64
درت تنضيف لبشرتي منين غدوا نروح عند يماه
وتاني نقيت روحي غاية... كملت درت الكاب وخرجت... نشفت شعري كان البرد وخفت نتقريبا
سشورته غاية ربطته... جبدت دوبياس جديد في الغوج لبسته... وزدت روبة تاع قطيفة خفيفة ستيل تاعها حوتة... وصدرها جاي متلت... وجدت الفاليزة تاعي... وكملت روحت طفيت الفريجيدار ومسحته غاية تاني نحيت بريز تفي ووبلعت التيق غاية باه الا طولت الغيبة كلش يكون مليح
وجدت فاليزة في الهول.. بلعت بيبان البيوت شفت الساعة كانت 7تاع العشية درت.. ملاية علا روبتي وخمارها وقعدت نستنا
حتي عيطلي قتله اني واجدة... قالي اني طالع افتحي الباب...
كوبيت... ورحت فتحت...
سلمت عليه بيدي برك دوك عاد راجلي... قالي واجدة.. قتله هيه... رفد الفاليزة وهبط ونا وراه... بلعت الدار ودرت المفتاح في الصاك وكنت من قبل ديت اوراق الملكية و الدراهم لي طلعولي من المحكمة في لابونك هكدا نأمن عليهم من السراقين
... هبطنا طلعت وطلع الفاليزة في لامان وطلع قدامي... وقلعنا...
وليد... سارة... دوك اكي مرتي علا سنة الله ورسوله...
تصرفي عادي.. معاية.. متحشميش... سغتو غدوا منين نروحو عند امي... شخصية امي شويا واعرة تحب تتحكم ننصح تكوني صديقتها... علا ان تكوني كنتها
عندي ختي شادية... هههه معاها متلقايش بروبلام اني عارف دوك تتفاهمو
نوصيك غير علا دار خالي... يجو عندنا بزاف
شدي روحك ولتهي بحوايجك
سارة... ايه داكور وليد فهمت
وليد... ربي يحفظك
وهنا وصلنا
سارة تحكي
كان يوصي فيا علا ماه باينة صعيبة شويا...
ودار خاله
وصلنا لداره... كانت عبارة عن فيلا تبارك الله باينة عنده الرزق
نزل وفتح الباب ودخل اللوطو... نزلت وهو نزل الفاليزة... فتح الباب ودخلنا.... واو
داره تهبل من داخل واسعة... بزاف...
وليد... هاه عجباتك يامدام
😊سارة كبيرة بزاف
وليد ههههه راها دالك من اليوم
سارة... انشاء الله
ارواحي نوريك البيوت
هادي صالون... وهادا بيت الضياف... هادي شمبرة صغيرة. تاع..... من بعد
هادي بيتك.... ولي قدامها بيتي..
سارة تحكي
وراني بزاف بيوت... بيتي كانت قدام بيته... كلش طوب
وليد ارواحي للمطبخ...
دخلت واو ديكور يحمق كلش في مكانو باينة يحب النظام
دخل فليزتي في البيت وقالي اني خارج ودوك نجي... خدي راحتك في دارك 💔
65
خرج وليد.. نحيت ملايتي وخماري درتهم فوق مطرح بيتي كانت كبيرة فيها مطرح تاع زوج بلايص ووكوافوز وقدامها كرسي عملاق.. كاين طابل دو نوي والخزانة كاينة تاع الحيط كبيرة... فتحتها وحطيت فيها الفاليزة جبدت لاتغوس فيها مشطة و حوايج نطوياج وسربيتة صغيرة
درت برفان تاعي وحطيته فوق الطابل
خرجت نتفتل في الدار... عجبتني كبيرة وشابة كاين دو اطاج. التحتاني فيه الصالون ومطبخ وزوج شنابر
والفوق كاين تلات شنابر وصالون
منه بيتي وبيتو
دخلت بيتو كان كلش نوار وماغو ستيل رجالي كلش مظلم... بصح منظم.. سمعت الحس لتحت... درت خماري وهبطت نشوف صبت وليد جا
شاف فيا وطول الشوفة
قالي ارواحي تتعشاي شريت من برا
سارة... كنت تقولي نطيب
وليد لالا مكان لاه طيبي وزيد الحال راه...
اقعدنا نتعشاو
كملنا ولميت الطابلة.. ووليد قالي نصلي العشاء ونجي...
خرج راح للجامع... ونا توضبت وصليت.. نحيت خماري وتكيت علا البونك نريح
أنت تقرأ
زواج تقليدي كرونيك بزاف شابة 🔞🔞 العنوان: زواج تقليدي
Teen Fiction❌❌ممنوع النقل نهائيا ❌❌ الكاتبة : Lili Lina زواج تقليدي🔞🔞 انا سارة... تزوجت زواج تقليدي.... منعرفش راجلي..... وجامي شفتو في حياتي نسمع عليه برك.... عندي 20سنة عايشة مع دار شيخي... نهار جاو خطبوني... لايوب هو مجاش.... او بالاحرى مبغاش يجي.... ونها...
