عدى فترة على كل أبطالنا ومفيش جديد .. حسام سافر هو ومامته وعشق .. أدهم اتعافى أخيراً ورجع لشغله تانى ف المستشفى .. ريان وروان مشغولين وخلاص ف التشاطيب لتجهيزات جوازهم ...
ف تركيا عشق صحت من النوم وخرجت برا لقت تولين ف المطبخ بتحضر الفطار ...
عشق : صباح الخير ياماما
تولين ابتسمت : صباح النور ياحبيبتى
عشق قربت منها : اساعدك!
تولين : لا أنا خلاص خلصت روحى انتى صحى حسام يلا عشان يفطر معانا قبل ما ينزل الشغل
عشق هزت راسها بالموافقة وخرجت من المطبخ .. راحت أوضتها هى وحسام وقربت منه قعدت جمبه ع السرير وبدأت تصحيه بهدوء ...
عشق : حسام
حسام بنعاس : امم!
عشق : حسام يلا قوم عشان متتأخرش على شغلك .. ياحوس
حسام اتمطع وفتح عينه وابتسم : صباح الخير
عشق ابتسمت : صباح العسل .. ايه العسل دا ياض! شكلك كميل خالص وانت صاحى من النوم كدا
حسام ضحك وقام اتعدل وباسها : دا يابختى لما اصحى على وشك كدا كل يوم ياسكر
عشق اتكسفت وقامت من جمبه : احم قوم يلا خد شاور واجهز واطلع عشان نفطر قبل ما تنزل
وخرجت برا بسرعة وهو بيضحك عليها وعلى كسوفها .. قام خد شاور ولبس هدومه وخرج باس تولين وصبح عليها وقعد معاهم يفطروا كلهم سوا .. خلصوا وحسام قام ودعهم ومشى ...
*____________________*
ريان وروان كانوا مع بعض ف المول بيشتروا حاجات خاصة بجوازهم ...
روان : الله ياريان بص ترابيزة سبونج بوب😃
ريان : يلا ياروان ربنا يهديكى
روان : طب بص بص طقم كاسات حلويات بالمعالق على شكل قطة😃
ريان : يابنتى يلا متشلنيش🙂
روان : اعاااااااااااااا مجين الجميلة والوحش😃
ريان شدها من هدومها وراه وهى بتضحك😹
روان : والله حلوين🥺
ريان : وربنا أنا ما عارف هتجوزك واسيبك تفتحى بيتى ازاى!🙂
روان : بالمفتاح😃
ريان سكت وبصلها وهى ضحكت : 😹خلاص خلاص والله يلا نكمل عشان نروح المستشفى
ريان : ليه!
روان : عشان حضرتك تكشف أنا مش ناسية🙂
ريان : يابنتى ما خدت شاور ساقع وعلاج وخلاص والسخونية نزلت الحمد لله
روان : مليش فيه هنروح بردو نطمن
ريان : هو انتى ماشية بابنك هتاخديه للدكتور غصب عنه!
روان : أيوا😌
ريان : أبو شكلك
روان لعبت ف خدوده : متخافيش ياكتكوتى مش هخليه يديكى حقن يتى🥺
ريان زقها بعيد عنه ومشى : غورى ياباااه أبو استفزازك🚶🏻♂️
روان ضحكت وراحت تجرى وراه : 😹ريرووو .. استنى يابيبى بهزر معاك والله
*__________________*
ف المستشفى أدهم كان بيتابع شغله ودخل أوضة لقى فيها مامته وسيرين كل واحدة على سرير .. يا الله! ال٢ ف وقت واحد .. خد نفس وحاول يهدى ويسيطر على مشاعره وقرب من مامته الأول بس الغريب انها المرادى بتبصله ومش شايلة عينها من عليه .. ونظرتها غريبة! نظرة شوق ولهفة وأدهم ملاحظها ومستغرب بس مبصلهاش وكأن الحال اتشقلب وكل حاجة بقت عكسية ...
ليلى : يعنى لما أنا بصتلك انت مش عايز تبصلى حتى!
أدهم مردش وتمم ع الكالونة ف ايديها وكل حاجة خلاص ...
أدهم بهدوء بارد : ألف سلامة على حضرتك
ومبصلهاش بردو وسابها وراح نحية سيرين اللى كانت نايمة وصحت أول ما حست بيه جمبها ...
