" كل ما املك هو النور "

Part 10

.
بيت ابو فهد
غرفه نديم
البنات لابسين بجايمهم و باقي ما مسحوا
الميكب و يسوون قهوه و يصورون
نديم : وسن يا جنيه وش ذا التصوير
سوسن : انتي قلتي لي اصور لش
نديم : بس تصويرش خايس
حنان : اصه انتي وياها خلاص
نديم ؛ انها تيه و لا عرفن تصور
حنان : انا عندي صور برسلها لش
نديم : الله يطعني عنش احبش
حنان : مجاره يا روحي
وعد : بنات عندي لكم سالفه
تجمعوا عليها البنات
نور : قولي
وعد : تخيلو اليوم في الزواج ابصرت خالد و بدر و عيسى و هم بيرقصون
نور ما فهمت قصدها و قالت : أما بدر و خالد و عيسى يعرفون يلعبون لعب شمالي
وعد : لوه ولاهي تيه
نديم  : ها طيب
وعد : يهزون بأكتافهم و لافين  اشمغتهم على بطونهم و يرقصون و حالتهم حاله الله يسترنا
حنان : والله انو قد هقرني ( ان قد عرفت )
سوسن : اصلا مو غريبه على خالد هو في كل زاويه يرقص
نديم بضحكه : فاهم الدنيا صح
نور طق عرق النذاله فيها و قالت : طيب كيف كان يرقص عيسى
وعد : اقولش لاف شماغه على بطنه و يهز هز احسن مني
نور ناظرت في سوسن بخبث : ياحظ اللي بتتزوجه
سوسن : وش قصدش بنظرتش تيه
نور : حلو و مزيون و يحب الشاهي و القهوة و تافه
كملت نديم : و فوق كل ذا يعرف يرقص
نور : يعني كامل و الكامل الله
حنان : يعني بدل ما ترقصين له هو يرقص لش
وعد بقرف : حسبي الله بس تخيلت اشكالهم وعععع
سوسن : بنات يععععععع خلااااص
نور : تكابرين ها تراش مفضوحه خلاص
سوسن : اصه
نور : خل المكابره تنفعش
سوسن : المهم وعد
وعد كانت تهوجس و ما انتبهت لها
سوسن : وعد وعد وعد
وعد : ووش تبغين
سوسن : وين  مزيل مكياج
وعد : مو عندي عند شروق
سوسن : بس شروق راقده
وعد : وش اسوي لش طيب
سوسن : تمام نديم ابغا مزيل مكياج
نديم : مارح اعطيش
سوسن رفعت حاجبها: ليه
نديم بخبث : خل عوعو يجيب لش
سوسن : من عوعو
نور : عيسى
سوسن زعلت و قالت  : اصه خلاص برقد بامكياج و بكره بقوم آخذ مزيل امكياج شروق
نديم : زعلتي
سوسن و الزعل باين على وجهها :لا ما زعلت
نور : اقول يا سوسن ترانا نمزح معش
سوسن : ادري بس خلاص من زاد عن حده انقلب ضده
نديم : خلاص خلاص ابشري مارح نجيب ذا الطاري
سوسن : تمام بس عادي تعطيني مزيل المكياج حقش
نديم : لا مارح اعطيش
سوسن سوا نفسها زعلانه : خلاص امزح
نور : اقول تفضلي مزيل المكياج حقي و خذيه كله لش
سوسن أبتسمت :يختي احبشش
نور : اموت فيش
طق الباب و دخلت ام مبارك
ام مبارك : غريبه ماقد نمتوا
حنان  : بننام بعد شوي
ام مبارك : تمام بس وعد تعالي ابغاش
وعد باستغراب: طيب
و طلعت وعد مع امها
نديم: غريبه عسى مالها عمتي
سوسن : اكيد في احد بيخطب وعد
نور : شدراش
سوسن : هذي حركات امي كل جت حرمه تبي تخطب وعد تجي تكلمها في نفس ذا الوقت
حنان : احس لو تكلمها بكره احسن
سوسن : لا لا أمي تحب تكلم وعد في ذا الوقت عشان تعرف كيف تتفاهم معها بدون لاحد يدري
نور : اها
.
