" كل ما املك هو النور "

Part 3

بيت الجد عبدالله
الساعه ١٠ الصباح
نور و خوله و حنان جالسين يسوون الفطور و خوله كالعاده ترمي كلام على نور بس تطنشها و تكمل سوالف مع حنان دخل عليهم بدر و سكتوا
بدر : بسم الله مالكم سكتوا
حنان بدون نفس: و لا بنا شي
بدر : مالش بتهرجين علي بذا الاسلوب
نور : مدري عيك
بدر : اها قصدش عشاني امس ما اخذتكم معي للغنم
حنان : مدري عيك
بدر : جاوبوني ايه و لا لا
نور : ايه
بدر ضحك : ياخي كنت امس مع خالد
حنان : وخالد قال لم لا تروح عند الغنم
بدر : الا بس مايصير اخذكم معي
نور تخصرت و رفعت حاجبها : ليش لا يكون تتفشل منا
بدر : يا بنت خالد مو محرم لش و مايصير تطلعين قدامه
حنان بنرفزه: اللي يسمعك يحسب انها بتطلع بلا عباية افهم ترا بتلبس عبايه في كل الاحوال سواء موجود و لا مو موجود
بدر بورطه : و الله انش صادقه بس .... بعدها هرب من المطبخ
نور : ويوووووووووووبه هالمخلوق
حنان ضحكت : عادي عادي اصلا امي مارح تخلينا نروح
خوله ناظرتهم باستحقار : الله يشفيكم يعني الحين انتم عاتبين علاهو لأنه ما وداكم للغنم
نور : ايه يا عمه
خوله : ما كلمتش انتي اكلم حنان اختي
حنان ناظرت خوله : خوووووووله تراهي بنت اخوش
خوله : اصه انتي
الشمال (حايل)
كانوا جالسين يفطرون الا فجأه يسمعون احد
زايد : يا اهل البيت
ابو مالك: يا حي ذا الصوت
ام مالك : هلا بوليدي هلا تو ما نور البيت
جا محمد الصغير عند جده و ضمه
ابو مالك: يا بعد حي و حياني
بعدها قامو كلهم يسلمون على زايد و لانا
ابو مالك: شنوحك يا زايد
زايد : بخير الحمدلله شنوحك انتي يبه
ابو مالك: الحمدلله كلنا بخير
جاسر : غريبه يا زايد انتي جيت بذا الوقت
زايد : يعني ما تبيني
جاسر: الا ابيك بس قولنا وش جابك في ذا الوقت
زايد : لا ابد شغلي عطوني اجازه من بدري
سعود: زين
مالك : متأكد ان الشغل هم اللي اعطوك و لا و انت عطيت نفسك ذي الاجازه
زايد : لا هم عطوني
مالك :زين
راحوا البنات عند لانا و جلسوا يسولفون معها
لجين: دريتي يا لانا
لانا :وش
لجين : يقول ابوي ان الاسبوع الجاي بيعزم جارنا ابو فهد
لانا بعدم فهم : طيب و اذا عزمه
لجين : يا بنت تراه مو من حايل
لانا :من وينه
لجين :من الجنوب و تحديدا رجال المع
لاما : ايه اعرفها
لجين : كيف
لانا: هو مكان كله جبال و خضار تجننننن
فجر : متى رحتي لها
لانا :انا ماقد رحت لها بس امي هي اللي راحت
شيماء: ليش راحت لها
لانا : بتزور صديقتها ، المهم
فجر :وش
لانا : تقول امي ان لهجتهم مو زي لهجتنا
فجر: ايه جاسر قال لي
لانا : كيف
فجر : قال لي انه قد شاف جارنا يكلم بنته الوغده عشان هلون عرف ان لهجتهم مختلفةً عن لهجتنا
لجين بحماس: احس مره متحمسه ابيهم يجون عشان اتعرف على بناتهم
فجر بنفس الحماس : صدقتييي
————-
الجنوب ( رجال المع)
بيت الجازي ( ام بندر)
كانوا جالسين يتغدون و فجأه دق جوال بندر مسك بندر الجوال عشان يشوف من المتصل عليه
بندر : هلا بدر
بدر :اهلين كيفك اليوم
بندر : الحمدلله بخير كيفك انت و كيف جدي و جدتي و عماتي
بدر : بخير الحمدلله
بندر : وش تبي داق علي ؟
بدر : بس حبيت ابلغكم ان جدي عازمكم اليوم عنده بتجون ؟
بندر : ان شاء الله بنجيكم
بدر :تمام ودعناكم الله
بندر :مع السلامه
قفل بندر الجوال و لف على امه
بندر :يمه ترا يقول بدر ان جدي عازمنا اليوم عندوه
ام بندر : ايه اليوم كلمتني خوله
بندر : تمام
