" كل ما املك هو النور "

Part 7

في الليل
مالك : سعود سعود
سعود : هلا
مالك : انت مانمت
سعود : ايه ما نمت لا كيف قاعد اكلمك
مالك : قم
سعود : شتبي
مالك : في راسي الف سؤال أبيك تجاوبني عليها كلها
سعود قام و جلس
سعود : أسأل
مالك: شنوح قلت لعمي انك تبي تتزوج سلمى
سعود : عشان ما بيها تتزوج جعفر لا انك تعرف ان جعفر رح يقلب حياتها جحيم
مالك : زين بس شنوح انت قلت ابي اتزوجها
سعود : عشان تأنيب الضمير احس انا السبب في كل اللي قاعد يصير لها
مالك : يعني انت ما تحبها و لا شي بس عشان تأنيب الضمير
سعود : ايه ، واحس ...
سكت بعدها
مالك : تحس بوش
سعود : اني تسرعت كيف يعني بتزوجها و انا ما عندي وظيفة بس اشتغل عند ابوي و في نفس الوقت احس اني تهورت
مالك : شوف أما من ناحية التوتر فهذا الشي طبيعي و اما من ناحية الوظيفه فعادي اذا قلبتك الدوره العسكرية انت انهج لها و هي تقعد عندنا او تروح بيت اهلها
سعود : طيب بس شنوح رح اعاملها
مالك : عاملها بالحسنى لا تكون قاسي معها خلك طيب وحبيب معها و ما تدري يمكن تحبها و هي تحبك انت بس توكل على الله و ارتاح
سعود : توكلت على الله
مالك : المهم اقولك بالعلم
سعود : شفت نور ؟
مالك : لبى كبدك يا عضيدي هذا اللي يفهني جد
سعود : زين بس كيف شفتها
مالك قال له السالفه اللي صارت بالمول
مالك: يا ليتني بنت عشان اشوف كشختها
سعود ضرب مالك على كتفه : استح على وجهك تراك رجال
مالك : ادري اني رجال و النعم فيني
سعود : زين و خل عنك هالحتسي اللي ماله داعي
مالك : زين يله بنام
سعود غمز لمالك : بتنام و لا بتفكر بالحب
مالك ضحك : اثنين في واحد
سعود : زين تصبح على خير
مالك : وانت من أهله
تغطى سعود بالغطا و نام مالك ناظر فيه و قال بينه وبين نفسه : استودعت الله قلبك يا عضيدي من كل هم و من ضيق
و نام

