الجدة.. شوف شوف عديمة التربية شلون تحجي وياي احد كلج اني بلا ضمير نفس ابوج شلون تتوقعين مني اسوي هيج
روح.. حتى لو جنتي هيج عادي مااتفاجئ متعود جسمي عل الضرب
الجدة... باوعتلي بنضرات حيرة كسرت صفنتها بكلامها وهي تكول مدرسة تداومين هاي اخر سنة الج وتطلعين لمعدل الي يرفع الراس وميخليج تحتاجين اي احد حتى ابوج فهمتي لو لا
روح.. اجباري يعني؟
الجدة... اي اذا لزم الامر اجباري وبالنعل هم يلا كومي نامي حتى صبح نكعد من وكت نروح نشوف مدرسة تقبل تستقبلج وتداومين بيها
الساعة 8 صباحا...
الجدة.. روح روح يلا كومي تاخر لوقت
بلكي نلكه لمدرسة الي تستقبلج من يشوفون درجاتج
روح... كمت بدلت وسرحت شعري وعفته مفتوح ولبست تشيرت وبنطرون وشمرت قميص عل جتافي شديته
طلعت لكيت بيبتي محضرة ريوك كعدنا ناكل وهم اكلت بشراهة وبقت ترزل بيه 😂
روح.. كتلها يلا كومي بس ليوم نروح قبلوني قبلوني اداوم مقبلوني لا اروح ولا اداوم بعد
الجدة.. دكومي كومي مو بكيفج هو غير
تردين بس حجه حتى تكعدين بيها
روح.. طلعنا وفترينا ومن سوء حضي اول مدرسة دخلنا الها قدمت اوراقي قبلوني بسبب درجاتي لكاملة استلمت منهم كتب والزي هم جان من ضمن المدرسة وطلعنا مشينا جاي نرجع باوعت جو حلو مو مال واحد يرجع للبيت
وكفت كتلها ببيي كالت ها يمه كتلها بيبي انتي رجعي اني حفظت لطريق لتخافين عليه عاجبني شوية اتمشى واشم هوا باوعتلي حايرة طلعت من جنطتها فلوس وخلتهن بيدي
روح... باوعتلها شنو هاي بيبي شسوي بيهن كالت خليهن عندج وهذا تليفوني خلي عندج اي شي يصير .. بقيت اتمشي باوعت لفلوس وموبايل خليتهن بجيب لبنطرون ومنين ماامشي احفظ لمكان الي جيت منه وطبعي بسرعة احفظ وماانسه دخلت للسوق بقيت اباوع على محلات ولغراض ضليت افتر بي شوي وطلعت على شارع انتظرت السيارات تروح حتى اعبر واني اريد اعبر بعدني قدمت رجلي ماحسيت الا نشمرت على الرصيف
روح.... انته متشوف اعمى جان موتتني شبيك
ساجد... وهو بل سيارة يصيح منو الاعمى اني لو انتي الي طلعتي بوجهي
روح ... اخ يابه كسرني الله يكسرك ان شاءالله
ساجد... نزل من سيارة نزع نضاراته باوعلها وهيه كاعده عل رصيف وتتفحص برجلها شافت خيال وكف يمها رفعت راسها
روح... رفعت راسي وباوعتله بغضب والله ليوم محد يخلصك مني ارد اشوف منو مخلي بيدك سيارة بايسكل ماخلي بيدك وكت لحجيي يطلعون لعنصر النسوي ميعرف يسوق وهم يسوقون مثل...
روح اجيت اكمل صياح وغلط..وشوفلك رفع ايده بوجهي
ساجد...صاح بس بس نهديتي شمالج الي يشوف وجهج يكول هاي متروسه رقه وانوثة ميدري بداخلها جبار ابو االمولد بوية انطينا عطوة شمالج نهديتي بية
روح..لاباوع لحض مالتي نوب عراقي ي طبعا ليش استغرب اذا وين اكو غريب يآذيك الاذية ماتجي الا من لمنك وبيك ولي من وجهي لا اخليك بركبتي
ساجد... ولج منو تخلي بركبتج بعمري مشايف بصلافتج شكد ادبسز لعد نزلت كلت اسوي لواجب اعتذر منج واخذج لمستشفى بس اضاهر نتي تربية شوارع
روح.. دار وجها يريد يروح رفعت رجلي ودفرته بضهرة وكع على وجهة بس سند على ادية صحت بي ماغيرك الادبسز هاي لدفرة مكان اعتذارك مني وهيج متصافين خليت وركضت بعد مشفت شصار بي ولا لتفت وراي
بناتي حبيباتي صوتوا ، ❤سووا الي واهس للنشر وعلقولي بتوقعاتكم شنو راح يصير وي روح 😑
أنت تقرأ
لبوة في بلاد الغربة 📄🖋
General Fictionتتكلم الرواية عن فتاة تعيش مع والدها وزوجتها بمآساة لكن هذه القسوة تصنع منها فتاة قوية لاتبالي احد يشاء القدر ان تذهب الى بلد اخر وتساعدها جدتها ان تغير حياتها وتصبح من احسن جراحي البلد