سيرين بلهفة : أدهم!
أدهم مبصلهاش ولا رد عليها مسك ايديها وحطلها الكالونة برفق وهى اتوجعت وضغطت على ايده غصب عنه بس بردو أدهم مهتمش ولا حتى اعتذر زى عادته دايماً .. حطلها المحلول ف الكالونة واطمن ع الوضع وجه يخرج مسكت ايده بسرعة ...
سيرين : أدهم استنى
أدهم لف بصلها : خير يا آنسة!
سيرين : أنا آسفة
أدهم : بردو مش فاهم حضرتك عايزة ايه! اديتك علاجك والمحلول تمام اهو ف ايه!
سيرين دموعها نزلت : 😢أدهم أرجوك سامحنى .. أنا والله كنت مفكراك أخوه مكنتش اعرف أى حاجة ومفكرتش ساعتها وبعدين حقك جالك وزيادة والله العظيم خسرت كل حاجة حتى سمعتى .. طز ف كل دا مش مهم بس عذاب ضميرى مموتنى أنا آسفة .. طب حط نفسك مكانى💔
أدهم بهدوء : اوك حطيت نفسى مكانك وبعدين!
سيرين : هتتصرف ازاى لو انت مكانى واختك حصلها كدا؟
أدهم : نصيبها .. اه هبقى موجوع ومحروق قلبى عليها ونفسى امسك اللى عمل كدا اقطعه بسنانى بس ربنا موجود وكفيل يجبلى حقى وحقها .. حطيت نفسى مكانك مش هفكر أصلاً ف الانتقام من الشخص نفسه عشان اظلم أخوه أو حد تانى يخصه ملوش ذنب ودا مش ضعف ولا معناه انى مش قادر اخد حقها بالعكس .. أصل لما يسئ ليا وأنا ارد إساءته ويرجع تانى يسئ ليا امتى الإساءة دى هتنتهى! مش هنخلص كدا .. ف أنا فوضت أمرى لله .. مرة واحد شتم خالد ابن الوليد ساعتها رد عليه بجملة واحدة .. *"إنها صحيفتك .. املؤها بما شئت"* .. يعنى أنا لما املى هملى صحيفتى أنا .. يبقى الأفضل انى اوكل ربنا واكون انضف من انى أرد أذى بشر بأذى زيهم ودا مش ضعف بالعكس دى قمة القوة وأنا ثابت وقادر انى أرد واغضب بس قررت انى اتحكم ف غضبى .. أصل مش كل الناس تستاهل اننا نغضب بسببهم
سيرين عيطت من كلامه وطلعت المذكرة بتاعته : 💔طب والكلام اللى هنا؟ مكنتش اعرف انك عارفنى من زمان وبتحبنى أوى كدا والله يابختى
أدهم : كنت .. ودلوقتى!
خدها منها وبدأ يقطعها بغل ورماها ف سلة الزبالة وهى بتبصله بذهول ووجع وعياطها زاد ...
سيرين ببكاء ووجع : 💔😭أنا آسفة والله آسفة سامحنى كنت غبية وعامية فكرتك أخوه معرفش انه ابن عمك ومعرفش انه بيكرهك أصلاً ومش هتفرق معاه
أدهم : مبرر حلو بردو
بص لأمه : وانتى! بما انك قررتى فجأة ترضى عنى .. ايه المبرر بتاعك احب اسمعه
ليلى بدموع : كان مهددنى بيك والله خوفت عليك
أدهم ضحك بوجع : 💔😹مبرر حلو بردو .. ماشاء الله مبرراتكوا مقنعة فعلاً .. الله يسامحكوا بس أنا مش مسامحكوا🚶🏻♂️
وخرج وسابهم بيعيطوا من عذاب ضميرهم والندم بعد فوات الأوان اللى مش هيفيد بحاجة دلوقتى خلاص .. راح أوضة الممرضين اللى بيقعد فيها معظم الوقت واترمى ع الكرسى بتعب وغمض عينه ودموعه نزلت بصمت ووجع ...
كدا البارت خلص♥️رأيكوا؟؟!!!....
أنت تقرأ
أنا فقط أحببتك❤️🩹
Romanceأعطيتك قلب يتمناه ألف مريض .. لكنك أعطيتنى جرح لا يعالجه ألف طبيب..💔 لم أفعل لك شيئاً .. أنا فقط أحببتك
