زواج تقليدي كرونيك بزاف شابة 🔞🔞 العنوان: زواج تقليدي

من الحلقة 42 الى 45

❤‍🩹42❤‍🩹
نعست وسلمت امري لله
الصباح نضت بكري وجدت كواركي بلاك نحتاجهم وديت معاية منقوش تاع الدهب كانت عجوزتي عطتهلي في حياتها
قلت بلاك نبيعه باه ناكل
مشيت حوست في البتزيريات والمطاعم... زدت في الفنادق بلاك يحتاجو لي يسيقلهم ولا يطيبلهم.
دخلت واحد المطعم كان كبير جاي في وسط المدينة بصح يبان كلاس وغالي علا حساب البوابة لي  راني واقفة فيها....
قلت بسم الله وفتحت الباب
شفت ناس بزاف فيه
وعند الباب تلاقاني بحال العساس وهو لابس زي رسمي ضنيت تاع المطعم فتحلي الباب وقالي تفضلي مدمزال
انا... شكرا بارك الله فيك
خويا انا نحوس علا خدمة.. الا خصكم طبعا
شاف فيا وقالي اختي تفضلي نسقسيلك في ادارة المطعم ونجي
قتله يزيد فضلك
دخلت وريحت في واحد الكرسي كان حدا الباب تاع الدخلة..
بقيت نشوف في الناس يبانو عايشين يضحكو ويشيخو... مشي بحالي الضحكة توحشتها...
كانت ريحت الاكل دايرة حالة بالبنة. مع راني صايمة كرشي لصقة في ضهري
❤‍🩹 43❤‍🩹
جاء ومعاه واحد ...
السلام عليكم يابنتي
وعليكم السلام عمو
يابنتي واش نقولك انا في هاد الوقت المعلم مراهش هنا... ولاكن يخصني في الحسابات.. الا عندك نيفو
ايه عمو عندي نيفو باك الا يناسبكم نكون ممنونة لك راني محتاجة هاد الخدمة ياعمو
املا بنتي مرحبا بيك تنجمي تخدمي من اليوم معنا...
انا كنت نسمع بصح موش مصدقة... ☺واخيرا الزهر ضحكلي 😅
دخلني لداخل... وراني البيرو تاعو وقالي هو عم مول الشي وراح مسافر وهو راه قابط عليه لين يجي...
شكرته وقتله انشاء الله نكون عند حسن ضنك
وقفت في الرسبشن وقبطت الحسابات... كانو الخدامين بزاف تبارك الله... مشاء الله
جاء عندي هداك لي فتحلي الباب.. وقالي انشاء الله تكوني سعيدة بهاد الخدمة... وراني التفاصيل تاع الخدمة
قالي كاين لي يعيطو يحكمو موعد للعشاء ولا للغداء.. نمركيهم... ونشد تاني الخلاص عليهم
فهمت
وبديت الخدمة.. بنشاط وهمة
كملت مع الخمسة تاع العشية الدعوة ضلامت مع راهي الشتاء برا.. قعدت نخمم وقتاه نكمل
جاء عندي هداك الراجل لكبير قالي بنتي دارك بعيدة علا الخدمة قتله واحد نص ساعة في البيوس
قالي املا انا نوصلك قاع متخميش.. شكرته
يبان ناس ملاح وباينة يعرف ربي كانت في يده سبحة ولابس عباية
كملت الخدمة مع 9 تاع اليل قريب نتغاشة مكليتش حاجة ونا صايمة حشمت ناكل تم عندهم الحق كل خير محطوط... جات عندي واحد البنت قاتلي ارواحي تتعشاي راه كاين خالد يقبط عليك... قتلها معليه.. دجا كملنا الناس كامل روحت والمطعم رايح يغلق... رفدت ساكي وخرجت عند الباب جاء الراجل وركبت معاه وصلني للكارتي ديالنا... وقالي غدوا يفوت البيس تاع الخدمة منا عليك علا الساعة 7كوني واجدة الخدامين كامل يفوت عليهم هاد البيوس المعلم متهلي في الخدامين تاوعه.. شكرته ونزلت
❤‍🩹44❤‍🩹
وصلت لدار ماشي نموت
ياربي وغفرلي... جريت لكوزبنة فرغت كاس حليب وقعدت نشرب بالعقل... فرقت صيامي قريب العشاء يأدن... نضت نحيت حجابي وقضيت صلاتي.. سمعت العشاء يعيط... صليته ونضت جبدت العدس تاع البارح حميته مع الخبز وكليت في هاد الايام يبالي نقصت واحد 4كيلو
وجهي ولا وجه قطة معوقة
غسلت طبسيا ورحت دخلت في المطرح كنت تعبانة درت الرفاي باه نوض بري... ونلحق علا البيوس
الصباح نضت وجدت روحي ولبست فيستا فوق الحجاب كانت طيح الشتاء.. وغزيرة.. معنديش حتى برابلوي كي الناس..
درت قلمونة تاع الفيستا خديت الصاك والمفتاح وخرجت كانت قل ربع
وقفت مجيت لاري باه البيس يقاري تما ويشوفني..... الشتاء خيط من السماء ونا نرجف الريح يصفر في ضلوعي...
بقيت نترعد وحدي حتى يبالي بيوس جاي وشاعل الضوء.. من بعيد.. فرحت ريض وطلعت... قلت السلام عليكم ردولي الجماعة لي كانت فيه... كان معمر يبالي انا التالية لي ركبت
وصلنا وقبطنا بلايصنا تاع الخدمة
... اليوم تاني مشاء الله الخدمة... الناس تجي من كل بلاصة كاين حتى التونسين في هاد المطعم
كملنا وروحنا وصلنا البويس... هاد الخدمة فيها تروحي حتى لليل.. المهيم خير من مكان والو
كي رجت لداري.. صبت برية تحت الباب.. دخلت وبلعت الباب و فتحتها
صبت فيها ورقت طلاق
من المدعو ايوب....
وبعد تلات ايام عندي الوقفة
ياحسراه... شحال كرهتو وني حابة نتهنا منه رخيس
والله مايستهل حاجة
خليها انشاء الله نطلق ونريح ياربي
❤‍🩹45❤‍🩹
بعد تلات ايام... كانت بالاحد.....وكان داك النهار روبو من الخدمة الاحد ميخدموش
اليوم عندي وقفة في المحكمة.. انشاء الله تفوت علا خير
لبست حجاب واديداس وفاست كان البرد والغيام... كما ايامي لي فاتت مغيمة...
وصلت دخلت كانو ناس بزاف..... صغار كبار....
روحت للقاعة المكتوبة تما في الورقة ريحت ويديا في جيوبي من البرد زراقو حطيت راسي من الناس لي يتمشى فهاداك الكلوار يشوف فيا...
شويا وعيطولي... دخلت
كنت وحدي مع القاضي وواحد المحامي.. هو مجاش... قالي القاضي.. راكي راضية بالطلاق
قتله ايه... قالي المدعي الزوج سنيا وكمل زيدي سني انتي تانية باه تطلقو رسميا
انا سنيت بلا منشوف في الاوراق...
والقاضي قالي راكي مطلقة...
انا فرحت الحمد الله ياربي
خرجت وفي طريقي.. تلاقيت بيه..... ايوب 💔تبسم وقالي اهلا طليقتي متفرحيش بزاف... وراح
انا غبنوني دموعي 😭😭
ورحت لداري...