3
كملنا ونعتتلي الحفافة نغمض عينيا انا وحنان
من بعد حسبت عل تلاتة وفتحنا.
.....
فتحت حنان من قلقها قبل لاتكمل العد هههه
من كترة ما خرجت زينة كي البوبية... زقات هههه
انا مشوفتش في المرأة قد ماشفت في حنان فرحتلها من قلبي ختي لعزيزة...
حنان تحكي..
يايما عليك تبدلتي 180درجة سارة شوفي روحك
نتبهت وشفت.... صح تبدلت مع البلياج... وتنضيف البشرة... صح خرج عليا وتبدلت... مع انا منخربش في وجهي بزاف..... اول مرة نحس روحي كيفي كيف البنات
يعني بنت بمعني الكلمة
.... حنان لبست شدة تلمسانية.. ونا لبست قرفطان في البلو... خرج طوب مع شعري... نصحتني الحفافة نخليه مطلوق...
جاء عمر يوصلنا لدار
وصلنا ودخلنا حنان في الصالون تستنى ناسها
ونا حبيت نجيب بروش تاع الشعر قلت نزيده في الجنب
كاين هول طويل وفيها بيوت تمشيت لين قربت نوصل لبيتي.. وصلت للكوزينة كان فيها محمد يتكلم مع عجوزي
نسمعها قالت... وعلاه مجاش ديراكت لدار... اه ياك حتى هادي مرته
انا هنا 💔قلبي تقسم عل زوج
فهمتهم بلي راهم يحكو عل ايوب وعلا حساب الهضرا ايوب تزوج
......
اه ونا.... وعل سنين عمري لي ضاعت... هادي عامين ونا نستني بلاك يرضي عليا ويجي... وهو كان عايش حياته زوج وبناها وبلاك عنده ولاد.... ونا وين محلي.. من الاعراب
هنا عرفت روحي معندي حتي معني... يعني انا لاه اني موجودة....
كما قال هو اول مرة واخر مرة نتي خدامة هنا
حلفت لا نبكي ولا نزيد نحزن... حتي انا من حقي نعيش ونحقق ولو حاجة صغيرة في حياتي
وقفت وشفت روحي في المرٱة... صح انا عاقلة و معنديش اللسان لي يهضر... ولاكن الكاس فاض... فاض..
شفت بنت عندها مفاتن.. جميلة.. و بريئة... خصني الجرأة برك ونولي كاملة ❌
💔💔💔💔💔💔
جبدت بروش كان في القجر درته في الجنب في شعري وعليته عل جيه وجيه طايح خرج يهبل زدت لبست ساعة وخاتم درت ساك صغير في يدي ورميت شال خفيف عل شعري وعمرت روحي برفان وخرجت. وكلي تقة وحتى واحد ميقدر يهزها
روحت ريحت قدام اسمهان وحنان سمعنا القرقابو بداو يقربو عرفنا الكورتاج قرب.. وجدنا... حنان حتي بداو حباب لعريس يدخلو
جات اخته... ومرات خاه وعماته وخوالاته.... رقصو.. وتصورو... مع حنان وخرجوها.... خرجنا كامل معاها... ركبوها وبدات الناس تركب..... البارود و القرقابو دايرين حالة...كانو بزاف سيارات غير الشابة وختها.... انا حبيت نركب مع عجوزي ولاكن تلفتلي مع الغاشي بزاف والله ماصبتها.... عيت واقفة..... اه من حالي معندي والي 😔
حتي الزوج المصون... عنده مراته انا غير زيادة....
قعدت واقفة ومصمرة بلاصتي الناس تركب وتضحك وتشيخ.... قاع البنات في سني... يشيخو.. ويضحكو.. غير انا.. دقول حاكمين عليا بالتعاسة... انا وشتقت للابتسامة ديالي... نشوف من بعيد اسمهان ركبت ختها وماها وولادها في لطوت راجلها
أنت تقرأ
زواج تقليدي كرونيك بزاف شابة 🔞🔞 العنوان: زواج تقليدي
Fiksi Remaja❌❌ممنوع النقل نهائيا ❌❌ الكاتبة : Lili Lina زواج تقليدي🔞🔞 انا سارة... تزوجت زواج تقليدي.... منعرفش راجلي..... وجامي شفتو في حياتي نسمع عليه برك.... عندي 20سنة عايشة مع دار شيخي... نهار جاو خطبوني... لايوب هو مجاش.... او بالاحرى مبغاش يجي.... ونها...