مرام : ترا مدري افلح معكم و لا لا
ام بندر : ليش ما تفحلين تمشين معنا ؟
مرام : مدري اخاف شروق ما تفلح
عيسى :يعني الحين اذا راحت شروق بتروحين و اذا مارحت ما رح تروحين ؟
مرام :ايه
عيسى : غريبه امرش انتي وياها لاصقين ببعض
مرام :وش دخلك
ام بندر: مرام كم صار لش من بيت جدش ؟
مرام :مدري
ام بندر : المهم ما علينا ترا بتفلحين معنا رضيتي و الا انرضيتي
مرام بترجي :يمممه لا الله يوفقش
ام بندر بعصبيه: اصه و برهي عني
بندر :يا مرام عادي لنفترض ان شروق ما جن عادي نور هناك
مرام بينها وبين نفسها : وعععع يبغوني اجلس مع ام جنيه تاك
بندر :ها يا مرام
مرام :ااااااااا تمام تمام
بندر :عيسى بتفلح معنا
عيسى :اكيدددددد
بندر :تمام
لفوا الغدا و مرام راحت تغسل الصحون و راحت لغرفتها و مسكت جوالها و دقت على شروف
مرام:هلا والله
شروق ؛ اهلين
مرام :كيفش
شروق: الحمدلله ،الا مانتي بيد بي داقه علي ام حزه ته
مرام: ولا شي بس كنت بيد أسألش انتي بتسرين بيت جدي
شروق : اكيد لازم اروح و اقابلش عندي لش سوالف حاااااااااميه
مرام : يوه ذكرتيني حتى انا المهم باي
شروا :باييي
قفلت مرام جوالها وراحت تتجهز و بعدها صلوا العصر وراحوا
بيت الجد عبدالله:
كانوا جالسين يتغدون و قال لهم الجد عبدالله انه عزم العمه ام بندر و ابو مبارك ونور و حنا مستانسين انهم بيجون
بعد العصر
جا اول شي ابو مبارك و عياله و بناته و سلموا عليهم و جت سوسن على طول تضم نور
سوسن :كيفششششش يانوررر
نور :بخيررررر الحمدلله كيفش انتي
سوسن :الحمدلله بخير
شروق تناظر لهم باستحقار و قالت : وعععععععع كرنج ترا مالكم الا اسبوعين ما شفتوا فيها بعض فيها حسستوني انها عشر سنوات
سوسن ونور تجاهلوها و كملوا سوالف شروق بينها وبين نفسها بقهر : وععععععع مسوي تعرف فن الامبالاة وعععع نفشللل خلني ادق على ام جنيه مرام أسألها متى بتبدي
عند سوسن و نور
سوسن :نور
نور :ها
سوسن : تخيلي اليوم دقت على نديم و جلست اسولف معها و سألتها عن الجامعه و قالت ان معها بنت في الجامعه بسم الله عليها تاخذ العقل مررره و تقول تحس انها تعرف ام بنت ته بس ما توقعت انها
ننور بحماس : ما توقعت ايش
سوسن :انها بنت جيرانهم
قاطعتهم الجده فاطمه :اسمعوا يا بناتي روحوا ام مجلس و انتوا يا الشباب روحوا ام ملقط
راحوا البنات المجلس و الشباب المقلط
في المجلس
نور : سوسن كيف عرفت نديم انها بنت جيرانهم
سوسن : عمي سلطان و فهد كانوا هنه عندنا تتذكرين لمًا جوت تقريبا قبل ثلاث شهور
نور : ايه اذكر
سون : المهم تقول ان عمي سجلها مع الباص عشان تروح البيت و تقول وهي طالعه جت البنت جنبها و سولفت معها الين ماركبوا الباص و وداهم نفس الحاره و استغربت ان بنت زي كذا بنت ذولا الناس
نور :كيف يعني
سوسن : يا بنت البنت أنيقه بشكل مو طبيعي و فوق كذا شخصيتها
نور :وش دخل الشخصيه قولي ليش نديم مستغربه انها بنت ناس زي كذا ، عايلتها فقراء؟
سوسن ضحكت: يا حماره عايلتها زينا بس قصدي اناقتها
نور :طيب وش اسمها
سوسن: سألتها تقولي ما تدري بس تعرف اسم ابوها
نور بشك :وش دارها باسم ابوها لا يكون حاطه عينها عليه هاااا
سوسن : لااااا تقول انوا دايم ابوها يتكلم عنه انه رجال عصبي و محافظ على الصلاه و دايم بجاكر عياله اذا ما صلوا
نور : طيب وش اسمه
سوسن :تقول نديم ان اسمه ابو مالك و تقول ان عنده ابل و حلال
نور :يعنيييي رجال مطوع و عنده عنده وش رايش اتزوجه ؟؟!
