6
وافقت علا زواجي من وليد.... صح تجربتي الاولي في الزواج كانت كارثة وعلمتني اشياء كتيرة منا التقة في النفس... وعدم التقة في الناس
.... كان لازم نقبل شرطه
لانه ساعدني في استرجاع داري... وزاد لقن. ايوب درس مينساهش في حياته
رجعت لدار فرحانة وهانية نبوس في صورة بابا ويما
الحمد الله دعاوي الخير لاحقيني
... ديت تعويض من المحكمة... علا هاد القضية وكانت عبارة عل 100مليون
الحمد الله.. ان الله مع الصابرين
كنت قاعدة في داري
صنعت لاصونات درت خماري ورحت نفتح
جبرت سهام.. ومعاها حنان...
... السلام عليكم.. اختي سارة
انا وعليكم السلام ورحمة الله وبركاته
اتفضلو... لصالون
دخلتهم...
نطقت سهام... كراكي سارة... ختي
انا.. الحمد الله منعد ربي
وشفت في حنان... كانت تبان ضعيفة وباينة هادا شهرها
قاتلي سمحيلنا ياختي...
علا لي صرالك والله متستاهلي
نطقت حنان... سارة جيتك هاد النهار نطلب منك السماح راني عل وشك الولادة وخايفة نموت علا الطابلة وقلبك حاقد عليا
نطقت انا...
منتمنالكم غير الخير ياحنان.. ولاكن المواقف توري قيمة البشر عند الناس
سغتو الفاميلية
كنت دايرتكم فاميلتي... ونتي حنان كنت دايراتك اعز من ختي... وصلت بيك تشوفيهم يتهموني بموت يماك.. ومهضرتيش
ياك انتي لي شجعتيني نخدم ونقوي شخصيتي
حنان ياختي اسمحيلي
الجهل عماني وعما خوتي علا الحقيقة...
عندك الصح تلومينا
علابالك الدار كامل تفركتت... يمكن دعاوي المضلوم... وصلتنا
بابا راه مريض فراش
وعمر راه في الطلاق مع اسمهان
حفصة اختي ماتلها البيبي في كرشها.. وهي معلابالهاش...
انا راني في الريسك.. جبرو عندي لاطونصيون دايما تطلعلي
وخويا ايوب... يستهل واش دار فيك مشي قليل... اليوم جيتك بقلب صافي... نطلبك تسامحينا علا جهلنا وهايا سهام شاهدة علا واش راني نقول
...
ايوب... مرته كي سمعاته دخل للحبس... دارتله الخلع في يومين... دخلت عليه هادي تلات ايام كانت حالتو حالة يشفي... كان نادم علا لي فرط فيك
. سارة تحكي
واش يفيد بعد الندم ياحنان... ميفيد والو خوك الدار تاع بابا زور الورق وحاب يديها لي ويخليني في الزنق
خوك وحش ومعرفتهش الا بعد فوات الاوان
سهام .... سارة اختي... نعرفك قلبك صافي ومشي تاع حقد... سامحيها...
سارة... السماح بيناتنا...
ناضت سيهام وحنان...
سارة ختي راه عندي ليك امانة عطاتهالي سامية... وقاتلي نوصلهالك...
هايليك...
حطتهم في الطابل..
سيهام... نمشو.. اسمحيلنا سارة... هادي دنيا ومعرفنا الا نزيدو نتلاقو ولا لا
السماح ختي سيهام انتي بالدات شفت منك غير الخير
سقدتهم للباب وغلقت
وغلقت معاه الماضي كله
❌❌❌❌
63
بعد ايام عيطلي وليد وقالي وجدي روحك نروحو نعقدو في البلدية
وجدت كوارطي كان فات تلات اشهر علا طلاقي من ايوب... معدش نخدم في المطعم.... وليد قالي بمااني راح نصير زوجته
منخدمش احسن
صليت صلاة الاستخارة.
وبانلي طريقي فيه النور
خديت قراري بالزواج من وليد
لبست حجابي وخرجت كان برا يستناني
طلعت معاه في السيارة..
