أنا فقط أحببتك❤️‍🩹

البارت ٢٧❤️

أدهم خلص شغله ونزل من المستشفى راح الحضانة بتاعة آدم ووقف يستناه بعد ما سيرين بعتتله صورته عشان يعرفه .. وقف يبص للصورة وحاسس بحنين غريب نحيته .. سمع صوت دوشة الأطفال وهى خارجة ولمح آدم بينهم بس لاحظ هدوءه وانه لوحده .. اتنهد بحزن وراح نحيته ...

أدهم : آدم!
آدم بصله باستغراب : انت مين! انت تعرفنى!
أدهم ابتسم : أيوا طبعاً أنا أدهم .. أكيد سيرين حكتلك عنى
آدم هز راسه : اه

أدهم : هى عندها اجتماع دلوقتى مش عارفة تجيلك ف كلمتنى اجيلك أنا .. يلا
آدم هز راسه بالموافقة ومشى معاه .. ركبوا العربية وأدهم مشى ...

أدهم : هو انت ماشى لوحدك ليه! ملكش صحاب!
آدم : لا
أدهم : ليه!
آدم : عادى مش حابب

أدهم : ف حد يحب انه يبقى من غير صحاب!
آدم : اه عادى .. هيفرقوا معايا ف ايه يعنى!
أدهم : هيفرقوا ف حاجات كتير جداً .. صحابك ممكن يبقوا أقرب ليك من أهلك
آدم : وممكن بردو يبقوا السبب ف دمارك باقى حياتك كلها

أدهم بصله بهدوء : ليه بتقول كدا؟
آدم بوجع : دى الحقيقة .. الصحاب كانوا السبب الأول والرئيسى ف دمار حياة أمى وموتها ف مصحة نفسية
أدهم بحزن : مين قالك الكلام دا؟
آدم : مش محتاج حد يقولهولى أنا كنت بشوف بنفسى .. سيرين حاولت كتير تخبى عليا بس أنا شوفت وفهمت كل حاجة لوحدى

أدهم اتنهد بحزن ووجع ومعرفش يقوله ايه ويواسيه ازاى! غير الموضوع ...
أدهم : ايه رأيك نبقى صحاب!
آدم بصله باستغراب

أدهم : ايه! متبصش لسنى وانى أكبر منك .. السن دا مجرد عدد .. جرب مش بتحب المغامرات!
آدم هز راسه بالموافقة

أدهم : خلاص اعتبرنى أنا وصداقتى مغامرة ف حياتك يا تكسبها يا تخسرها بس اوعدك مش هتخسرها وهتستمع بيها وانت عايشها قولت ايه!
آدم : موافق
أدهم ابتسم : يبقى اتفقنا

وصل عند شركة سيرين وآدم شكره ونزل ودخل الشركة .. أدهم بص لأثره واتنهد بحزن .. كبر قبل أوانه بكتير أوى ...

عدت الأيام وأدهم وسيرين خلصوا كل حاجة خاصة بيهم وجه يوم فرحهم .. كان آدم مع أدهم وريان بيجهز معاهم .. أدهم نزل لمستواه وعدله لياقة القميص ولبسه الببيونة ...

أدهم : ايه ياعم الحلاوة دى! دا انت أحلى منى هتخطف الأضواء منى ف ليلتى كدا
آدم ضحك وبغرور مصطنع : خلاص هستخبى مش هظهر كتير واسيبلك فرصة تظهر انت😌
أدهم ضحك : شكراً لكرمك ياعم😹

ريان دخل : يلا يا أدهم اتأخرت
بصله وقرب منه وقف قدامه يعدله الجرافتة وابتسم : زى القمر .. المفروض نبخرك قبل ما تنزل عشان الحسد
أدهم ضحك وريان كمان وحضنه : 🤗ألف مبروك ياصاحبى ربنا يسعدك دايماً يارب
أدهم ابتسم وحضنه : 🤗الله يبارك فيك ياريرو

خرجوا من الأوضة ورأفت قابله ف الطرقة ابتسم وقرب منه وحضنه : 🤗ألف مبروك ياحبيبى
أدهم : 🤗الله يبارك فيك يابابا

