قلب النايف وغايتة .

17

بس ماتشوفها تبكي كذا،نجد بكت معاها وهي ماتدري ايش السالفه،
ساره بحنية:شوقي قلبي احد قايل لك شي؟من زعلك وربي ل اقلب الدنيا على راسه قولي لي ليكون نايف رامي عليك كلام ؟
نجد ببكاء:قولي لنا قسم بالله مانخليه يخسي يبكي شوقنا
_شوق سردت لهم كل اللي صار _
نجد:يويلك من الله جرحتييه ليه تقولين له ماتبينه وانتِ تبينه ترا انتِ كذا تبعدينه عنك
ساره:اسمعي كلامي روحي له اعتذري منه وقولي له انك تكذبين ماتزوجتي لاتطيرينه من يدك وربيي انه يحبك
شوق قامت:لا والله ماروح له ولا اعتذر ولا اصحح له كلامي خلاص خليه يروح يشوف حياته ويستانس بعيد عني وينسانيَ
_
_فهد_
سحـب نفسه وسأل موظف عن مكتب خالد وراح وحصل نايف وخالد عند بعض.
خالد بمرح:هلللا والله صدقت اني تعبان
نايف:يالخبل يكذب عليك ذا وتصدقه
مارد علييهم فهد جالس وهموم الدنيا كللها على راسه
فز خالد من مكانه وجلس قدام فهد ورفع راسه ونطق:ولد شفييك شفيه وجهك ؟
قام نايف عنده وحط يده على راسه يقيس حرارته قال:بسم الله فهد شفييك
فهد قام:مافيني شي جيت عشان اودي خالد المستشفى ،وشكله انا اللي بروح لها خالد قوم وصلني البيت .
نايف قام واخذ مفاتيح سيارته :ييلا انا بروح معاكم بعد
وهم بالطريق اشتغلت اغنيه،عايض يوسف( رد لي ياعين خلك ) خانتة الدمعة ونزلت بدون مايحس بكاء الم وفراق ،يحس انه انخذل ماحبته نفس ماحبّها ،حس انه محتاج يجلس لوحده وقال لهم ينزلون بيمشي لوحده
فهد بصوت مهزوز:نزلوني هنا بمشي شوي واذا مليت اطلب اوبر
خالد ناظره وهو عارف انه فيه شي:علي الحرام ماتكون وحيد وانا معاك اللي يصير لك يصير لي وإذا بتنزل انا معاك
نايف حس وضعه غلط بينهم ،صح انهم صاروا اصحاب بس يمكن مايحبو يتكلموا قدامه قرر انه ينزلهم يستأذن منهم ويروح
نايف:انا يعيال اجل اعذروني بروح اكمل لي شغله
ودعهم وراح وهم نزلوا يدورون بالشوارع بدون وجهه،
خالد نطق:قول لي شفييك؟من لبّسك كل هالهم؟
فهد بنبره مكسوره:اههخ يخالد اللي انا اخشى علييه من الضيق والهم والحزن،واخشى عليه من كل شي حوله الشخص اللي انا اباهي فييه واتباهه بحبي له خذلني وقالها بوجهي وحط فيني صفات ماهي فييني
خالد بتردد:شوق؟
فهد:شوق اللي لي معاها ٤ سنيين وعمري ماتجرأت اكلم غييرها حتى بخياللي خايف اخونها بالخييال فمبالك بالواقع،اليوم وقفت قدّامي بكل قوّه تقول عني حق بنات ونسونجي
خالد يواسسيه:يمكن كانت مقهوره من شي او البنت عندها ضغوطات وانت طلعت بوجهها فجأه اعذرها وانا اخوك بكره بتجيك تعتذر وقل خالد مقال الحب اللي كان بينكم ترا مو بالسّاهل تنساه،بس كل شي له مبرر
فهد قام :أن شاء الله
وكملوا مشي كل واحد عايش بهمه .
-نايف-
بعد مانزل فهد وخالد على الطريق،راح للبيت دخل غرفته  وفتح جواله يفرفر فيه، فجأه طلع له فيديو،قد ارسلته له ساره ،كان مستمع له وهو يناظر ويمعن النظر فالفيديو الي جدد مشاعر واحساسيسه ، بدات تداهمه مشاعر كان يحاربها ويتعارك معها لسنين مضت ومايبي يعيد نفس المشاعر، ،ظن انه نجح وتغلب عليها واعلن فوزه لكن الغالب والظاهر في ذا اللحظة كان مشاعره الي طغت وتخطت حدود غير معلن وجودها بصدره،حب مره ويحس انه ماهو مستعد لحب ثاني ،بس يحس قلبه خانه المره ذي مايبي يعيد تجربة حب فاشله ،بلع ريقه من انتهى الفيديو ورفع راسه وتنهد ورمى نفسه على السرير ونام،
_ساره_
رجعت هي ونجد البيت بعد ماوصلوا شوق البيت،رمت نفسها على سريرها وجلست تفكر،تايهه مابين قلبها وعقلها،مره تقول انسيه ومره تقول تقربي منه،دامه عندك وبين يديك ليش ماتكسبينه لصفك،ليه تبعدين عنه وقلبك معه،تحسها هاللحظه ضايعه تبي احد يرشدها للحل الصحيح ،بس مالقت حل الا التفكير اللي تعبها ،دخلت عندها نجد
نجد:شفيك انتِ بعد؟ها شوفي هذا اللي كسبتوه من الحب الهم  وش لكم بوجع الرأس؟
ساره بهدوء :تدرين يانجد احس اني ضايعه احس ابي احد يمسكني ويقولي هذا صح وهذا غلط احس ابي احد يوجهني انا ضايعه،ولا تقولين انسيه لأن النسيان مستحيل وانا اشوف وجهه كل صبح.
نجد تكت على السرير :والله يساره قلت لك من اول ماعرفتيه اتركيه اتركيه لاني ادري وش نهاية الطريق ذا بس ماسمعتي لي ويلا تحملي نتيجة افعالك.
تنهدت ساره وقامت دخلت دورة المياه (يكرم القاري )واخذت لها شور سريع وجففت شعرها وحطت راسها ونامت.
_
_شوق_
وصلـت غرفتها وافكارها العميقه مسيطره عليها،سكتت أفكارها العميقه وهي تسال نفسها،"ليش قسّيت على قلبيّ"جلست تفكر وكل مَره تلقى إجابه مختلفة لسؤالها ،أخذت نفس عميق بقهر وهي تضرب نفسها،:اوف اوف منيي! شلون رديّت له الحب بالأذى؟شلون سمحت لنفسي اضيعه مني بالطريقة ذي؟همست بكلام كثييير ولا لقت حل لفعلتها المؤذيه جداً له.