سوسن :ههههههههههههههه تراهو
كهلن (شايب)
نور : احسن ناخذه انا و انتي و نسافر و نروح و نجي تبغين
سوسن : قدام
و فطسوا ضحكك و بعدها دخلت مرام
راحت على طول تضم شروق
شروق :اخيرا جيتي كنت احسب انش سحبتي
مرام :انا اسحب لا لا مستحيل المهم قولي لي علومش و اخبارش 
و بعدها بدوا يسولفون
المقلط
خالد : والله يابدر ان لم وحشه
بدر : هي ترا كنت البارح معك
عيسى : والله انك صادقن
خالد : ادري بس اشتقت لكم
بدر :الا خالد متى عادك رجعت البيت
خالد : رجعت ٤ الفجر
عيسى : اكيد ان صار لك شي صح
خالد : وش صار يعني وعد فتحت لي ام باب و بعد جن امي و سألت وعد مالش هنه قالن انها بيد تتنفس و من ذا الكلام و انا في بيت الشعر و بعدها امي حلفن على وعد انها ماتطلع وبس
عيسى :طيب وش صار لك
خالد:ابد يا طويل العمر رقدت في بيت الشعر بس ابشرك ابوي ما قفطني
بندر :اكيد وعد سترن علاك صح ؟
خالد :وش دراك؟
بندر :معروفه وعد الله يكتب اجرها
خالد :امين وياك ، بدر و عيسى متى رجعت
عيسى :بعدك على طول
بدر :الساعه ٣
خالد: محد استقبلكم
بدر :لا
عيسى : لا ليه
خالد :يوووووووووووه توي استوعب اني محظوظ ان احد يستقبلني اذا جيت
بندر ضحك :عساس ان وعد تستقلبك الاحضان ترا كلنا عارفين انك اول ما ترجع ام بيت تجاكرك
خالد :شعرفك هذي هي طرق وعد في التعبير عن حبها انا دايم اقول لها نامي يا اختي يجب عليك ان تنامي من بدري من اجل الا تأتي الهالات السوداء تحت عينيكي
مبارك : اذا قال لكم كه فأعرفوا انو كذاااااااااااااااب
خالد : يا اخي الجميل استر علي الله يستر عليك
مبارك ضرب كتفه بخفه
خالد : ماذا فعلت يا اخي
جا عيسى و ضربه بكتفه بقوه
خالد بعصبيه : الله يهبها في وجيهكم ما قضيت لكم
مبارك: هرج كذا احسن خل عنك اللغه العربيه الفصحى ولاهي لايقه علاك
الكل : ههههههههههههههههههههههههههههههههههههه
.
.
.
عند شروق و مرام
مرام : احلفي انه عطاش ذا المبلغ
شروق: وربي العزه اني صادقه
مورام: كيف اعطاش على طول كذا
شروق : انا ماقلت له ابي ذا المبلغ بالتحديد انا ابغى ذا ... المبلغ بس هو أصر علي الا و يعطيني دبلها ، وش رايش فيني ؟
مرام : كفووووووا بس وش قلتي لوه
شروق : قلت له ان أهلي يعنفوني و اني جدا مكتئبه و بعدين جلست شوي مارديت عليه و فَّجر جوالي رسايل و ردت عليه و سألني ليه ماردت بسرعه و قلت له ان اخوي دخل علي و كسر جوالي و من ذا الكلام
مرام : ماشاء الله كيف صدقش
شروق ؛  سر المهنه ، المهم
مرام : ماهو
شروق : السالفه اللي تبغين تقولينها لي
مرام : شوفي مارح اقول لش الحين
شروق :ليه
مرام : بنصلي المغرب و اقول لش
شروق : عساهو أذن
مرام: ايه فماهولوه بصلي
راحوا و صلوا بعدها الجد عبدالله ناداهم  يروحون مجلس الرجال يبي يقول لهم حاجه
.
.
.
.
