قلب النايف وغايتة .

7

َ
جنى :بناتت بناتت لحقوا عليييي
البنات فزوا: ششششششفييييك
جنى : ههههههههههههههههههههههه تضضحكون وانتم خايفين
ساره:الله لايوفقك احسب الاداره جت
"بعد ما الكل راح لبيته ونام وارتاح"
الساعه"6:30"
فـي بيـت أبو سلطـان(ابو نجد وساره)
دخـلت عـليـهم امهم وهـي تـشّغل اللّـمبات وطـفتّ المكـيف.
كـيان بصـوت عـالـي:اصـحوا السّـاعة 6 المغرب لمتى ناوين تنـامون !
سـاره بانزعاج: يُمه تكيفيين شغلي المكيف.
كـيان: لا واللّه انا احتاجكم وبعدين بُكره ويكند تنامون لين العصر
نجـد: تكفيين يايُمه بنننااام،شووي بس
"بعد محاولات نجد صـحت لكن ساره باقي صاملة"
راحـت ام سلطان لساره اللي ماتحركت ابد ولا تأثرت بمحاولت امها
ام سلطان وهي تهز ساره: قسم بالله م قمتي لـ اكب عليك ماء
لكن ساره مـاتحركت ابدا وهنـا اصاب ام سلطان الفـزع ليكون ماتتت هزّت ساره بقوه: سسسسسساره
فزّت ساره:وش فيه ووششش فيه من ماااتتت
وناظرت بأمها كانت متصنمه ووجهها مصّفر خافت وقرّبت منها ومجرّد ماقّربت انهارت امها تـبكي ضمّتها سـاره: بسم الله علييك بسم علييك شفيك؟
ام سلطان:احسبك متتـي،تذكرت ابوك الله يرحمه.
سـاره :أعوذ بالله الله يهديك ،شوفيني قدامك مافيني الا العافيه.
*بعد ماهدت ام سلطان نزلوا تحت،للصاله،وجلست ام سلطان ونطقت ام سـلطان:ياهلاا ببنـيّاتي
ساره ونجد :ياهلا فيك
بعد ماجلسوا مع امهم وتقهووا .
ام سلطان:مادريتهم انخطبت بنت ام عبدالله وملكتها الأسبوع الـجاي.
سـاره:الله يوفقها أي وحده ؟
ام سلطان: مها بنتها الوسط تعرفونها؟
ساره :اي نعرفها بس مو ذيك المعرفه معرفه سطحيه
نجد: من الحيييين ماني راييحة
ساره بضحكة:ههههه اجل انا اللي بروح !!
ام سلـطـان بحزم: والله غير تروحون معي أجل انا اروح وحيـدة دائمآ للمناسبات ماكأن عندي بنات دايم اخليكم على كيفكم بس هالْمّره ماعندكم عذر تجهزوا.
ساره:يييمه
ام سلطان تقاطعه: ولا كلمه انا اللي عندي قلته
نجد: ابشري على خشمي نروح لعيون ام سلطان ليش لا
ام سلـطان:اي كفو بنيّاتي.
ساره:افا علييك،غالي والطلب رخيص.

*بعد مرُور اسبـوع بدون احداث مُهمه*

ساره صحت من نومها ساعة 7:00 ، وأخذت شور سريع وطلعت لـ غرفة الملابس، تختار لها لبس عشان ملكت بنت ام عبدالله ، واختارت فستان بسرعة وطلعت تحط ميكب خفيف يبرز ملامحها الناعمة، ،
نجد دخلت بسرعه:ساره يييلااا اخلصي تأخرنا
ساره ب إعجاب غمزة لنجد :وواااوووو وش هالجمال
نجد استحت:طالعه عليييك امششي بس امي شوي تفجر البيت لنا تأخرنا على حبيبة القلب ام عبدالله .
*بعد م وصـلو للملكه*
وصلوا البنات وجلسـوا بعباياتهم وكانـوا كل وحده تتمنى الحفلة تخلّص با أسرع وقـت ل انو مو جوههم.
جات مها من وراهم: يياهلااا ياهلاا 'سلّمت عليهم
ساره:هلابك
نجد :اخت العروس صح؟
مها :ايي ،ششدعوه جالسين بعباياتكم شيلوها وارقصوا واستانسوا
"شالو ساره ونجد عباياتهم"
نجد بحياء:معليش بس وين دورت المياه بعدل شعري
مها وهي تأشر لها: روحي مع ذي الجهه تحصلينه قدامك
وصـلت نجد دورة المياه (يكرم القاري )وجلست تعدل روجها وشعرها .
"خالد"
كان جـاي بيعطي امّه الأغراض اللي طلبتها بس انصدم من اللي قدّامه وقّف يتأمل فييها فجأه استوعب وانصـدم منّ نفـسه ونطق:خالد صحصح شقاعد تسوي،بس وربييي مُزهه ييخربب بيتهااا
حط الاغراض وارسل ل اخته يقول، لها عن مكانهم وراح وطٓلع بّرا وبعده تذكّر الضيوف ورجع لهم،وهو باله مع اللي شافها.
نطق خطيب مها:شفييك شارد؟.
خالد ضحك:لاا ولا شيء ،راح باليي بعييد.

".نجد وساره"
نجد ناظرت ب امها قاعده تأشر لها،فهمت علييها ونطقت لساره.
نجد تناظر بامها:ساره أمي تبينا نرقص،انحشش
ساره:تخييليي بس،اصلا م فييه احد يرقص،تبيني اققوم بس انا وانتِ !!لا والله.
نجد بورطه:ييويلننا من امي.
ساره :انتِ شوفيي نظراتت الحريم لنا،احسس كاننا شيء غريب،م فيه بنات غييرنا،حتى مها وريماس مدري وين راحوا.
نجد:مها ياغبية طلعت فوق اكييد بتستحي،وريماس مششغوله اكيد،شرايك ارسل لسلطان ونسوي نفسنا تعبانات ونططلع.
ساره:لا َم باقي شيء اصبريي،امي م توافق اكيد.
نطقت حرمه لـساره:أنتِ شسمك،من بنته؟.
ساره ناظرت م حصلت احد منبهه ونطقت بخبث:اسمي مريم،بنت عايض،م تعرفيني،ومتزوجه عندي ولد،بس ابوه طلّقني الله يجعله باللي ماني بقايله.
الحرمه بحسره:لاحول ولا قوة الا بالله،بعدك صغييره،بس الله يعوضك.
نجد كاتمه ضحكتها على كلام ساره،وملامح الحرمه.

َ
(شكل ساره ونجد وكشختهم بالانستا)
rwaiii_a