" كل ما املك هو النور "

Part 5

استغفر الله و اتوب اليه
.
.
.
اليوم الثاني
بعد العصر
الشيبان راحوا مع ابو مالك و ابو عبدالعزيز عند الابل و الشباب ماراحوا معهم
خالد : يا عيال عندكم الليله جدول
فهد : لا والله مافي لا جدول و لاهم يحزنون انثبر في البيت احسن
خالد: يعني انا الحين مسافر من رجال المع الين حايل عشان افلها و استانس و في النهايه اجلس في البيت
عيسى : على اساس انت قلت لهم نسافر تراه جدي اللي قال لهم نسافر
بندر : حتى التذاكر مو انت اللي حجزتها مبارك اللي حجزها
خالد: طيب دريت
بدر : طيب وش رايكم نطلع مع عيال ابو مالك
عيسى: والله انك جبتها
خالد: فهد دق عليهم
فهد : ما عندي ارقامهم
خالد : كيف ما عندك ارقامهم و انت عايش جنبهم
فهد : مدري
خالد : طيب واحد فينا يقوم ويروح بيتهم و يقولهم
بندر : ما اقدر راسي مصدع
عيسى : حتى انا ماقدر ظهري يتعبني
فهد : ماقدر اروح
خالد : ولا انا اقدر
ناظروا كلهم في بدر
بدر : لا مارح اروح
خالد : مالنا دخل انت اللي جبت الفكره تحمل نتائج افكارك
بدر بأستسلام: طيب امري لله
و طلع بدر بيت ابو مالك
.
.
بيت ابو مالك
فجر معصبه بسبب محمد اللي كل ما زانت الجلسه سحب شعرها و هرب عند ام مالك عشان فجر ما تضربه
فجر : و الله لأوريك يا محمد
ام مالك: اقولتس خليه عنتس
فجر : يمه تراه رافع ضغطي
ام مالك: دام ان ضغتس مرفوع امشي اسقي الزرع عشان ينخفض
لجين و لانا ضحكوا
فجر بعصبيه : هييي انتي وياها ترا مافي شي يضحك
ام مالك: لا تهاوشينهم اطلعي احسن لتس
فجر : طيب يمه
و طلعت الحوش و بدأت تسقى الزرع و فجأه جا محمد و سحب شعرها جت تبي تلحقه بس وفقها صوت جرس الباب
محمد : جدي جا
ركض محمد و ركضت فجر وراه تبي تشوف و فتحت الباب الا اللي قدامها بدر فجر لا شعوريا اخذت الشبشب حقها و رمته في وجه بدر و قفلت الباب
فجر من ورا الباب : يا قليل الخاتمه شتبي قدام جاي لبيتنا
بدر بألم : مابغى شي بس ابغى اخوانش
فجر خافت :يمه شتبي بأخواني
بدر لاحظ من نبره صوتها انها خافت فحب انه يمزح معها شوي
بدر : انا المباحث و جيت ابي القي القبض على اخوانش
فجر : يمه شتبي من اخواني
بدر : ههههههههههههههههههههههههههه
فجر : انت صاحي علامك تضحك
بدر بضحك: ولا شي
فجر : زين بس تبي اي واحد
بدر : كلهم
فجر : زين بس وش المصيبه اللي سووها قولي والله ما اعلم احد
بدر بضحك : انتي صدقتي
فجر : ايوه صدقت
بدر: واضح انش مفهيه زي نور بس انا ما اشتغل في المباحث و لاهم يحزنون انا جاركم ولد اخو ابو فهد يعني انا ماني ولده فهد انا بدر ولد ..........
قاطعته فجر : انطم طيب بناديهم لك الحين
بدر : بس قبل ما تنادينهم خذي حذيانش يا سندريلا
فجر : اسمي فجر مو سندريلا
بدر : تمام بس خذيها
فجر : لا خلها عندك واضح انك راعي بنات مثل عبدالعزيز
بدر : ليه عبد العزيز راعي بنات
فجر : شدخلك
بدر : المهم نادي اخوانش
فجر : طيب
.