مهمه دخلو كلهم و جلسوا البنات في آخر المجلس و لابسين عباياتهم و العيال في اول المجلس و جلسوا ينتظرون وش اللي بقوله لهم الجد عبدالله
الجد عبدالله: كيف حالكم اجمعين
الكل : بخير نحمد الله
مرام بهمس : شروق وي لايكون مجمعنا عشان يعطينا محاضرات
شروق بنفس الهمس : كلهن رجل في الدنيا و رجل في القبر عساهو بيقدر
وعد سمعت كلامهم و عصبت عليهم بس ما قالت شي
الجد عبدالله: انتو تعرفون ان ابو فهد في حايل صح
الكل : ايه
الجد عبدالله: فقررت بما انو نور و سوسن خلصوا اختباراتهم و الكل انا نزوره
ابو مبارك: يعني قصدك نفلح له في حايل
الجد عبدالله:ايه
الجده فاطمه: والله انو ودي
ابو مبارك: تمام ما عندي مشكله ، بنات شباب احد عنده اشغال
مبارك : ايه انا عندي بس عادي انتو امشوا و انا بلحق علاكم
نور و سوسن بأعلى صوت : بنسااااااااااافرررررررر
الجد عبدالله ضحك : بسم الله علاكم ايه بنسافر
نور : اخيرااا بنروح  اخيرااا بشوف نديم يا رب لك الحمد
سوسن : الحمد لله بنشوف مناظر جديده اشياء جديده ناس جدد
الجد عبدالله ناظر فيهم بابتسامه و هو مستانس جداااا لأنهم مستانسين
ام بندر بعصبيه : اصه انتي و ياها مدري انكم بتسافرون درينا اصه غضوا اصواتكم و لا انتم لحالكم
ام مبارك: بالذات انتي يا ته " تقصد نور "
هوله : انشهد انش صادقه صوتها لعلع في المكان كلوه
بدر ناظر فيهم و هو وده يمسك الوحده و يدقدق براسها الجدار لانه ما يحب ان احد يهاوش اخته
بدر : حلو عنكم نور ترا حتى سوسن صايحت معها
ام بندر: اصه انت يا قليل الادب وععع تفشلل
بدر بيتكلم بس نور سبقته : اصه انتي
ام بندر شهقت : هااااا يا قليله الادب يا ......
" قذفتها "
الجده فاطمه: هييييييييييييييييي احترمي الفاظش
ام مبارك : ايه انها هي و اخوها .....
الجد عبدالله بعصبيه: اصه بسم الله على نور و بدر من الفاظكم ام وصخه ته ما هو كذا أسألكم  بالله انتو بيد احد يقول ذا الكلام لجهلتكم و لا قدام عيونكم زياده هااااااا قولواااا
خوله بتكبر : انت قلتها قدام عيوننا يعني و احنا احياء مو اموات
حنان : خوووووله احترمي نفسش
بدر  عصب وراح يبي يصفقها بس العيال مسكوه
خالد :بدرررر لا لا الله يوفقك
بدر و عيونه شوي و تطلع نار من كثر العصبيه : وخررررر عنيييييي
بندر : بدررررررور اهدا و اكسر الشررر
جت نور عندها تبغى تضربها بس سوسن و فقتها و طبعا الجد عبدالله و الجده فاطمه جالسين يناظرون فيهم و مصدومين ليه كذا ام بندر و ام مبارك جالسين يهاوشون و ابو مبارك عينه على ام مبارك و حالف انه لوريها شغلها
حاولوا البنات يهدون نور بس نور ما خلاهم و راحت عندها و قبل ما تعطيها كف سبقتها خوله و عطتها كفف
خوله : مين تحسبين نفسش عشان تعطيني كف هااااا تراش يتيمه ما عندش ام و لا اب يعني لا عزوه و لا سند بعد الله هههههه اشوفش سكتي يا بنت الكل*به
بدر قدر انه يتحرر من العيال و راح عندها ركض بس وقف قدام خوله ابو مبارك
ابو مبارك: والله ما تضربها
بدر بقهر : ما تسمعها جالسه تقول عن امي انها كل*به و الله ما الكلبه و الحقيره الا هي
نور بقهر : قسم بالله انك صادقن فمثل ما احنا ايتام و ما عندنا اهل على قولها انتي ....
قاطعها بدر : نور اسكتي أمنا و أبونا ماربونا انا نذكر الناس بعيوبهم و غلاطهم
حنان: و من قال ان ما عندكم اهل و ان فيكم عيوب احنا اهلكم و عزوتكم
بدر اخذ نور و طلعوا و لف ابو مبارك على خوله كان بيعطيها كف بس أنه تراجع لأن بناتها الصغار موجودين فما حب ان أمهم تنهان قدام عيونهم ناظر في  ام بندر و ام مبارك وقال بعصبيه : انتم ما تخافون الله ما فيكم دم تسبونهم و تشمونهم هاااااااااااا و لا ماعندكم جواب وش قال الله جاوبوووووني
مبارك :{ فأما اليتيم فلا تقهر}
ابو مبارك: ما كلمتك انا اكلم ذولا
ام بندر بخوف : مثل ماقال مبارك
ابو مبارك:  يعني عارفين اللي تسوونه غلط ليش فعلتو كه ليه
خوله : عشان ام صياح
ابو مبارك: عاااااااااادي خلوووووهم يصايحوووون عاااااااااااادي خلييهمممم يستانسون للليه وش فيهاااا حرااااام مثلااااا
ام مبارك : لا بس .......
