الفسحجية

الفصل السابع |ركنة سيارة |

حسنًا يا صديقتي لا تنسي أن تضغطي على نجمة علشان انا تعبت بصراحة 😂😂
يوكا بتقولكم قراءة ممتعة ♥️

صلي على شفيع الأمة

لا تنسوا أهل فلسطين من دعائكم

☆☆☆☆☆☆☆☆☆☆☆☆☆

حسنًا كالمعتاد أنهوا جميع محاضرتهم وذهبوا لأستكمال ما بدوا من تعليم السواقة.
في سيارة سفيان وضع أمامها بعض الحلوة ثم قال لها -"علشان تتعلمي بضمير بس ."

أبتسمت له ثم قالت -"على فكرة انا متحمسة أوي وحاسة اني هسوق كويس انا طول اليوم بليل بتفرج على فديوهات على النت ."

-"طب يلا بقى ."

-"يلا ."

**********

عائشة -"يا تاج يا حبيبتي عملتي كل حاجة صح وكل تعلمات أمبارح فكراها بس عمرك ركبتي مع حد سايق على 20 ؟ احنا كده مش هنمشي يا ماما ."

تاج-"يوه بقى خايفة أزود يحصلنا حاجة ."

عائشة -"متخفيش يلا بقى لسا أميرة ."

-"حاضر ."
بدأت تاج في قيادة السيارة بشكل منتظم لكن بتوتر وخوف في تخشى اي تجربة جديدة أو حتى أشخاص .

بعد مرور وقت نزلت تاج وجلست مكانها أميرة
عائشة -"انا عارفة أن موني شاطرة وهتسوق
كويس صح ؟"

-"طبعًا ."
قالتها أميرة بفخر بدأت في القيادة مع تعليمات عائشة لها لكن قاطع كل هذا هاتف أميرة .

عائشة -"مش مهم دلوقتي بصي بس قدامك هاتي بقى على الRوركزي على المرايات ماشي بصي ورا كويس مفيش حد يلا دوسي بنزين ."

لم تضغط على البنزين بل على الفرامل فوقفت السيارة على غفلة نظرة لها عائشة بعدم فهم فجلبت أميرة هاتفها الذي دق كثيرًا ثم أجابت

-"الو يا مصطفى لا أديني أمك بقى انا خلاص تعبت من الأستهتار دا ... الو يا أم مصطفى مصطفى مش عجبني بيلعب كرة ومش مركز في المذاكرة انا بقولك اهو لو سقط انا مليش دعوة العيب فمصطفى يا أم مصطفى ..."

ظلت تتحدث مع أم مصطفى وعائشة تضرب كف بكف وتاج التي أحست أنها تجلس مع أحد الأمهات الكبيرة في السن وتنصح صديقتها بأن أبنها سوف يفسد من لعب الكرة

-"في حفظ الله يا أم مصطفى يلا مع السلامة سلام سلام .... في ايه مالكم بتبصولي كده ليه ؟ يعني اسيب الواد يضيع ؟"

-"ازاي تسيبي الواد يضيع بس سيبي صحابك دمهم يتحرق عادي ."
قالتها تاج بعصبية فأكملت عائشة
-"انا نفسي أفهم What should I do"

-"ولا اي حاجة عايزاكي بس ترجعي لورا وأتفرجي عليا أصل البت مسك بتسوق حلو اوي وانا عايزاة أقلدها" قلتها أميرة بثقة

عائشة -"وريني يا ستي ."

وضعت أميرة قدمها على البنزين وقد تناست أن السيارة موضوعة على الرجوع وهي تنوي التقدم .

-"يالهويييي هي بترجع ليه !!!!"
قالتها أميرة بصوت مرتفع

تاج-"بترجع ليه ايه يخربيتك ما انتِ جايباها على الR هتدخولي في صندق الزبالة يا زبالة ."

كل ما جاء بعقل عائشة أن توقف هذه المهزلة فرفعت فرامل اليد ووقفت السيارة قبل أن تصتدم بصندوق القمامة.

عائشة -"واضح إنك فعلًا كنتي عايزاه تقلدي مسك ما هي ملهاش حل تاني."

ظلوا كثير من الوقت يتعلمون حتى قالت عائشة إلى تاج-"هتتعلمي تركنيلي العربية في المكان اللي هناك دا ."

أشارة بيدها على أحد الأماكن بجوار عمود أضاءة نزلت عائشة تساعدها

عائشة -"ايوه تعالي يمين شوية هاتي عجلتين لورا وبعدين حضني على العمود ... يا بنتيييي أقفي هتموتيني ."

وقفت عائشة أمام تاج -"بقولك العمود مش انا أفهمي بقى ."

تاج-"الله طب أستني ألبس نضارة القراءة بتاعت أميرة ."

عائشة -"Really, fuck you ."

تاج -" الله يسامحك مش شايفة كويس ."

عائشة -"فعلشان كده تاخدي نضارة أميرة بتاعت القراءة أشتم أقول ايه بس ."

**********

تجمعوا جميعًا بعد يوم مُتعب لكنه ممتع بالنسبة للبعض يجلسون يتناولون أحد الوجبات في مطعم ثم هاتف سيف شقيقه سفيان
-"طمني في تحسن ؟ منهم ولا لا "

-"اه في تحسن جامد يا سيف بكره إن شاء الله هاخدهم نعمل الرخص ."

-"على خيرت الله انا معايا يوم بالظبط وأخلص البرنامج بكره بعد ما تخلصوا الرخص محتاج أتكلم معاكم كلكم ."

-"خلاص تمام البنات كلها قدامي أهو ومواققين ."

يتبع .....