عند وعد و امها
ام مبارك : وعد اني حرمه  كبيره و عاقله و فاهمه الحياة صح
وعد : يمه أخلصي  علي وش تبغين
ام مبارك : في حرمه كلمتني اليوم تبي تخطبش لولدها
وعد : و انا ماني موافقه
ام مبارك: اصبري خليني اكمل كلامي
وعد : ها طيب
ام مبارك : ولدها يشتغل في وظيفه حكومية و راتبه فنان
وعد : لو اني ابغى اتزوج لكان قد تزوجت من زمان بس ما ابغى
ام مبارك : اسمعيني يا بنتي انتي استخيري و شوفي
وعد : بس ما ابغى
ام مبارك : استخيري و شوفي ما تدرين
وعد بدأت تقتنع : طيب وش اسمه
ام مبارك: سالم
وعد : سالم من ؟
ام مبارك: سالم ولد ام عبدالعزيز اخو سلمى
وعد : تمام بتسخير و اشوف
و طلعت من عندها
و ام مبارك : الله يحنن قلبها على ذا الزواج و جعلني افرح فيها يارب
.
.
غرفه نديم
نديم و نور و سوسن مسحوا المكيف و سولفوا شوي و ناموا  و حنان باقي صاحيه تنظر وعد
دخلت عليها وعد
وعد : انتي باقي صاحيه
حنان : ايه بنتظرش
وعد : تمام
حنان : وش صار
وعد بختصار : تعرفين حرمه كبيرة كلمت امي تبغى تجي تخطبني و قالن لي استخير و اشوف
حنان : حلو بس وش اسم ولدها
وعد جلست مقابل حنان
وعد : تعرفين سالم اخو سلمى
حنان : ايه
وعد : هو
حنان : اسألش بالله !
وعد بضيق : اقسم بالله بس شكلي برفضه
حنان : براحتش بس احس انش متضايقه قولي لي مالش
وعد تنهدت و قالت لها السالفه اللي صارت معها
حنان : اها و انا اقول ليه امه تبغى تخطبش له
وعد : كيف
حنان : اكيد انه بعد اموقف ذه حبش و قال لامه تخطبش له
وعد : والله لو اني ملكه جمال العالم ما يحبني بامسرعه تيه و ثانيا تراهو أبصرني و انا لابسه شرشف الصلاه و متلثمه بطرحتي و قاعده بجاكر خالد  تقل كاني شغاله
حنان بضحكه : صح صدقتي
وعد : انا ولا عليّه منو انا عليّه من خالد لا يكون عاتبن عليّه
حنان : لا تخافين خالد قلبوا طيبن و اكيد انه و لاهو بيعتب علاش انتي بالذات
وعد : صدق
حنان : ايه صدق المهم الحين برقد لاني بموت نومن
وعد : والله حتى انا تصبحين على خير
حنان بصوت مليان نوم : و انتي من أهله
و ناموا
.
.
.
الفندق
ماهر و شيماء
دخلو الشقه و جلست شيماء و هي بكامل حيائها
ماهر ناظر فيها و قال : كيفك يا عروس
شيماء: بخير كيفك انت
ماهر : بخير و لله الحمد
و عم الصمت بينهم لثواني
تكلم ماهر و قال : تعشيتي
شيماء: لا باقي
ماهر : تمام
و راح يطلب لهم اكل
ماهر : طلبت العشا و على ما يوصل بدلي انتي
شيماء: تمام
و راحت الحمام تظبط نفسها الين ما وصل الاكل
و بعدها طلعت و بدأت هي و ماهر يتعشون و سولفوا شوي و انتهى يومهم ...
.
