الفسحجية

2|مشروع |

فتحت وأغلقت عينيها ثم فتحتها مجددًا وهي تشعر بالتعب أمسكت رأسها بتعب ثم نظرت إلى أصدقائها الذين يلتفون حول فراشها وهم ينظرون لها بحزن .
فتحدثت تاج  ببعض التعب -"انا بقيت كويسة متخفوش عليا ."

أحتضنتها أميرة بحب وهي تتحدث -"الحمد لله إنك بخير ."

-"ايه اللي حصل علشان يغمى عليكي كده ؟ ردي عليا ."
قالتها مسك مُندفع كعادتها فصاحت بها أميرة -"مسك مش وقته خالص على فكرة المهم صحتها ."

نزلت الدموع من عين تاج مجددًا وهي تقول -"انا تعبت أوي يا أميرة هو أحنا مش من حقنا نفرح ونتستر ؟ زي باقي البنات .... ليه الشباب بقت كده ليه هاا .. ليه كل يوم واحدة تتعرض للتحر*ش .. انا عايزاة أفهم ؟ "

أحتضنتها عائشة التي تأثرت وكذلك أميرة
أما مسك فقالت
-" هو صنف كله زبالة يا حبيبتي المهم أحنا مش نفضل نعيط زي الأطفال ناخد حقنا بأيدينا يا قلبي ."

ضحكت بسخرية كبيرة  -" أخد حقي بأيدي ؟ هو انتِ بتهزري يا مسك ؟ انا اي حد لو نفخ جمبي هعيط وانتِ أكتر حد عارف كده ."

عائشة -"بنات ممكن نهدى و انا كل يوم هعدي عليكم هنا في السكن أخدكم نروح الجامعة كلنا سوى . "

مسك -"هو انتِ يا بنتي مبتتعبيش ؟ مش أبوكي أخر مرة زعقلك ."

عائشة :"it's not your business"

-"كلميني عربي وحيات ابوكي اللي مش طايقنا ."
قالتها مسك وهي تشير لها بيدها بعدم أهتمام.

-"مسك هو انتِ هتفضلي لحد أمتى دبش كده ؟ على فكرة دا والدي ."

-" عارفة إنه والدك بس والدك دا كان في أيده يشغلنا كلنا وهو مش راضي كل ما يعرف إنك عايزاة تسعدينا بيمنعك فعلشان كده بقولك خديها من قصرها يا بنت الحلال وأسمعي كلامه و متنزليش لمستوانا ."

أميرة -"مسك انتِ بتقولي ايه ؟ اسكتي ."

-"أسكت ليه ؟ مش ديه الحقيقة وبعدين بطلي تعملي علينا كبيرة وعاقلة بقى ."

عائشة -"انتِ عندك حق يا مسك انا اللي غلطانة إني بتكلم معاكي أصلًا انا بتكلم وخايفة عليكي ومش عامله حساب لوالدي علشانك ودا اللي باخدوا منك في الأخر انا بساعدكم علشان انتو صحابي علشان انتم اللي ليا بس خلاص بقى ."

أنهت حديثها ساحبة حقيبتها من أعلى الفراش لتذهب لكن أوقفتها يد مسك
-"انا.. انا أسفة انتِ عارفة إني دبش يا عائشة بس والله غصب عني سامحيني بقى هتعملي فيها مقموصة ولا ايه ؟"
أخذت تدغدغ في صديقتها فصاحت بها عائشة
-"بس بقى كفاية بغير بس بقى ."

أنضمت لهم مسك وكذلك أميرة وقد تناسوا ما حدث قبل قليل وكأنهم لم يتشاجروا قبل قليل .
يجلسون يشاهدون التلفاز ويشاهدون أحد الأفلام ويأكلون حبات الذرة وبعض التسالي
قامت أميرة بفزع وهي تقول
-"وبما أن في فاصل أعلاني لازم نشوف حل ."

-"حل لأيه؟"
قالتها مسك متعجبة فردت هي عليها وهي تجلس جوارهم -"حضرتك اطردتي والأستاذة تاج مصاريف الجامعة كتير على أهلها وعايزاه تشتغل علشان تعرف تكمل دراسة وكذلك انا الدروس اللي بديها هنا للأطفال فلوسها مش بتكفي دا غير أجار السكن يا بنات الست أم براد ديه غريبة اوي ."

-"براد ؟! أسمه كانكة يا حبيبتي لما تحبي تهزأيه هزأي صح ." قالتها مسك .

أميرة -"يوه كانكة براد لابانة كلهم واحد ."

عائشة -"أيوه طب انا قصرت معاكم فحاجة ؟"

أميرة -"حبيبتي انتِ مقصرتيش بس انتِ عارفة اننا لازم نعتمد على نفسنا شوية ويكون لينا شغل نتسند عليه ."

تاج -"أميرة بتتكلم صح يا بنات انا خلاص كده أبويا اصلًا رافض فكرة التعليم هو دفعلي أول سنة بالألحاح ومش عارفة هيرضى يدفعلي الباقي ولا لا ."

ابتلعت مسك لعابها ثم قالت -"وانا كمان يا بنات أخواتي منهم لله أكلوا ورثي ومال اليتيم واللي مش يتيم ربنا يخدهم .... وكمان  اترفضت لازم أشوف شغل ."

أميرة -"يبقى لازم نشتغل ."

تاج -"هنشتغل ايه ؟ "

مسك :"هشوف ورشة ميكانيكا وأشتغل صبي ويتقلي بقى بلية ."

عائشة -"So weird"

مسك -"يا ستي ورد ورد هو حد لاقي ."

تأففت عائشة منها وكذلك باقي أصدقائها
فتحدثت أميرة  -"ايه رأيكم نفتح حضانة وندي فيها دروس ؟ "

مسك -"حضانة بقى وأطفال وليلة سودة اسكتي أسكتي ."

تاج -"سوبر ماركت أو مطعم صغير ."

أميرة -"علميًا لا محدش فينا بيعرف يطبخ غيرك أما ماليًا فهو لأ بردو ."

تاج-"يوووه بقى ... انتِ ساكتة ليه يا أش ؟"

ردت عليهم عائشة بعدما كانت تفكر في أحد المشاريع ثم قالت لهم
-"التحر**ش ."

مسك -"انتِ هبلة بتقولي ايه ؟ "

-"بقول إن معظم البنات بتتعرض للتحر*ش فليه أحنا ما نعملش حاجة تساعدهم ؟"

تاج-"بس ديه كده حملت توعية مش مشروع أو حتى وظيفة ."

عائشة -"لا دا مشروع ومشروع جامد جدًا ."

مسك -"طب ما تتنيلي تقولي بقى ."

-"هقول ."

يتبع...