لبوة في بلاد الغربة 📄🖋

البارت الثالث

هلي.. كل الجرة منكم
هلي...مشكولة ذمتكم🥺🥺🥺

روح... وصلنا نزلت من السيارة مادخلت لمطار بقيت واكفة نزل وصاح بوجهي امشي لا اكسر راسج

روح.. كسر راسي اضربني شوهني شسوي سوي بية بس اضربني ضربة موت موتني وخلصني لتسوي بية مثل ما جنت تسوي ب امي

ابو روح.. شسويت ب امج بنت لكلب انعل ابوج يحجي ويضرب على راسي ملخ شعري ب ايدة رفعت راسي وباوعتله بنضرات باردة وخالية من اي مشاعر باوعلي وصفن بوجهي وحجه..

ابو روح.. شوف شوف عينها شلون عين ال... حتى دمعه ما طاحت منهة

روح.. انتم مو بس كتلتوا امي لاكتلتوا روحي وياهة 😡

دخلنا صالة المطار وراح هو يكمل الاجراءات كعدت اني على كرسي فتحت كصيبتي ورفعت شعري ليفوك كمل اجراءات السفر وبعد ساعات وصعدنا لطيارة كم ساعة وصلنا واخذنا تكسي رحنا لبيت بيبيتي وصلنا الباب كتله..

روح... ليش جبتني هنا وانته تعرف اني ماحب هذا المكان هاي المدام الي كلتلك حتى تتخلص من يمي ونته متكدر ترفضلها طلب

ابو روح.. احجي عدل لاكفخج على حلكج الي تحجين عنها قدمتلج الامومة وكبرتج

روح.. لاتكول امج لاتكول هي مو امي خوش

مشى وعافني وكف تكسي وصعد بيها مد راسه وشمر فلوس بوجهي وصاح دير بالج تتصلين بية ومن ليوم تنسين عندج اب فتتهمتي مشت سيارة واني عيوني ضلت وراه وتنزل دموع

روح... شلت لفلوس من لكاع وصحت ب اعلى صوتي هيج راح يرتاح ضميرك بهذن الفلوس لشمرتهن راح تريح بالك لزمتهن حيل وسويتهن نصين وبجيت من كل كلبي اني هم راح اعوفك ولو كبرت بيوم وحتاجيتني ابد ماراح اسامحك ولا ابريك الذمة

روح.. من بعد بجي وصريخ لحد ماختنكت ماكدرت اتنفس بعد رحت دكيت الباب على بيبيتي فتحته وتفاجأت بية ماصدكت وطارت من لفرحة جرتني وحضنتني حيل وبجت اه ياريحة الغالية

الجدة.. باوعتلي وكالت شبيج يمه ليش تبجين ومنو جابج وشلون جيتي وحدج

روح.. مااجيت وحدي جابني ابوية وراح

الجدة.. يايمة ليش ما اجه سلم علية وبسرعة راح

روح.. ضليت ساكتة ماحجيت شي وهيه عبالك فهمت علية

الجدة.. خلي اكوم اجيبلج لكمه تاكليها ونتي رتاحي وغيري هدومج اخذي راحتج يمه بس اني وياج بل بيت

روح.. دخلت سبحت ولبست تشيرت وبجامة طلعتهن من لجنطة الحية جامعه ملابسي كلها بيهن

طلعت لكيت بيبتي مخليه صينية بل صالة كعدت اكل عل سريع وبكل شهية لان طبعي اعشق شي اسمه اكل

اجت بيبيتي بيدها مي باوعتلي وكالت يا يمه على كيفج اكلي محد ياخذ لاكل منج هاج شربي مي

شوية وحجت اي يمه سولفي هل مرة ضربتي وحدة بلمدرسة طلعتي دم من راس واحد لو كتلتي شاب بل شارع

روح.. بلعت ريكي وحجيت واني مدنكة لاموضرب هاي لمرة بس دزت علية لمديرة كلتلي انتي ذكية ميحتاج تداومين بعد مدرسة وانطوني شهادة لتخرج اصلا

الجدة شوفي هاي سوالفج مو علية هذا البلد  يختلف عن الي جنتي بي كلشي هنا هادئ يمي يعني تنسين شي اسمه ضرب وكفخ وشقاوة... لسان طويل تنسينة والا..

روح.. قاطعتها والا شنو تطرديني نفس ماسوا رجل بنتج مو

بناتي ليش متسون واهس للنشر واني ملتزمة وياكم انشر اليوم بيومة ليش مجاي تصوتون عل قصة صوتوا خلي توصل للكل خلي لقصة تاخذ حقها ترا لسه اني ممبلشة ب احداثها الجدية والاكشن مال روح الي متاكدة راح ياخذ عقلكم❤