صباح الخير سارة سفا
صباح الخير وليد الحمد الله
جبتي لاكارت ديالك
ايه جبتها
وليد يالله نتوكلو علا ربي
نعقدو هنا في الجزاير... ونديرو عشاء في تونس واش رايك
سارة... كما تحب وليد
ايا داكور متفقين
مشينا للبلدية كانت عامرة
كانو قبلنا زوج ازواج.... عقدو وخرجو بالزغاريت
دخلنا انا وياه... عقدنا
وعطاولنا ليفيري
كي خرجنا...
وليد بالبراكة علينا
انا ☺شكرا
قالي يالله نفطرو ونحطك توجدي روحك عشيا نفوت نديك لداري
...
سارة... صح تلقاني واجدة
دخلنا فطرنا في واحد الغيسطوغو... عمري شفتها....
تاع صحاب الدراهم باينة هادي
ريحنا وطلب الفطور
فطرنا... وليد انسان تقيل ورزين.... علا حساب ماني نشوف.... دوموندا اكل بحري
وسوب وسلاطة.....
حشمت ناكل قدامه... اما هو.. ولا علابالو... ياكل وبضحك
ههههه اول مرة نشوف ضحكته كان عنده لي فوسات .... وسنانو شابين 😍
صونا تليفونو.. ريبوندا
نسمعه يقوله... راني في المطعم لفلاني... ارواح نتلاقاو راني مع المدام..
كمل وقالي واحد صاحبي وعزيز عليا راه جاي... لهنا نعرفك بيه
انا ☺صح
كملنا الاكل ونا روحت نغسل يديا ونسقم خماري
غسلت وكملت جيت خارجة حتي نشوف وليد مع الياس....
تقدمت بخطوات تقال
انا السلام عليكم
وليد... و الياس... وعليكم السلام
الياس 🤨وعليكم السلام.. سارة؟
وليد هادي هيا المدام
تعرفو بعضاكم
نطقت انا و الياس في نفس الوقت... خدمت عنده
الياس خدمت عندي سكرتارية
وليد ايه ايا غاية طلعتو تعرفو بعضاكم
ريح الياس تشرب قهوة معنا
سارة اقعدي...
ريحت قدام وليد
و الياس قبالتنا...
وليد... تروح لتونس.. ولا مزال
الياس غدوا مشور خويا
وليد مام انا نشور لتونس راهي الفرازة معاية...
الياس بالبراكة عليكم خويا
الياس اسمحولي انا نروح
وليد نتلاقاو في تونس
الياس.. انشاء الله
. سارة... كجاك خويا وصاحبي
سارة... ناس ملاح مشاء الله نعرف حتى اخته سامية نعمة الصديقة
... وليد ايا مليح... تعرفي اليوم عمي قدور فرحلي منين قتله رايح نعقد معاك.... قالي زين ماخطرت.. سارة منهار جات تخدم... وهيا انسانة متربية وعاقلة...
راني عارضه لتونس.. باه يجي للعشاء تاعنا
سارة انشاء الله عمي قدور.. يجي
وليد راه الوقت نروحو باه نوجد فاليزة تاعي منين غدوا نسافرو
ايه سارة هداك هو يالله
خرجنا وصلني وحطني قدام الباتيمو وهو راح
طلعت... نحيت الصباط كان قاتلني حميت الدوش وجدت حوايجي. ودخلت كانت 3تاع العشية..
أنت تقرأ
زواج تقليدي كرونيك بزاف شابة 🔞🔞 العنوان: زواج تقليدي
Ficțiune adolescenți❌❌ممنوع النقل نهائيا ❌❌ الكاتبة : Lili Lina زواج تقليدي🔞🔞 انا سارة... تزوجت زواج تقليدي.... منعرفش راجلي..... وجامي شفتو في حياتي نسمع عليه برك.... عندي 20سنة عايشة مع دار شيخي... نهار جاو خطبوني... لايوب هو مجاش.... او بالاحرى مبغاش يجي.... ونها...