رأفت بمرح : اخلص بقى وهاتلى حفيد
أدهم ضحك : 😹طب اتجوز الأول طيب
ريان ضحك : 😹مستعجل أوى الحاج

نزلوا وليلى وقفت قدام أدهم وباست راسه .. أدهم مسك ايدها باسها وبعدين حضنها وهى حضنته ...
ليلى : 🤗عريس زى القمر ياحبيبى ربنا يحفظك من كل شر ويتمم فرحتك على خير يارب

نزلوا كلهم راحوا البيوتى سنتر وأدهم دخل يجيب سيرين وآدم أصر يدخل معاه .. دخلوا ال٢ سوا وأدهم أول ما شاف سيرين انبهر بيها وبجمالها البسيط والهادى .. كانت لابسة حجاب كامل والميكب خفيف وهادى جداً ...

أدهم : بسم الله ماشاء الله ايه الجمال دا؟ حورية نازلة من الجنة دى ولا ايه تبارك الله😍
سيرين ابتسمت بخجل شديد وفرحت أوى من كلام أدهم .. قرب منها وحضنها وهى حضنته .. خرجها من حضنه وبصلها بحب وباس راسها ...

آدم : خالتو انتى حلوة أوى😃
سيرين ضحكت بفرحة ونزلت لمستواه وحضنته : 🤗وانت أحلى ياقلب خالتو😚

باسته وقامت مسكت ف دراع أدهم وآدم جمبها وخرجوا وسط الزغاريط والفرحة بيهم .. وصلوا القاعة ودخلوا وبدأت رقصتهم السلو ...

أدهم : شكلك زى القمر ف الخمار
سيرين : بجد! أنا شوفت لفات الحجاب معجبنيش منهم حاجة بس الخمار كان تحفة وقولتلها تلفهولى .. حلو بجد!
أدهم : زاد جمالك أضعاف ياسيرى

سيرين بفرحة وحماس : خلاص مش هقلعه تانى أبداً .. هشترى لكل لبسى خمار بدل الطرح😃
أدهم هز راسه بالموافقة وابتسم بحب : ودى حاجة تفرحنى أكيد .. ربنا يثبتك ياحبيبتى

سيرين ابتسمت وسندت على كتفه واتنهدت براحة وأدهم سند راسه على راسها .. رقصتهم خلصت ومنظم الحفلة أعلن عن رقصة تانية بمشاركة كل كابل معاهم ...

ريان انحنى لروان ومدلها ايده : تسمحيلى بالرقصة دى برنسيس!😌

روان ضحكت بفرحة وكسوف ومسكت ايده وهزت راسها بالموافقة .. ريان ابتسم وباس ايدها وخدها وطلعوا ع المسرح وشاركوا ف الرقصة .. الفرح كمل وسط فرحة الكل وفرحة أدهم وسيرين اللى كانت مسيطرة ع الجو .. الفرح خلص ووصلوهم بيتهم .. أدهم مسك ايدها ودخلوا البيت سوا ...

أدهم : نورتى بيتى وحياتى ياكل حياتى
سيرين ابتسمت بحب وكسوف .. أدهم خدها ودخلوا الأوضة ...
أدهم : هدخل اغير ف الحمام واتوضى وانتى غيرى براحتك

سيرين هزت راسها بالموافقة وأدهم دخل غير هدومه واتوضى .. خرج وسيرين دخلت اتوضت وخرجت وقفت وراه وهو بدأ يصلى بيها .. أول ما سجد دموعه نزلت غصب عنه بس المرادى دموع فرحة .. مش مصدق انه أخيراً بيصلى بيها ف بيته! .. خلصوا صلاة ولف بصلها وحط ايده على راسها وقال الدعاء وبعدين بصلها وابتسم من بين دموعه وباس راسها وهى بتبصله بتأثر وعيونها لمعت ...

وبس كدا كفاية🙂مش كل شوية هقول عيب احنا ف شهر مفترج .. نتقابل البارت الجاى بقى ان شاء الله🚶🏻‍♀️ ...

كدا البارت خلص♥️رأيكوا؟؟!!!....