دخلت فجر البيت و راحت الصاله لقيت اخوانها كلهم متجمعين
فجر : مسائووووو
سكتوا كلهم
فجر : وي بسم الله عليكم علامكم ساكتين
زايد : مساء الخير
سعود: مساء الورد
فجر : و انتم وشوله ما تردون
مالك : فجر انتي معصبه
فجر بعدم فهم : كنت معصبه و السبب كان محمد الصغير بس الحين مروقه وشوله تسأل
ناظروا كلهم في غيث
فجر : دامكم تناظرون في غيث هلون فاكيد انه مسوي مصيبه ، غيث احتس
غيث بخوف : بس اوعديني ما تطقيني
فجر بملل : ياليل الليل احتس
غيث : بس اوعديني
فجر : زين اوعدك احتس
غيث : امس انا و نادر و عقاب و تولين و الوغده مها كنا نلعب و بعدين طفشنا و مها و تولين راحوا عندكن يالحريم و عقاب راح عند الرياجيل و انا و نادر كنا نبي نلعب ببجي بس جوال نادر مخلص شحنه و طلعت غرفتس انتي و لجين و شيماء و عشان آخذ الشاحن و يوم خلاص ابي اطلع و الا و تدق رجلي الطاوله و طاح شي في علبه صغيره لونه احمر اتوقع انه هذاك اللي تحطونه انتن يا البنات على شفايفكن يخلي لونها احمر
فجر : قصدك روج
غيث : ايه ايه هذاك اللي يخلي شفايفكن يا البنات حمر
فجر : طيب وينوه الحين
غيث طلع منديل : هذا هو
فجر فتحت المنديل و حطت يدها على راسها : الا هذا الا هذا الروح يعني خليت كل ارواجي و كسرت ذا
جاسر بهمس لمالك : يا قردي عليه بس دام ان هذي رده فعلها فالله يعينه
مالك : الله يعينه بس
غيث : فجر والله ما صيدي اكسره
فجر : انت تدري ان هذا مشتريته بمكافئة الجامعه تدري ولا لااااا
غيث : والله اني آسف تكفين سامحيني
فجر جلست : زين انا وعدتك اني ما اطقك و في نفس الوقت ما ابي اهاوشك ، ايه صح تذكرت
زايد : وش
فجر : توي كنت في الحوش و دق احد الباب وقال انه يبيكم
سعود بخوف : فجر قالتس وش اسمه
فجر : ايوه قالي ان اسمه بدر ولد اخو ابو فهد
سعود تنهد : زين
مالك باستغراب : كيف بدر ولد اخو فهد
فجر : شدراني انا روح انت اسأله بنفسك
جاسر : يا مالك ذا بدر اللي جانا امس امداك تنساه
مالك : ايه اعرفه بس وشوله يقول انا ولد اخو ابو فهد
جاسر : ما سمعته امس يوم يناديه عم
مالك : طيب ليه ما يقول انا ولد ابو مبارك
جاسر : انت غبي ما سمعته يناديه بعد العشا يقوله عمييييي
مالك : زين عرفت بس وين ابوه
جاسر : شدراني انا
سعود : طيب يا مالك وشوله تسأل
مالك : لا بس شفاوه ( فضول ) فيني
طلعت دخل ام مالك الصاله وهي لابسه عبايتها
ام مالك : مساء الخير
الكل : مساء النور
فجر : يمه علامتس لابسه عباتس
ام مالك: دقت علي ام فهد و عزمتني على القهوه
فجر : يمه بروح معتس
ام مالك: وشوله تروحين معي اقعدي في البيت مع اخوانتس و خواتس
فجر : يمه طفش هذول بعد شوي بيطلعون مع عيال ابو فهد و لانا توها راحت بيت عمتي وجدان و شيماء مشغوله يا انها تكلم ماهر يا انها ترتب دبشها و لجين جالسه تحط ميكب و تصور لصديقاتها يمه تكفين خليني اروح معتس
ام مالك: و اذا رحتي وش بتسوين هناك
فجر : يعني وش بسوي يعني بروح اسولف مع نور نديم و البنات
ضحكت ام مالك : واضح انتس حبيتهم
فجر : ايوه والله يمه اني حبيتهم بالذات نور اكثر بنت حبيتها
مالك يوم سمع اسم نور حس بشعور غريب و حس ان نبضات قلبه تدق بسرعه مالك بينه وبين نفسه : بسم الله علي وشبلاه قلبي يدق هلون اعوذ بالله من الشيطان الرجيم
ام مالك:زين لتس عشر دقايق اذا ما تجهزتي فيها ترا بروح و اخليتس
فجر : زين
و طلعت لغرفتها تتجهز
مالك كان يهوجس
سعود : مالك
مالك : همممم
سعود صرخ : ماااااااااالك
مالك : هااااااااااااااااااااا وشبلاك تصارخ في اذني
سعود : علامك تهوجس
مالك : مامن شين
سعود : متأكد
مالك : ايه
نزلت فجر : ها يمه خلصت
ام مالك:زين
زايد : يله يا. عيال نمشي
و طلعوا لبدر
.
