"" لو اجتمعت خسائر العالم امامي وكانت امي معي فأني لم اخسر شيئآ،،،
روح ... ماعرف شلون خلص الدوام وعدا هذا اليوم على خير وطلعت من لمدرسة ركبت سيارة المواصلات وكعدت بصف الشباك والهواء يلعب بشعري صار كدامي ام حاضنه بنتها الزغيرة وام حامل من شفتهم ابتسمت لا ارديآ وكفت السيارة نزلت كدامي المره الحامل تمشي شوية شوية لفتت انتباهي كتلها تحبين اساعدج كالت ي فدووة بس وصليني هنا بيتي قريب احس راح يغمى علي من الآلم اخذتها لزمتها من ايدها وصلتها لبيتها جان بيتها بنفس شارع الي بي احنا جاي امشي بيها صار بوجهي باوعلي مبتسم ابتسامه لطيفة.. وكال
ساجد.. حلو يوم بعد يوم اكتشف بيج شي مختلف وصفه جديدة وحلووة غير النضرة الماخذها عنج عفته وسكتت وصلت المرآة البيتها ورجعت صار بوجهي كال شنو متحجين وي استاذج جاي ارد عليه وسمعت صريخ المرآة ركضت لبيتها وهو ركض وراي فتحت لباب ودخلت عطت بي اتصل بلاسعاف بسرعة
ساجد... وليش اسعاف رايح اجيب سيارتي واجي
روح... يلا لعد شنو منتضر اثناء ماجاي نطلع سمعنا صوت الاسعاف ودخل زوجها اضاهر متصلة بي دخل هو والدكاترة ساعدتهم وصعدتها وياهم بل الاسعاف ونطلقت سيارة الاسعاف بيهم باوعت الادي ثنينهم يرجفن كتله خيرك استاذ انته زين هز راسه وعافني وراح شبي هذا خبل عفته اني هم ورحت اتمشى للعصر ياله رجعت لبيت لكيتهم هو وبيبيتي كاعدين على كراسي بل باب حجت بيبي
الجدة... ها يمه روح وينج.
روح.. تمشيت شوية
ساجد ....تعرفين شصار وي المراة الحامل
روح.. ي صح ذكرتني شصار وياها
ساجد..لحمدلله زينة وصارت عدهم بنوتة وسئلوني عن اسمج كتلهم روح لان انتي الي ساعدتي الام ولطفلة راح يسموها روح
الجدة.. يمه فدوا البناتي زينة البنات ام كلب الطيب
روح.. ابتسمت وفرحت حيل بس استاذ مو وحدي انته جنت وياي بعدين احنه مسوينه شي مجرد مساعده اي شخص يكدر يسوي هل شي مكانه
ساجد..وبنفس الوقت قليلين الي يقدمون مساعدة للناس الي ميعرفوهم مو كلها مثلج
روح...ماعرفت شنو ارد على كلامه عن اذنكم ادخل ارتاح شوي عفتهم ودخلت جوا سبحت وبدلت لكيت بيبي محضرتلي اكل وداخله نايمه اكلت ودخلت يمها حضنتها ونمت بصفها واني اتذكر كلامه من يكول انتي نقذتي حياتهم وسمت بنتها على اسمج ماعرف شلون غفيت وشوكت كعدت ماحسيت نفسي الا واني واكفه على باب بيته.. ادك بل باب محد يفتحه الي اخر شي دكيت كل قوتي طلعلي متكتف خير ان شاء الله
روح.. اكدر ادخل استاذ حابه احجي وياك
ساجد..لا
روح... باوعتله بنضرة بريئة
ساجد.. اقصد بيتي هوسة تعالي بلحديقة
روح.. دخلت بلحديقة كعدت بلكاع عل زرع ومددت رجلية
هو كعد على الكرسي مقابيلي متكتف ويباوعلي ب تسائل اي احجي شعندج هنا اعتقد متكدرين بدون متشوفيني مو
روح.. اهووو شكد معجب بنفسك ابتسم وهز راسه
روح.. استاذ ليش صرت معلم
ساجد.. ليش يعني الواحد يصير معلم
روح.. لو اعرف مجان سئلتك ليش تجاوب سؤالي بسوال
ساجد.. وانتي ليش فضولية
روح.. راح اسئلك غير سؤال
جدتي اريد احقق حلمها وهي امالها كلها عليه اني اتخذت قرار حياتي هسه اني قررت اتغير واغير كلشي بية لخاطرها واحقق احلامها وافرحها
ساجد... واضح هل شي بس ليش تسولفيلي
روح.. لان ماعرف منين ابدأ
ساجد.. بسيطة كلش
تدرسين.. تاخذين درجات زينة بامتحاناتج.. تداومين اليوم بيومة.. تنجحين.. خلص
روح ... كلها مكدور عليها اصلا اني بسرعة احفظ بس مال استمر بلدوام صعبة ممسويتها قبل جنت اداوم بس ايام الامتحانات او مره ومرتين بل اسبوع وانجح
ساجد بس هذا الشي مو كافي منا وهيج راح تداومين اليوم بيومه ولازم تتعلمين هواي اشياء وبسرعة هم
روح..شلون راح اسوي هذا كله لازم احد يعلمني هل شي
ساجد.. انتي راح تتصرفين بعد ويلا توكلي عندي شغل هواي حجينا اليوم
روح.. كمت ونكتت ادية ومشيت شوية وكفت درت وجهي اله لكيته يباوع بية شكرآ الك استاذ
هز راسه وابتسم اني خليت وطلعت وقررت من اليوم اغير حياتي كلها لخاطر جدتي...
أنت تقرأ
لبوة في بلاد الغربة 📄🖋
Ficción Generalتتكلم الرواية عن فتاة تعيش مع والدها وزوجتها بمآساة لكن هذه القسوة تصنع منها فتاة قوية لاتبالي احد يشاء القدر ان تذهب الى بلد اخر وتساعدها جدتها ان تغير حياتها وتصبح من احسن جراحي البلد
