💚 || တော်ဝင်ပန်း || 💚
ep (17)
" ညက မီးက ဘာဖြစ်တာလဲ "
မနက်စာ စားဝိုင်းတွင် ဖြစ်သည် ။ စားသောက်ဆောင်၏ စားပွဲခုံရှည်ကြီးပေါ်တွင် တည်ခင်းထားတဲ့ အစားအသောက်တို့က တော်ဝင်အိမ်တော်နဲ့ လိုက်ဖက်စွာ ခမ်းနား တင့်တယ်သည် ။
သခင်ကြီးက စားပွဲထိပ်မှာ ထိုင်ပြီး ဘေးက ခုံမှာ သခင်မကြီးက ထိုင်သည် ။ ReHan က သခင်မကြီးနဲ့ မျက်နှာချင်း ဆိုင်မှာ ထိုင်ပြီး အထိန်းတော်ကြီးနှင့် အိမ်အကူ တစ်ချို့က လိုအပ်တာ ယူပေးဖို့ ဘေးတွင် မတ်တပ် ရပ်နေကြသည် ။
ထိုစကားသည် သခင်ကြီးက ReHan အား မေးလိုက်ခြင်း ဖြစ်သည် ။ အစားစားနေတုန်း စကားမပြောရဘူး စည်းကမ်းရှိပေမဲ့ ဒီကောင်လေးတွေက ဖမ်းဖို့ ခက်တယ် ။ ဆိတ်ဆိုတာ သေးပေါက်တုန်း ဖမ်းရတယ် မဟုတ်လား
ReHan က သောက်လက်စ ကော်ဖီခွက်ကို ပြန်ချရင်း
"Transfer မှာ ပြသနာ နည်းနည်း ရှိနေတာပါ အန်ကယ် ကျနော့်လူတွေကို အသစ်လဲဖို့ ပြောထားပါတယ် "
" မီးပျက်တာ 5 မိနစ်လောက်ဘဲ ကြာတယ်ဆိုတော့ ဘာပြသနာမှ မဖြစ်သွားဘူးမလား "
" မဖြစ်ပါဘူး အန်ကယ် ချက်ချင်းပြန်ပြင်ပြီး ညထဲက တစ်ခြံလုံး စစ်ပြီးသွားပါပြီး မသင်္ကာစရာ မတွေ့ပါဘူး "
" အင်းပါ ဒါနဲ့ ကလေးရော မနိုးသေးဘူးလား "
ဒီစကားကိုတော့ သခင်မကြီးအား ကြည့်ပြီး မေးလိုက်ခြင်း ဖြစ်သည် ။
" ခုန သွားနှိုးသေးတယ် အိပ်အုံးမယ်ဆိုလို့ ထားခဲ့လိုက်တာ "
" ကလေးကို သေချာဂရုစိုက် မေ အလိုလိုက်တာနဲ့ ချစ်တာက မတူဘူးနော် မေ သားကို ဒုက္ခမရောက်စေချင်ရင် "
" ကျမသားကို ကျမ ဘာမှ အဖြစ်မခံဘူး "
သခင်ကြီးကတော့ ခေါင်းသာ ငြိမ့်ပြလိုက်သည် ။ ကလေးက ဂျစ်တာလည်း မပြောနဲ့ သူ့အမေနဲ့ တစ်ပုံစံထဲရယ် ။ အသက်ကြီးမှ ရထားတဲ့ ကလေးလေးမို့ သူ့အမေက သဲသဲလှုပ်နေတာ သူလည်း ချစ်ပေမဲ့ သားကို လိုတာထက် ပိုပြီးတော့ အလိုမလိုက် ။ အထူးသဖြင့် ညဘက်အပြင်ထွက်တာ ။ ယောကျ်ားလေးပေမဲ့ သားက ....
YOU ARE READING
💚 || တော်ဝင်ပန်း || 💚 {𝓒𝓸𝓶𝓹𝓵𝓮𝓽𝓮𝓭 }
Fanfictionတကယ်တော့ အချစ်ဆိုတာ စကားလုံးတွေနဲ့ လှပအောင် ပုံဖော်ထားတဲ့ အဆိပ်မီးတောက်လေး တစ်ခုပါဘဲ 🔥