.
.
مكان بعيد
-: اسمع سعود توه طلع من بيتهم
٠٠ : زين بس مين اللي طلع معاه
-: مدري
٠٠: كيف ما تدري
-بخوف : الا الا الا اعرفه
٠٠ : طيب من اللي وش اسمه
-: ما ادري وش اسمه بس اني شفته جاي من بيت جارهم ابو فهد
٠٠: زين بس في احد معه
-: قصدك سعود
٠٠: ايه
-: اخوانه و حرمه كبيره و بنت
٠٠: زين وين راحوا الحرمه و البنت
-: بيت ابو فهد
٠٠: زين
-: تآمر على شي
٠٠: ايه
-: آمر
٠٠: معد ابيك تراقب سعود
-: ليه
٠٠: شدخلك باعطي المهمه احد غيرك و انت ابيك بمهمه ثانيه
-: آمر سيدي بس وش هي المهمه
٠٠: ابيك تراقب بيت ابو فهد و ابيك تجيبلي معلوماته و معلومات اهله كلهم البنات و العيال
-: آمر تصدق ان اهله توهم جايين من الجنوب فيعني سهل علي اجيب لك معلوماتهم
٠٠: كفو عليك
-: كفوك الطيب
٠٠: زين مع السلامة
-: مع السلامه
.
.
.
بيت ابو فهد
مرام كانت ماسكه جوالها و تقلب فيه و جت عندها شروق و البسمه شاقه وجهها
مرام : بسم الله الرحمن الرحيم عسى مالش مبتسمه
شروق بأبتسامه : اخيرااا وصلت لهدفي و مرادي اخيرااا
مرام : وشوه هدفش و مرادش
شروق : اخيرا حول لي المبلغ
مرام: منوه
شروق : مفهيه انتي ذاك اللي قلت لش اني أراسله
مرام : اها وش قلتي له عشان يتركش
شروق : دقت عليه و سويت نفسي ابكي و قلت له ان اهلي بيزوجوني شايب غصب عني و قلت له انا احبك و مابغى افارقك بس كلمه اهلي وحده و جلست اكذب عليه الين ما صدقني و بلكته و خلصت منه الحمدلله
مرام : يووووووووووه منش انتي اسمعي نصيحتي و خلي عنش ذا الحركات و ادخلي عالم الحب
شروق : ايششش انا ادخل عالم الحب اقولش اسري عني انتي و عالم الحب ذه
مرام : اوكيه براحتش
و مسكت جوالها و بدأت تراسل عبد العزيز
مرام : عبدالعزيز
عبدالعزيز: لبيه
مرام : اتوقع امس وش شفت
عبدالعزيز: وش شفتي
مرام : امس شفت امك و خواتك
عبدالعزيز بعصبيه : شدراتس بأمي و خواتي هاااااا
مرام : بسم الله اهدا ليش عصبت
عبدالعزيز: لا ماعصبت بس شدراتس عنهم
مرام : لابس امس رحنا مع عمتي ام فهد بيت عمك ابو مالك و شفتهم و شفتك حتى انت
عبد العزيز : زين بس وش علاقتس بأم فهد
مرام : زوجه خالي
عبدالعزيز: زين بس منهم اخوانتس
مرام : بندر و عيسى
عبدالعزيز: زين
مرام : غريبه ليه تسأل
عبدالعزيز: عشان اذا اجيت اخطبتس اعرف من مين اخطب
مرام : اخخخخخخخ بس متى يجي هذا اليوم
عبدالعزيز: ان شاء الله بس اصبري تونا مالنا الا ٦ شهور مع بعض لازم نتعرف اكثر و نفهم بعض اكثر
مرام : زين يله مع السلامه
عبدالعزيز: مع السلامه
تركت مرام جوالها و راحت عند المرايه و ابتسمت و قالت بينها وبين نفسها: اخخخخخخخخخخخ بس ااااااااحبه يارب تجمعني فيه بالحلال يارب