الجد عبدالله: خلاااااص اصه انت و ياها اكسرو الشررر و صار اللي صار و ياويلكم ان عاد عتدوها بالذات انتي يا خوله ، بنات روحو المجلس حق الحريم و انتو يا الشباب روحوا المقلط
.
.
المقلط
خالد : ياخي نرفزني كلام عمتي خوله
عيسى : هذا و انت مالك شغل فكيف نور و بدر
بندر : يارجااااال الله يلوم اللي يلومهم
خالد : بس ليه كل ذا الكره لهم ليش
بندر بضيق  : والله مدري بس اللي ضايقني انوا امهاتنا سووا نفس عمتي خوله
خالد : صدقت و الله انوا حتى انا مرههه تضايقت من امي و عمتي
.
.
السطح
بدر مازال معصب و مقهور و نور متضايقققه
بدر بقهر : والله اني لأوريها و الله لأوريها اللي ما تستحي
نور : وعععع لسانها يفشل مثل وجهها
ضحك بدر على كلمه نور : ايه قسم
نور : بدر
بدر :ها
نور : عندي سؤال
بدر : أسألي
نور ناظر بدر و قالت : ليش انت حلو
بدر بغرور : و الله مدري شكل الجينات الحلوه كلها جت فيني
نور : وعععع تراني جالسه اسلك لك و لا انت تفشلللل
بدر :هههااااي غرتي
نور : وعععع
بدر : المهم
نور : ماهو
بدر : انتي متضايقه
نور : ايه مو بس متضايقه الي بعده ، وانت
بدر : متضايق و مقهوووووررر ، المهم الحين انزلي و سولفي مع خويتش و استانسي و فليها و لا علاش من احد
نور : ابشر بس لا أوصيك على نفسك
بدر : ابشري استودعتش الله
نور : استودعتك الله
راحت نور عند البنات و بدر راح البقاله و جاب سماكات لنور و سوسن عشان يستانسون
.
.
مجلس الحريم
دخلت نور و جو عندها وعد و سوسن و ضموها
وعد : نور اعذرينا بالنيابه عن أمنا
نور : لا لا لا لا عادي يا قلبي اصلا ما اهتميت بكلامها
سوسن : الا وين كنتي
نور بكذب : كنت في غرفتي
.
.
.
الشمال ( حايل)
صلوا المغرب و جلسوا يتعشون
زايد : يبه
ابو مالك: هلا
زايد : انا عندي واحد اشتغل عنده في الشركه يقول انه يبي يخطب من عندنا
ابو مالك: وش دراه عنا
زايد : مدري عنه انا سألته وش عرفه فيكم قال انه سمع عنا و انه يعرفنا
ابو مالك: كيف يعرفنا قول وش اسم ابوه
زايد : اسم ابوه ابو ماهر و اللي يبي يخطب هو ولده ماهر
ابو مالك: اييه عرفته هذي خويي يوم كنت في العسكريه قبل تقاعدي ، بس ماشاء الله شنوح انت تشتغل عند ولده ؟
زايد : ولده ماسك منصب كبير اعلى من منصبي
ابو مالك: أهااا  زين الله يوفقه
زايد : يبه وش قلت
ابو مالك: قصدك الخطبه
زايد: ايه
ابو مالك: اذا هو ملزم فأنا بعطيه اكبر بناتي شيماء
زايد : يعني انت موافق
ابو مالك: الرأي الاول و الاخير يرجع لأختك
لانا همست لشيماء: ماشاء الله بتاخذين واحد عنده منصب و فلوس هاا
شيماء: ليه اخوي مو عاجبتس
لانا : الا ربي يحفظه بس......
