشبريه مسكت تلفونها و كانت الساعه اربع الفير كان بالها مشغول ويا ذياب اتحس في شي يقولها كلميه دشت الواتس اب و
المحادثة:
شما : ذياب واعي
ذياب : هي امري
شما : مشكور
ذياب : علي
شما : الدم
ذياب : لا ما بينا شو هرمسه
شما : و الله لولاك ما كنت بعيش
ذياب : استغفر الله ربح كاتبلج عمر يديد
شما : الحمدلله
ذياب : شخبارج الحين
شما : الحمدلله احسن بوايد عن قبل
ذياب : الحمدلله ادريبج تقدرين تتعدين كل شي
شما : الحمدلله على كل حال
ذياب : يلا اتشافي بسرعه ابا اسبقج السنه اليايه
شما : ما تقدر وانا بنت امي
ذياب : بنجوف
شما : انزين بتجوف بروحك و بتحكم
ذياب : اها من الحين قمنا نحكم ما يستوي
شما : انزين تعرف ان انت كنت صادق هذاك اليوم
ذياب : انا دومي صادق بس متي
شما :يوم قتلك بدش السباق قتلي لا دشين وانا سويت الي فراسي بدون ما اشاور حد
ذياب : جوفي هو انتي غلطانه و بعد مب غلطانه
شما : انزين هاي هوايتي
ذياب : ما قلنا شي بس لازم ابوج كان يدري
شما : اتخيل ابوي كرهني بس عسب ركبت الخيل ليش وايد يبالغ في ردت فعله
ذياب : شما افهمي ان شي ناس تخاف عليج وايد بعد
شما : منو عماتي الي ما يحبوني و لا ابوي الي يلسو يرمسون عن امي جدامه و ما سوا شي وانا ما يخصني و طلعني انا الغلطانه و لا بنات عمي الي كارهيني مادري ليش انا شو ذنبي منو بعد ايب حد يخاف عليه منو
ذياب : انا انا اخاف عليج افهمييي خلاص شما والله اني حبيتج
شما ردي وينج
شما كانت مصدومه لان اول مره اتحس بشعور متبادل يعني ما عرفت ترد سيده طلعت من المحادثات اما ذياب حس بشعور حلو لان قدر يعترف و يطلع الي فقلبه بس خايف خايف وايد من ردت فعلها و شو بتكون
شما سكرت تلفونها و قررت ترقد لان باجر و راها نشه الصبح لانها بتسير الجامعه لانها كانت غايبه من الحادث رقدت و هي تفكر في ذياب
نشت الصبح بدلت و سارت عند يتدها يلست ويها اتسولف
اليده : ها شمو شو ايدج و ضهرج الحين
شما : احسن الحمد لله
اليده : تعالي ايلسي اتريقي ويايه
شما : لا ما با الحين بتي مهره بسير وياها الجامعه عندي كلاس بعد شوي
اليده : زين عيل
يلست شما تتريا مهره شوي جان يدش منصور بيت يدته يسلم عليها لان كلمهم في نفس الفريج فا ايون يسلمون عليها كل يوم
منصور : السلام عليكم
اليده : وعليكم السلام
منصور : شخبارج شما
شما : بخير
قامت شما تتصل في مهره
الكول:
شما : مهاري وينج
مهره : زحمه شو اسوي
شما : مهاري لا تستهبلين
مهره : اطير يعني
اليده : شمو شو بلاج فديتج
شما : ها مهره متأخره و عندي كلاس
اليده : تبين منصور يوديج
شما : لا عادي،
منصور : تعالي بنزلج فدربي
اليده : سيري شمو ترا و لد عمج
شما : انزين
منصور : سبقيني السياره بغسل ايدي و بي
راحت شما و ركبت سيارت منصور و يلست تترياه
منصور : طولت
شما : لا عادي
يلسو ساكتين لين مارمس منصور
منصور : شما شو فيج
شما : مافيني شي
منصور : متأكده
