زواج تقليدي كرونيك بزاف شابة 🔞🔞 العنوان: زواج تقليدي

الحلقة 23/24

23
شوفي هاد الكادو يارب يعجبك
سارة وشنو هو.. فتحت الباطة كان فيها سلسال تاع دهب وخاتم

ايوب.. اعطيني نلبسولك.. رفدت شعري وهو لبسهلي وزاد باسني 😘
💔💔💔💔💔💔💔ولبسلي الخاتم و باسني من يدي
و دخلني في صدره ورقدنا حتي لصباح.... كانت اروع ليلة نقضيها مع ايوب زوجي
الصباح فقت بسته وغطينه روحت دوشت وغسلت بداك الدواء مليح... نشفت شعري ولبست روبة وخيمار علا جال ليطراس لي في رقبتي... خرجت للكوزينة بانتلي في الطعام.. اليوم جمعة رديتله ودرت قهوة ☕ ناضت عجوزتي..
صباح الخير ابنتي.. صباح النور خالتي ارواحي تتقهواي معاية
كصبحتي سارة راكي مليحة الحمد الله خالتي ☺
ناض شيخي تاني هو سربيتله تقهوا ونضت عزفت شويا الدار وهويتها... اليوم بلاك تجى سمهان وسيهام
طفيت علا الطعام وغطيته غسلت الماعن ونطويت البوطاجي بخرت شويا زبيب....
وكي طاب طفيتله... رديت حوايج الصالون لبلايصهم ورديت الريدووات تاع الصالون والبيوت.. كملت انا مع 11روحت لبيتي نوض ايوب كان راقد
حنين عليه وبسته من خده وريحت قدامه نحكله في شعره فاق يتململ شافني وتبسم
جيتي ياقلبي ارواحي قدامي
نحيت بانتوفة ودخلت قدامه... هاااه علاه نضتي بكري ضورت عليك ومصبتكش
نوضت طيبت الفطور وخملت شويا اليوم جمعة بلاك خوتك يجو وولاد هم
مممم يعطيك الصحة... صح ودروك انا متتلهايش بيا ولا كيفاه
هههه شتانديلك 😊
قربي نقولك.... 😅بدا يبوس.. ايوب خلي حتي لليل خير ضروك راهي قريب 12
لالا اني حاب ضروك... عراني ودار رايه.... حتي قريب 12:30
باه طلقني ونروح نجري لدوش وهالكشفة كتكوني ساكنة مع ناسك.... تبهديلة وخلاص وسي ايوب يحب في كل وقت مقدرتش عليه
24كملت وخرجت حطيت الفطور فطرنا.... ونا غسلت الماعن.. ايوب وباباه راحو للجامع.... كملت روحت لدوش دوشت ولبست روبة  يدها دونتال  وفي العنق دونتال... توضيت وصليت... رحت نشفت شعري ... ودرته كعكة لبست مناقش طوال.. ودرت سلسال لي جابلي ايوب.... درت شويا مكياج ولاكن خفيف. تاع الدار برك.... رميت خماري وخرجت للكوزينة.... درت مسكوتشو تاع الشكولا... وزدت بقلاوة كانت عندي لابات واجدة ومكسرات... خلطت درت كاوكاو.. ولوز طحنتهم مليح... وحطيتهم... ودرتها طيب...... خرجت المسكوتشو تبرد وسقيتها بالشكولا..... طيب تاني ترمو قهوة وحطيته في الصني مع الفناجل... ودرت البقراج يحمي عجوزي تحب لاتاي...
سمعت لاصونات راحت عجوزتي تفتح.....
نسمغ غير البزاوز عرفتها  اسمهان جات وولادها...
...
طفيت علا البقلاوة من تحت وشعلتلها من فوق.. عسيتها.. باه متتحرقش... طابت وخرجتها سقيتها بالعسل وغطيتها.... تقست للبقراج...... حتي دخل ايوب عليا
مممم واش هاد الريحة لبنينة
درت مسكوتشو... و بقلاوة
الله يبارك عطيني ندوق
راهي عاد سخونة اصبر
صح معليه ندوق عسلها من شفافك
يييي ايوب دوك  يدخل علينا شي حد
لالا قاع راهم في الصالون... وحدة وخلاص......
هربتله من الكوزينة قعد يتحلف فيا...
روحت لعند هم.. لقيت سمهان. وعمر و البزاوز...
سلمت عليهم وقعدت
كراكي سارة
لاباس اختي... واش راك خويا عمر... لاباس ختي الحمد.... تاني سمعنا الباب... راح ايوب فتح كانت سهام ومحمد.... واحلام ورجلها
..
دخلو سلمنا عليهم ونا روحت نوجد القهوة لحقتني سهام تعاون فيا
هاه قولي يادرا راك غاية مع ايوب
سارة.. الحمد الله اختي
سهام. اللهم لك الحمد
اقبطيه بحناتك راه الواحد منهم يدوب بالحنانة برك
سارة. ممم  يسمى هدا هو الكود تاع محمد 😜
سهام ياو قاع الرجال.. مش غير تاعي برك
هههههههه
هاديك ضرتك... زادت جات
لالا مولاتش
شوفي سارة اختي انا شفتها نهار العرس.. كانت تبانلي واعرة ومتهضرش بزاف
عكس انا وياك.... خدي حدرك منها.... تعود ديرلكم مشاكل ولا...
هي صح من الترك ولاكن اصلها جزائري....
هاني وصيتك..
ودوك يالالة واش هاد الخير الكل ممممم البقلاوة  تشهي يالله نحطولهم الغدا...