قاطعها ابو مالك: ها شيماء انتي موافقه
شيماء ارتبكت و الكل لاحظ ارتباكها
ام مالك : اسمعيني يا شيماء اذا انتي ما تبين عادي قولي ماحنا جابرينتس على شي انتي ما تبينه
ابو مالك ناظر ام مالك: صدقتي يا ام مالك
شيماء نزلت راسها بحياء : طيب يبه بأستخير و  ارد لكم خبر
ابو مالك: خذي راحتس او جلستي شهر كامل و انتي تستخيرين شهر كامل عادي اهم شي رضاتس يا بنيتي
شيماء استحت من كلام ابوها : ابشر يبه
فجر ناظرت لجين : ماشاء الله هي جالسه تستخير و انا و انتي جالسين نذاكر لاختباراتنا
لجين : صدقتي
لانا : كم باقي لكم و تخلصن
لجين : مادتين و لا أزيد من الشعر بيت ان كلها ورا بعض
فجر : سهله انتي مادتين انا اربع مواد و كلها ورا بعض
لانا :يعني وحده بتخلص الاثنين و الثانيه الاربعاء
لجين :ايه
لانا :يله هانت باقي لكم يومين او اربع ايام و تجي الاجازه  و. ترتاحن
فجر:قصدتس اسبوعين عشان اختبارات غيث
لانا : اللي هو اهم شي انكم تعطلون
.
.
.
الجنوب ( رجال المع)
شروق: والله يا مرام لو ما تقولين لي السالفه اني لأوريش نجوم الليل بعز الظهر
مرام: طيب لا تعصبين بس خلينا بنغير مكانا
شروق : وين نروح
مرام : هنا عند المدخل محد بيسمعنا
شروق : طيب
.
دخل بدر البقاله وراح اخذ سناكات لنور و شاف كندر وشرا كميه كبيره عشان عشان نور اللي تعشق شي اسمه كندر و دخل عند مدخل مجلس الحريم و سمع صوت ثنتين يتكلمون بهمس قرب و سمع صوت مرام و شروق و هم يتكلمون :
مرام : انا تعرفت على واحد و حبيته حب مو حب تمثيل عشان أستغله أول آخذ فلوسه  لا حب حقيقي
شروق: طيب وش أسمه؟ من وينه ؟
مرام : مارح اقولش اسمه لأني اغار عليه بس بقولش من وينه
شروق : وععع قال ايش تغار قال بس ما علينا قولي من وينه
مرام بخجل : من حايل
شروق : و انا أقوووول ليه بغيتي تنفرين من كثر الفرحه يوم قال جدي انا بنروح حايل بس دقيقه لا يكون فهد
مرام : لا وعع مابقى الا هي احب فهد تطمني مو هو
شروق : ماعلينا طيب كيف بتشوفينه كيف بشوفش
مرام : سهله بأطلع شوي ارجع اصلا محد بحس
شروق : الله يعينش على نفسش
و بعدها دخلو المجلس
بدر كان في حاله صدمه في نفسه : كيف يعني وش اللي سمعته قبل كيف يكلمون شباب و يطلعون معهم كيف و يستغلونهم و ياخذون فلوسهم كيف يعني معقوله ان عمي مساعد و عمتي الجازي ما دروا عنهم اكيد انهم ما يدرون
قطع حبل تفكيره عيسى
عيسى : هيي ليه انت هنه و ماهي ام باغات( اكياس) ته
بدر : ولا شي بس نور موصتني اجيب لها هي وسوسن سناكات و خرابيط
عيسى : تمام هيا ودعناكم الله
بدر : ليه بتروحون ؟
عيسى : ايه
بدر : تو الناس
عيسى : مدري عن امس قالن انها بيد تعود ام بيت عشان ترقد صاحيه من بدري
بدر : تمام مع السلامه
طلع خالد و قال : حتى انا مافي مع السلامه
بدر : حتى انتو بتمشون
خالد :ايه عسى و لانت بيد تفارقني
بدر ضحك : ايه وربي بيد ارتاح شويه
خالد :هههههههههه كلب استغفر الله
بدر :ههههههههههههه على الاقل كلب و لاثور
عيسى :هههههههههههههههههههههههههههههه
ابو مبارك : يله ياخالد بنمشي
خالد : طيب يبه جاي
رجع كل واحد لبيته و طبعا سوسن بعد محاولات في امها انها انام عند نور وافقت و اخذوا السماكات اللي جايبها بدر و طلعوا فوق عند غرفه نور و بدر طلع السطح و انسدح على الزوليه الي كانت في السطح و جلس يفكر باللي صار اليوم و في كلام شروق و مرام و كلام عمته خوله عنه هو ونور  و عن امه و ابوه و قال بينه و بين نفسه : معقوله ان ابوي سوا لعمتي شي و احنا بس كيف يعني ابوي انسان طيب عمره ما أذى احد صحيح اني ما عشت معه الا 11سنه بس بس انه طيب
و تذكر الكف اللي عمته اعطته لنور قال بينه و بين نفسه : الله يكسر يدها ان عاد مدت يدها على نور و الله اني لأكسرها
و فجأه طرا على باله ذكرياته يوم كان صغير
.
