ي هنيَال البشُر قبَل امهُ لو مات!💔👋🏻
كعدت صبح رحت اشوف بيبي مو من عوايدها ماتكعد صبح شسالفة دخلت غرفتها شفتها وجها جنها ملاك تقربت منها بوستها من وجها لكيتها ثلج صايرة
بيبي بيبي.. اكعدي شنو اليوم عكست لدنيا اني اكعدج مو انتي شسالفة من شوكت هاي احاجيج متكعدين خفت وتراجعت الزمها خليت راسي على كلبها مابي نبض طحت على ركبي صرخت لا بيبي لاااااااا.....
كمت ادك والطم على وجهي موتت نفسي من لبجي وي صرخاتي العالية ندك الباب تفلش اتفلش رجلية ماتت ماكدرت اكوم بعد بقيت على كعدتي كد ماحسيت ندفر الباب ودخل
ساجد.. شكو روح شبيج شنو هل صريخ وشنو هاي حالتج شبيج كعد يمي ولزم ايدي
روح.. بيبي..بيبي لامو وكتها ابد مو وكتها اني منو الي منو يرحمني منو يكون وياي اذا غلطت ع اساس راح تغيريني والله تغيرت بيبي تغيرت والله علمودج فدوة لتعوفيني ليش غيرتيني ليش جان بقيتيني مثل ما ع الاقل ميهزني شي ولا تحركت مشاعري ليش خليتيني اتعلق بيج وعفتيني ورحتي كافي هاي الدنيا اخذت مني هواي والله تعبت من تعدلت حياتي وكلت خلاص رحتي مني شلون نطاج كلبج وتكسرين بيه 😭
ساجد... كام وكف وراح يم بيبي شال الغطا وغطا وجها انا لله وانا اليه راجعون
كمت ضربته بثنين اديه على صدره لا لا تغطيها مابيها شي والله هسه تكعد هيه متعوفني هي ابد اني اعرفها
ساجد.. يمسح بوجهي ودموعي ويحجي كولي يالله بابا كولي يالله هذا امر الله حرام نعترض راحت يم رب رحيم خليج قوية راح يوكف كلبج من لبجي
ساجد... نته شدتحجي شنو راحت شنو جاي كلك ماتعوفني ولله متعوفني ابجي واضرب بي لزمني وشالني وطلعني برا واني ابجي وصرخ من كل كلبي
روح بابا سمعيني نطيني ارقام اهلج او احد اقاربج
روح.. ولك يا اقارب يا اقارب يااهل .. هي كل عائلتي واني كل عائلتها منو يجي متكلي منو
ساجد..لا حول ولا قوة الا بالله
روح.. بعد ديحجي محسيت الا دنيا فترت بيه ومحسيت بدنيا بعد منو شالني منو خلاني بلصالة
فزيت على احد يكعدني ويذب عليه مي فتحت عيوني لكيت ساجد يمسح على شعري
كومي بابا حتى تودعين بيبيتج
ليش وين اخذتوها ؟
اجه ابوج ومرته ومسمحولي اكعدج منعوني واني منطاني كلبي تروح بيبتج بدون متودعيها
روح.. بعده ممكمل كلامه عفته وركضت ماعرف وين اروح لمهم الحك بيهم جان شارع فارغ محسيت الا وكفت سيارة بصفي باوعت ساجد
اصعدي بابا اني اخذج
روح صعدت يمه
وصلنا ولكيتهم ستوهم يدفنون بيها ركضت شمرت نفسي عل التراب وصرخت ودكيت وبجيت ولطمت وهم يدفنون بيها بدون رحمه
أنت تقرأ
لبوة في بلاد الغربة 📄🖋
General Fictionتتكلم الرواية عن فتاة تعيش مع والدها وزوجتها بمآساة لكن هذه القسوة تصنع منها فتاة قوية لاتبالي احد يشاء القدر ان تذهب الى بلد اخر وتساعدها جدتها ان تغير حياتها وتصبح من احسن جراحي البلد