شما :هي
منصور : انزين شما اسمعي ابا اقولج شي
شما : نعم
منصور : انا احبج من زمان وابا اتقدملج
شما مصدومه منه لان هي تعتبره ولد عمتها لا اكثر و لا اقل
شما ساكته ما ترمس من الصدمه
منصور : شما قولي اي شي دخيلج
شما : منصور انا اعتبرك ولد عمي لا اكثر ولا اقل و نزلت
منصور و علي و يه علامت خذلان لان حبها و هي طلعت ماتحبه ولا معطتنه ويه
نزلت شما و بعدها مصدومه من منصور لان هي ولا معبرتنا طنشته و نست موضوعه سارت الكلاس و هي تتري الوكت يخلص لان تبا اترد البيت ترقد لانها تعبانه البارحه رقد متأخر خلصت كلاساها و تريت مهره و طلعو و يا بعض و في نفس الوكت طلع مايد لان عنده كلاس في جامعتهم و جاف مهره و راح يسلم عليها
مايد و الابتسامه مغطيه ملامحه من الوناسه : مهره شخبارج
مهره : مايد بخير الحمدلله
مايد : انتي شما صح
شما بأبتسامه خفيفه : هي
مايد : تشرفنا انا مايد
شما هزت راسها بنعم
شما : مهاري نسيت لابي بروح ايبه بسرعه
مهره : اوك
شوي جان ينزل ذياب يجوف وين مايد تأخر و جافه واقف مع بنت
ذياب : ميود يل هرم انا ساعه يالس اتراياك وانت داقلي سوالف هني
مايد ولا معبرنه لان يالس يرمس مهره
شوي جان اتي شما و ذياب جافها و ستانس و شما ويها احمر الانها مستحيه منه
ذياب : شما شخبارج
شما بصوت خفيف : بخير
ذياب : دوم ان شاء لله
شما : و ياك
ضحك ذياب علي طريقة كلامها لانها ايبين انها مستحيه وايد
شما : شو يضحك
ذياب : ولا شي
شوي جان يرن تلفون شما ردت
الكول :
شما : الو
منصور : تعالي برع
شما : منو
منصور : منصور
شما : لا برد ويا ربيعتي
منصور : ترا امايه قالت اي اخاذج
شما : شكرا برد و يا ربيعتي خلاص
منصور : شما تعالي بس سخافه انا داق درب
شما : منصور افهم ما ابا ارد وياك و صكرت في ويه
ذياب مصدوم منها لان يعرف ان ما عندها اخوان فيبا يعرف منو منصور
شما : مهرو انا سايره السياره
مهره : اوك الحين بي انا
سارت شما السياره و هي معصبه لان منصور لاصق لفيها و هي ما دانيه شوي جان يوصلها مسج في الواتس اب
المحادثة:
ذياب : شو فيج
شما كان المكان الوحيد الي اطلع كل الي فقلباها يوم اترمس ذياب لان اتحس هو بير و همومها تنعق فيه
شما : مافيه شي
ذياب : رمسي يلا
شما : ها ولد عمي منصور لاصق فيه
ذياب : ليش
شما : اونه يحبني و يبا يخطبني ومن هل خرابيط
ذياب : شو يخطبج بعد
شما : ما دري هو يقول صدعني
ذياب : شما حاولي اتردين بيت ابوج
شما : ذياب ابوي ما يرمسني
ذياب : يعني تبين هذا يلصق فيج
شما : انزين ليش عصبت
ذياب : ما عصبت
شما : علينااااج
ذياب : انزين
شما : اوك
ذياب : في حفض الرحمن
يتبعععع...............
اتمني عيبكم البارت
أنت تقرأ
سود العيون
Diversosروايه اماراتيه ترمس عن حيات بنت عندها حلم تبا اتحققه و يتصادف صدفه بتغير حياتها بس هل هاي الصدفه بتكون زينه و لا بدمر حياتها بتعرفون كل هذا في الروايه