زمان :
يوم كان عمره ٩ سنوات و نور عمرها ٨ سنوات :
كانوا نور و سوسن ونديم يلعبون بالعابهم و مستمتعين و فالينها و فجأه جوا بدر وخالد و عيسى و جلسوا يخربون العابهم و نور و البنات راحوا يبكون عند ابو مبارك و جا ابو مبارك معصب : ليه تخربون العاب البنات قووووالوووا
عيسى :يا عم  ااااااااا .....
ابو مبارك: انت ماعليك شرهه هم مو خواتك بس انت يا بدر و خالد ليه تسوون كذا ليه تخربون العاب خواتكم
بدر الي كان شقي و لسانه طويل : وش دخلك احنا نبغى تخربها بمزاجنا
ابو مبارك عصب : ايشششششش و الله لأرجع اربيك يا هالحديش ( الصغير)
نور : ايه يا عم اضربه يستاهل
جا ابو بدر : خلاص يا مساعد امسحها بوجهي هالمره
سوسن : بابا تكفى اضربهم طلبتك
ابو بدر بمزح : اصه يا سوسن ترا بأضربكم انتم يا البنات
نديم : ايه يا عمي فيصل اضربهم هم بس انا لا
ابو بدر ضحك : هههههههههههه شكلي بأضربش انتي بس ، المهم بدر نور يله تعالوا نرجع للبيت
راحوا بدر و نور مع ابوهم
ابو بدر بعتاب : ليه يابدر كذا مع اختك
بدر سكت
اكمل ابو بدر بحنيه : اسمع يابدر هذي اختك الصغيره لازم تدافع عنها و ماتخلي اي احد يقول لها كلام يجرحها او يزعلها سمعت يا رجال البيت
و لف على نور : طبعا هذا الكلام مو بس لبدر حتى انتي يا نور لا تخلين احد يضرب اخوش أو يزعله سمعتي يا اميره البيت
نرجع للحاضر
بدر جنه غصه ما عرف وش يقول يحس نفسه ضايع من غير امه و ابوه و طرت في باله هذي القصيده :
"" احس بأحساس قاسي جدا
لامن شفت كلن مع " امه و ابوه" يا ساده
الشوق فيني لو يوزع على العالم
ما أكذب او قلت انه يكفيهم ... و بزياده ""
فجأه حس بيد تلمسه التفت و شاف حنان
بدر : هلا حنان
حنن : اهلين ليه ماقد رقدت للحين
بدر : ماجاني نوم
حنان :بضيق ادري انك متضايق و.....
قاطعها بدر : لا ماني متضايق و لا شي مافيني الا العافيه
حنان :طيب بقولك شي
بدر :قولي
حنان : حابه اقول أننا اهلك و سندك انت و اختك بعد الله و عزوتكم و لا تعطي لكلام خوله اي اعتبار لأنك تعرفها لسانها كأنه سم
بدر : ادري انكم اهلي و سندي بعد الله وانكم عزوتي و أما من ناحيه كلام خوله فأنا ما اهتمت لكلامها اصلا ، المهم بروح انام
حنان : تصبح على خير
بدر : انتي من اهله
راحت حنان عند نور و سوسن و جلست تسولف معهم و تحط ميكب  و تابعت فلم معهم و من ذا الكلام و بدر راح المجلس فرش فراشه و نام
و هو باقي متضايق من اللي صار
.
غرفه نور :
حنان صرخت : بنات تكفون ابعدوه و الله معد بنام في الليل تكفون ابعدو ذا الفلم
سوسن ضحكت :ههههههههههههههههههههه بالعكس مايخوف
نور : ههههههههههههههههههههه انتي يا حنان دجاجه تخافين من اي شي
حنان بخوف : يا قليلات الادب والله انه يخوف
نور :هههههههههههه خلاص يا سوسن ابعديه خلص ههههههههه
سوسن : يعععع دجاجات
حنان : ايه احنا دجاجات اهم شي تبعدينه
سوسن :هههههههههههههه طيب
طفت سوسن الفلم و جلست و عم الصمت عليهم لثواني
سوسن :بنات
نور و حنان : هلا
سوسن : تصدقون ان بعض الاحيان اشك ان ما عندي خوات
حنان : ليش
سوسن : وعد الله يحفظها مشغوله بالبيت و خالد الداشر و شروق طول وقتها على جوالها يعني احس ما عندنا فعاليات مثلكم
نور : احمدي ربش على الاقل عندش امش و ابوش تقدرين تسولفين معهم
حنان تضايقت من كلام نور لأنها تعرف قد ايش نور ودها تعيش هذي اللحظات البسيطه انها تسولف  مع امها وابوها عن يومها
سوسن : صح صدقتي بس.....
