أنا فقط أحببتك❤️‍🩹

البارت ٢٨❤️

عدى فترة على أبطالنا ومفيش جديد .. كل واحد عايش حياته ومبسوطين ...

ف يوم عشق كانت قاعدة مع تولين بس حاسة بتعب مش عارفة سببه ...
تولين : مالك ياعشق انتى كويسة!!
عشق بتعب : مش عارفة دايخة أوى وهبطانة
تولين : انتى بقالك كام يوم تعبانة وكدا مينفعش .. قومى البسى وأنا هكلم حسام يقابلنا عند المستشفى يلا

عشق هزت راسها بالموافقة وتعب وقامت غيرت هدومها هى وتولين ونزلوا راحوا لحسام المستشفى اللى هو شغال فيها .. وصلوا وهو كان مستنيهم قدامها ...

حسام : مالك ياحبيبتى! بردو دايخة!
عشق هزت راسها بتعب شديد وسندت عليه .. حسام شالها وطلع مكتبه .. نيمها ع السرير وكشف عليها .. خد منها عينة دم وبعتها تتحلل وقعد جمبها وخلاها تقعد وسندت على كتفه وشربها عصير ...

عشق : خدت عينة دم ليه!
حسام : شاكك ف حاجة كدا
عشق : ايه!
حسام : انك حامل مثلاً
عشق بصدمة : 😳هااا؟

حسام : هتأكد من التحليل بس بنسبة ٩٨٪ حامل
عشق : ازاى أنا باخد دوا مانع الحمل زى ما اتفقنا والله
حسام : مفيش حاجة بتمنع الحمل بنسبة ١٠٠٪ ياعشق دى حاجة بإيد ربنا حتى لو بتاخدى موانع للحمل بس ربنا أراد انك تحملى دلوقتى خلاص

عشق بتوتر : 🥺ط طب يعنى هو انت هتضايق لو طلعت حامل فعلاً؟ خلاص بقيت مستعد لدا؟
حسام : انتى عبيطة ياحبيبتى! اتضايق من خبر زى دا ليه! دا رزق من ربنا لينا اقوله لا؟! دا أنا ابقى جاحد ع النعمة

عشق ابتسمت وبعد شوية الباب خبط والممرضة ادتله نتيجة التحليل .. حسام فتحها شافها وابتسم ...
حسام : شكى طلع ف محله مبروك ياعشقى

عشق صرخت من فرحتها وقامت تتنطط حسام رفعها من ع الأرض بسرعة ...
حسام بضحك : اهدى يامتخلفة احنا كدا مش هنلحق نتهنى بالخبر حتى😹

عشق ضحكت وحضنته : سورى بس أنا مبسوطة أوى ياحوس بجد🥹🤗
حسام ابتسم وحضنها : وأنا كمان مبسوط كفاية فرحتك دى عندى بالدنيا🤗

تولين قربت منهم وعشق بصتلها وابتسمت وحضنتها بفرحة : 🤗هتبقى تيتا يالولو😃
تولين ابتسمت بفرحة وحضنتها : 🤗ألف مبروك ياحبيبتى ربنا يكملك على خير وتقومى بالسلامة

حضنت حسام : 🤗ألف مبروك ياروح قلبى يتربى أو تتربى ف عزك
حسام حضنها : 🤗ربنا يديمك لينا ياست الكل
       *____________________*

سيرين بدأت تنجح ف شغلها تانى وترجع زى الأول ومعروفة ف مجالها وأدهم مبسوط أوى بنجاحها وبيشجعها دايماً للأفضل .. ف الفترة الأخيرة بدأ ينتشر خبر جوازها من ممرض وتعليقات سخيفة ان زى سيرين العِمَرى اتجوزت ممرض! .. دى كانت حاجة مضايقاها جداً بس أدهم مهتمش .. ف يوم وهى خارجة من المستشفى الصحافة جروا عليها وبدأوا يسألوها عن الكلام دا وهل الخبر دا فعلاً صحيح ولا لأ؟! ...