تولين بصت لحسام بصمت وتفكير ...
حسام مسك ايديها : عشان خاطرى ياماما .. انزلى معايا المرادى بس
تولين اتنهدت بضيق وابتسمت بهدوء وهزت راسها بالموافقة .. حسام ابتسم بسعادة وباس ايدها ...
حسام : ربنا ما يحرمنى منك يا لولو
تولين ابتسمت وطبطبت على راسه بهدوء وراحت أوضتها .. حسام دخل أوضته وفتح فونه بعت مسدج لعشق ...
حسام : عشقى🌚
عشق سمعت صوت فونها وصلتله مسدج فتحته لقتها من حسام واستغربت الإسم .. عشقى! حست بإحساس غريب بس كانت مبسوطة أوى وعجبها الإسم جداً وانه بينسبها لي هو بس .. ردت عليه ...
عشق : نعم
حسام : اجيلك امتى أنا وست الكل!🌚
عشق : ايه!
حسام : بقول اجى امتى أنا وست الكل! خلاص كلمتها ووافقت😌
عشق : ف الوقت اللى يناسبكوا
حسام : خلصانة بكرا كويس!😃
عشق بصدمة : 😳هو انت لحقت يابنى .. انت لسا واصل
حسام : عادى هحجز تانى سريع وننزل😃
عشق : 😳براحتك أقصد تنوروا
حسام : خلاص استنينى بكرا بقى😃
عشق : 😳ماشى
قفل كلام معاها ودخل لمامته بلغها انهم هينزلوا مصر بكرا .. تانى يوم ف مطار القاهرة الدولى .. خرج منه حسام ومامته لقوا إسلام مستنيهم وأول ما شافهم جرى على مامته وحضنها وهى ضمته بلهفة وشوق ...
تولين : 🤗وحشتنى أوى ياسمسم
إسلام : 🤗وانتى أكتر ياتوتى
بعد عنها وسلم على حسام كمان وحضنه ...
إسلام بهمس : مبروك مقدماً ياعم .. عروستك عندنا أبوك راح جابها عشان تطلبها منه😹تخيل تطلب عروستك من أبوك بدل ماهو اللى يروح يطلبهالك
حسام : عارف أنا اللى بلغته .. عشق ملهاش حد ولو كنا روحنالها كدا كانت هتزعل وتتضايق .. هى بتعتبر بابا باباها
اسلام : عارف .. يلا بينا
ركبوا العربية وإسلام وصل قدام الفيلا وتولين بتبصلها .. بقالها سنين بعيد عن هنا واللى موترها أكتر انها هتشوفه تانى بعد انفصالهم بعد كل السنين دى .. دخلوا وهى ف ايد حسام .. أبوه سلم عليه وبصلها وهز راسه ورمى عليها السلام وهى ردت بهدوء ودخلوا قعدوا .. شوية وعشق نزلت رحبت بيهم وتولين قامت سلمت عليها وحضنتها وهى بتمدحها وعشق قعدت جمب أبوه وحسام قاعد متحمس ...
عز : ايه!
حسام بحماس : 😃ايه!
عز بضحك : 😹ايه انت عايز ايه!
حسام كشر : 🙂مش وقته استعباط ما انت عارف اللى فيها
كلهم ضحكوا وقعدوا يتكلموا ويتفقوا ع الخطوبة وكل اللى هيتم ...
*___________________*
ف شركة سيرين كانت قاعدة ف مكتبها والباب خبط وخالد دخل ...
سيرين : هاا يا خالد عملت ايه!
خالد : العملاء برا
سيرين قامت وقفت بفرحة : بجد!
خالد : أيوا بس هما ليهم شرط يعنى لو حضرتك عايزة تكملى شغل معاهم
سيرين : شرط ايه!
خالد : ان حضرتك تعتذريلهم
سيرين : نعععععم! اعتذر لمين!
خالد : حضرتك أهنتيهم هنا ف مكانك قدام الموظفين .. مستنيين اعتذار بردو هنا قدام الموظفين
سيرين بصتله بغضب وخرجت وهى متعصبة جداً ...
*..الحوار مترجم..*
سيرين : سمعت ان ليكوا شرط أحب اسمعه
؟؟ : اعتذار
سيرين : عند أمك
؟؟ : بتغلطى للمرة التانية
سيرين : واغلط تالت وعاشر كمان .. اعتذر لمين يلا انت عبيط! انت عارف انت بتتعامل مع مين!
؟؟ : مكنتش اعرف بس عرفت .. بتعامل مع واحدة وقحة ومغرورة وواخدة سيط وسمعة ع الفاضى بس متقلقيش بكرا كل دا هينتهى وحقيقتك هتبان ودا وعد منى ومن غير سلام
مشوا وهما بيتوعدوا ليها جامد .. سيرين زعقت ف الموظفين وكل واحد رجع لشغله وهى رجعت مكتبها وهى شايطة .. خلال نص ساعة بالظبط اتفاجأت بخسارة كبيرة جداً وكل الأخبار بتتكلم عنها .. والشركات اللى كان ليها شغل معاهم بينسحبوا ويتخلوا عنها .. خالد دخلها لقاها قاعدة مصدومة ...
سيرين بصدمة : ايه اللى بيحصل دا؟
كملت بغضب : خااالد اتصرفوا أنا كدا هعلن إفلاسى
خالد ابتسم ببرود : وهو دا المطلوب
سيرين بصتله باستغراب
خالد : اعرفك بيا تانى .. خالد محمد موظف ف شركات الجارحى
سيرين اتصدمت
خالد قرب منها : الCV اللى قدمتهولك دا أى كلام .. ريان الجارحى بيبلغك سلامه
مسك ايدها وادالها كيس ف مادة بيضة وهى بصتلها باستغراب وصدمة ...
خالد : متقلقيش مش مخدرات .. دا سكر بودرة ابقى كلى بيه الكحك .. أصل العيد قرب كل سنة وانتى طيبة
وضحك جامد بسخرية وشماتة وسابها ومشى وهى اترمت مكانها مش مصدقة ولا مستوعبة اللى حصل .. خالد خرج من الشركة ورن على ريان اللى رد عليه ...
ريان : ايه يا خالود!
خالد : كله تمام ياكبير .. افتح الاخبار واتفرج وادعيلى
كدا البارت خلص♥️رأيكوا؟؟!!!....
أنت تقرأ
أنا فقط أحببتك❤️🩹
Romanceأعطيتك قلب يتمناه ألف مريض .. لكنك أعطيتنى جرح لا يعالجه ألف طبيب..💔 لم أفعل لك شيئاً .. أنا فقط أحببتك