قاطعتها  حنان : يله بنات خلونا ننام ورانا قومه من الصباح
سوسن و نور :طيب
راحت حنان غرفتها و نور سوسن راحوا كل وحده على فراش و ناموا
.
.
.
الشمال ( حايل )
المقلط
غيث نايم محد صاحي الا سعود و مالك و جاسر و زايد
جاسر : يا عيال
زايد : سم
جاسر : سم الله عدوك ، ودي اقول لكم شي
مالك : وش تبي
سعود : اكيد مسوي مصيبه
جاسر : لا والله ما سويت شي
زايد : احتس
جاسر :قبل شوي كنت اقلب بالجوال و سمعت اغنيه احس الصراحه اثرت فيني
مالك : وشهي
جاسر : تبون اسمعكم من الجوال و لا  اغنيها بصوتي
سعود :اي اشي اهم شي تشوف الاغنيه اللي حركت مشاعرك
جاسر بتسليك :هههههه ضحكتني و انا مالي خلق اضحك ، المهم بسمعكم اياها من جوالي
اخذ جاسر جواله و شغلها :
" وسط دربي صدفه لاقيته في دربي
   شفت في حبه سكاتي
    جدد اشواقه و حبي و احلى ذكرى
   في حياتي ما ابي غيره و لا حب حب غيره
     في حياتي "
سكتوا كلهم لثواني
جاسر : علامكم تهوجسون ؟
مالك بفهاوه : مدري بس وش الشي اللي خلاك تتأثر فيها
جاسر : مدري بس طرا في بالي سؤال
سعود : وش
جاسر : هل تتوقعون بنعيش كلمات هذه الاغنيه ؟
زايد بثقه : انا عن نفسي قد عشتها بس انتم مدري عنكم
مالك : كذاااب ماقد عشت كلمات هذي الاغنيه
زايد : عطني دليل اني ماقد عشتها
مالك : شوف كلمات هذه الاغنيه تعني انك حبت احد مو من نفس ديرتك حبته كذا صدفه ما كنت تعرفه و لا شفته في حياتك
سعود صفق بدينه : اشكرك على هذا التفسير و الشرح الخايس
مالك : وشوله خايس والله انه يهولل( يجنن)
زايد : المهم ماعلينا عطوني اغنيه تناسبني
جاسر شغل
" من يومها طفله و انا بأول صباي ............"
زايد عصب : جاسر يا وغد ( طفل) شعرفك اني كنت احبها من يوم كنا صغار هاااا
جاسر  : واضحين اصلا
زايد : كيف يعني واضحين
جاسر بخبث : من نظراتكم و بالذات انت واضح انك تموت فيها صحيح اني كنت وقتها وغد بس افهم
زايد استحى وعصب في نفس الوقت و قام على جاسر يبي يطقه >>مزح
جاسر صرخ :يمممممممممه
دخل ابو مالك عليهم فجأه شافهم و هم يتطاقون و فكهم عن بعض و جلس يهاوش زايد و جاسر
و سعود و مالك جنب بعض و ماسكين الضحكه مايبون يضحكون و التفت لهم ابو مالك
ابو مالك: علامك انت وياه و جيهكم حمر هلون
مالك و سعود ماقدروا يتحملون و فطسوا ضحك و ابو مالك يوم شاف أشكالهم و هم يضحكون ضحك معهم لا أراديا
جاسر همس لزايد : والله دام ابوي يضحك معهم اعرف انه بعاقبهم عقاب و لا اروع
زايد : اسكت تحسبني مسامحك هاااا
جاسر : يارجال المسامح كريم
سعود و مالك انتبهو على ابوهم انه جالس يضحك معاهم و سكتوا
ابو مالك : كملوا ضحك عادي
مالك: ا ا ا لا ي ي يبه ب ب بنام
ابو مالك : زين
راحوا مالك و سعود كل واحد لفراشه
ابو مالك: مارح تنامون هنا اليوم
سعود و مالك جتهم ام الركب عرفوا وين بنامون اليوم
سعود :يبه تكفى ........
ابو مالك:اص و لا كلمه انت وياه اسمع خل الضحك ينفعكم
طلعوا مالك و سعود الحوش و انسدحوا على الزوليه اللي في الحوش
مالك : سعود
سعود : اص و لا كلمه خلني انام
مالك جلس يطالع في السماء الين ما نام
.
.
.
انتهى البارت
{ سبحان الله و بحمده  ، سبحان الله العظيم }