.
.
اليوم الثاني
بيت ابو فهد
مرام ماسكة جوالها و تراسل عبد العزيز
مرام : عزوز انت بخير
عبدالعزيز: ايه بخير
مرام : الله يكسر يد سعود ليه يسوي كذا كله عشان سلمى المنحاشه الله لا يبلانا و بس
عبدالعزيز بحدة : لاتقولين عنها كذا
مرام : ليه
عبدالعزيز: شدخلتس
مرام : يعني الموضوع يضايقك
عبدالعزيز: ايه
مرام : طيب
عبدالعزيز: مع السلامه
مرام : مع السلامة
.
.
.
عند العصابه
صقر بعصبيه: ليه تخولنها تنحاش ليه
رقم 3 : هي ضربتني على راسي و اغمى علي
صقر : يعني هذا عذرك ضربتك على راسك يا بزر
رقم 1 : تكفى يا زعيم لا تعصب
صقر : كيييف ما تبيني اعصب و انتم خليتوها تنحاش و لا و المشكله مو هنا المشكله ان سعود خذاها
رقم 2 : والله ما قصدنا نخليها تنحاش
صقر : انا كل ما اخطف احد اخليه عندي و لا ينحاش و محد يدري عن شي بس ذي البنت اول وحده تسويها بس الخطا مو منها الخطأ من الرخوم اللي خليتهم يتولون مهمتها
رقم1 : شنسوي الحين
صقر : لازم نفكر بخطه جديده بس الاهم اننا نغير مكاننا
رقم2 : وين
صقر : شدخلك
و ضرب الطاولة اللي قدامه بعصبيه و قال : اخخخخ يا سعود والله لاوريك ان ما خليتك تبكي دم فلا تسميني صقر
.
.
.
بيت ابو عبدالعزيز
سلمى صحت من النوم و نزلت الصاله
سالم : حي الله هالوجه الزين
رسيل : تعالي تقهوي
ام عبدالعزيز: دقيقه دقيقه شنوح لتس وجه تدخلين الصاله
سلمى : عادي يمه شفيها
ام عبدالعزيز: والله و طال لسانتس اطلعي احسن لتس
عبدالعزيز: و امي صادقه اطلعي محد يبيتس
ابو عبدالعزيز بدون لا يناظر لسلمى : سلمى اقعدي هنا و تقهوي او افطري بعدين تقهوي و لا اقول براحتس
سلمى ناظرت بأبوها بحزن و قالت بينها و بين نفسها : على الاقل ناظر فيني يا عزوتي
عبدالعزيز: دام ان ذي بتقعد معنا بالصاله فأنا مانيب بقاعد هنا
و طلع
ام عبدالعزيز: ها شفتي كيف سديتي نفس اخوتس الله يسد نفستس
و طلعت مع عبدالعزيز
سالم : سلمى لا تهتمين عادي ، رسيل انهجي جيبي فطور سلمى
رسيل : ابشر
راحت رسيل عشان تجيب فطور سلمى و رجعت
نزلت رسيل الصحن و قال : هذا احلى فطور لاحلى اخت بالعالم
سلمى : شكرا
رسيل : مابينا يا عمري
و بدأ سالم و رسيل يسولفون مع سلمى و ابو عبدالعزيز يتابع التلفزيون و قاعد يناظر فيهم من بعيد
.
.
.
بيت ابو فهد
سوسن : بنات شفتوا عيال ابو مالك
نديم : ايه شفناهم مالهم وش فيهم
سوسن : يهبلوووووووووووون
نور : صدقتي بالذات اللي لابس ثوب
سوسن : اي واحد كلهم لابسين ثوب
نور طرا في بالها مالك و ابتسمت
نور : ذاك اللي حاط شماغه على كتفه و مشمر اكمام ثوبه
حنان : قصدش مالك
نور : ايه احسه حلو
سوسن :هههههههه لا يكون خاقه علاهو
نور بينها و بين نفسه : احبه مو بس خاقه عليه
سوسن : نور أين انتي
نور : عاني هنه
نديم : شكل نور قاعدة تفكر في مالك
نور بكذب : لا وي ترا بس شفته مره وحده اللي هي امس كيف بفكر فيه
سوسن : المهم يارب اتزوج واحد من عيالهم و يكون غني و عنده فلوس
وعد ؛ لا تحلمين لان في النهايه مصيرش تاخذين عيسى
البنات كلهم فطسوا ضحك
حنان بضحكه : قسم بالله انش صادقه
نديم ضحكه : ايه قسم
سوسن : و عسى عيسى و لا بو الحلا ( مو حلو )
حنان : فنان فنان و لا قلنا شي
سوسن : ها طيب ليه تسبونه
نديم غمزت لها وقالت بخبث : لا يكون زعلتي
سوسن : لوووه
نديم : ها طيب
سوسن : اصه
دخل عليهم الجد عبدالله
الجد عبدالله: صباح الخير يا بناتي
البنات : صباح الخير
الجد عبدالله: اليوم بنروح انا و الشباب عزبه ابو مالك الين المغرب
نور : زين بس عادي نروح معكم
الجد عبدالله: اصلا تو دق علي ابو مالك يقول خذ معك البنات عشان يستانسون
البنات بصوت واحد: الحمدلله
الجد عبدالله: يله البسوا عباياتكم و انزلوا
حنان ؛ يبه امي و الحريم بيجون
الجد عبدالله: ايه اكيد يله بسرعه
قاموا البنات و بدأو يجهزون
.
.
.
عزبه ابو مالك
مالك منسدح تحت شجره و ناقته جنبه يهوجس
مالك بينه و بين نفسه : غريبه شنوح حبيت بنت ما اعرف عنها شي الا اسمها صحيح اني اعرف اهلها و اخوها بس البنت نفسها هل هي مخطوبه او متزوجة ، يا خوفي بس تكون متزوجة او مخطوبه بس صدق شنوح حبيتها بذي السرعه
جت عنده فجر
فجر: مالك علامك منجضع هنا
مالك : اهوجس
فجر : بمن
مالك : مدري
مالك قام و تربع
فجر : بسم الله
مالك : فجر بسألتس
فجر : تفضل اسأل
مالك : نور صديقتس ؟
فجر بصدمه : وش عرفك بنور
مالك : جاوبيني و بقولتس
فجر : ايه صديقتي
مالك : طيب هي متزوجة ؟ مخطوبه ؟ كم عمرها ؟
فجر : اولا هي مو متزوجة و لا مخطوبه و ثانيا عمرها ١٩
مالك تنهد : الحمدلله
فجر : دام اني جاوبتك على اسألتك فالحين جاوبني على اسألتي
مالك : الله يستر
فجر بشك : وش علاقتك بنور
مالك غمز
فجر بشك : تحبها ؟
مالك : ايه
فجر بصدمة:فذمتك !!!
مالك : ايوه
فجر : بس شنوح حبيتها
مالك قام أخذ ناقته و مشى
فجر : مالللك لا تخليني هنا لحالي
مالك : تعالي معي
قامت فجر و راحت ورا مالك
.
عند ابو مالك
ابو مالك: سعود وينه اخوك
سعود : شفته منجضع تحت شجره هو ناقته
ابو مالك : زين
جت ثلاث سيارات و وقفت عندهم و نزل منها الجد عبدالله و عياله
ابو مالك: يالله حيهم
نزلو الحريم و البنات وراحوا الخيمه و العيال بدؤو ينزلون الاغراض
.
عند العيال
خالد : يا عيال تعالوا شيلو معي كراتين المويه ماقدرت اشيلها
بندر : رجال طول بعرض و ما تعرف تشيل كراتين المويه
خالد : ارحمني يرحمك من في السماء يكفيني اني طول امطريق محشورن في امشنطه حقت السياره
بندر بضحك : صحااااااامحد قالك تتاخر و تخلي خالي يعصب علاك
عيسى : مالكم تأخرتوا ابو مالك يسأل عيكم
خالد : تعالوا ساعدوني تعبت خلاصصص
بندر : مالنا دخل فيك
عيسى : افلح
خالد حب يسوي دراما و حط اصبعها على عيوني سوا نفسه يبكي : حسبي الله ونعم الوكيل ليه ما تساعدوني ليييه
بندر : خلاص يا دراما ابشر بنساعدك
جا عيسى و بندر ساعدوا خالد و بعدما خلصوا
خالد : هيهيهيهيه من فوق خشومكم تساعدوني
بندر : ورع
عيسى : والله اني كنت عارف بحركاتك
جا ابو مبارك
ابو مبارك بعصبيه : مالكم تأخرتوا ابو مالك يسأل عنكم
بندر : والله يا خال ولدك هو اللي أخرنا
ابو مبارك : قد دريت انه هو
خالد : يبه لا تصدقهم
ابو مبارك: اقول امشوا قدامي