عند سعود و سلمى
سعود حط البشت حقه و جلس و سلمى تناظر فيه و هي خايفه و متوتره سلمى بينها و بين نفسها : يارب لا يارب ساعدني
  سعود و هو  يحس قلبه بيطلع من كثر التوتر اللي فيه و من نظرات سلمى اللي زادته توتر سعود بينه و بين نفسه : علامها تناظرني هلون و الله مارح آكلها
و مرت دقايق و هم ساكتين
و قرر سعود يكسر الصمت
سعود : سلمى
سلمى : هلا
سعود : انتي بتنامين في الغرفه و انا بنام هنا في الصاله
سلمى : لا انت نام في الغرفه و رّيح ظهرك و انا بنام هنا
سعود : لا انا هنا بكون مرتاح
سلمى : تمام
و قامت راحت الغرفه و قفلت الباب
سلمى في نفسها : الحمدلله يارب الحمدلله ياربي بنام اليوم بسلام ، يلا يا بنت روحي و فسخي هالفستان و مسحي الميكب و صلي الوتر و نامي

و راحت عند شنطتها و هي لازالت  بفستانها و طلعت بجامه مريحة و طلعت اغراض الشور
و جت تبي تسحب السحاب عيا ينسحب حاولت اكثر من مره ما رضي ينزل
سلمى : يا ليل والله مالي خلق انام فيه
جت تبي تسحب السحاب بقوه بس انها خافت انه ينقطع لان الفستان ايجار
سلمى : والله مالي الا سعود   
حست بتردد و قالت : بس احس فشله ،اقول لا  عادي كل ابوها سحاب يسحبه و انتهينا
و بدأت تنادي : سعووود
سعود اللي كانت يقلب بجواله فز و راح عندها
سعود : علامتس يا بنت عمي
سلمى : السحاب عيا ينزل لي
سعود تنهد : احسب انه صار لتس شي و انا مدري طلع سحاب
سلمى :لا تخاف
سعود قرب منها و سحب السحاب حق الفستان و طلع و قفل الباب
سلمى تنهدت : الحمدلله ان ماصار شي
وكملت روتينها عشان تتناسى اللي صار و نامت بعدها
عند سعود اللي جلس على الكنبه و هو معد يقدر يتحمل التوتر اللي فيه مسك جواله و دق على مالك و رد عليه مالك بثواني
مالك : سعود علامك داق بليله زواجك
سعود : يا رجال اي ليله زواج و اي بطيخ
مالك بحده : سعود علام صوتك متغير
سعود : يا رجال قلبي بيطلع من مكانه تخيل وش صار قبل شوي نادت علي تقولي تسحب السحاب حق الفستان
مالك : زين هذي بدايه زينه
سعود : اي بداية زينه حسبي الله بس
مالك : على من
سعود : عليك انت
مالك : شدخلني !
سعود : انت اللي مشجعني أسوي هلون
مالك : سعود واضح ان التوتر لاعبن فيك رح صل لك ركعتين عسى ذا التوتر يروح و بعدها نام
سعود : زين بس انت وينك
مالك : في البيت منسدح النوم عيا يجيني بسبب الهواجيس
سعود : تهوجس بمن ؟
مالك : باشياء واجده من ضمنها نور
سعود : يعني سالفه حبك لنور طلعت صدق
مالك : لا هذا مقلب طال عمرك أجل ويش
سعود:  تصدق اني لازلت احاول استوعب حبك لها
مالك : شنوح
سعود : ياخي انت ما شفتها الا مره وحده مدري مرتين شنوح حبيتها بذي السرعه و هي مو من نفس ديرتك و لا من نفس قبيلتك و لا بينك و بينها اي صله قرابه
مالك : انا قايل لك قلوبنا مو بأدينا و مشاعرنا ما نقدر نتحكم فيها و الحب ما يعرف قبيله و لا ديره
سعود : زين
مالك : تصبح على خير
سعود : وانت من اهله
و قفل المكالمه و سعود فسخ ثوبه و تغطى به و نام