جنى ، فجر
فجر دخلـت غُرفـة جنى بدفـاشّه وسرعه:جنى جنى
جـنى فزت :شفييك خيرر؟؟
فجر بترجي:جنوووي قلـبي تكفين انتِ أختي ابيكْ تساعديني.
جنى وهي غاسله يدها من أختها :خير بعد وش صاير فضحتيني كل م كلمت سعود جيتي بدفاشه اعوذ بالله
فجر بتردد: شسسمه ذا،عزوز طلب مني اطلع معاه ومابي ازعله دايم ارده المره ذي بروح،تكفيين تعالي معاي نروح للمول ونتمشى ونتقهوى وبعدين نجي.
جنى وعيونها موقفه من الصدمه:خخخير انتِ صاحيه وأبوي وش نقول له
فجر :ماعليـك اكلّم نـجد وأقول لـها تكلّم امي تطلبها اننا نجي لهم وأمي اكيد ماتردها توافق ونسوي نفسنا عند عمتي وحنا بالمول.
جنى اعجبتها الفكره :تمام بس انتِ كلمي امي انا مالي دخل.
فجر نقزت وباست راس جنى بفرحه وراحـت تدق على نجد.
فجر: نجد تتتـكفيين أول مره اسويها مالي غيرك تكفين
نجد :فكيني من شـرك لو يصير لك شي يذبحوني.
فجر بترجي:وربيي انا ماني طالعه معاه الا وانا واثقه فييه وجنى معانا تكفيين نجد.
نجد بقلة حيله:يلا بدق على خالتي الله يعيني .
قفلت نجد من فجر ودقت على خالتها ام فجر واقنعتها تخلي فجر وجنى يجون عندهم وقفلت.

فجر ، جنى
جات تركض لجنى بفرحة:اميييي وافققتت بسرعه اخلصي بنروح
جنى : اسمعي فكييني من شررك لا تقولين إني ماعلمتك ماني جايه معاكم انا بتمشى وانتِ انقلعي مع خروفك
فجر ضربتها بشنطتها:لاتغلططيين عليه
جنى غمزت لها:الله الله اشوف الموضوع وصل لحُب ودافع شصاير
فجر ضحكت:هههههههههههههههههههههههههههههههه ياخي شسوي حبيته الله لايلعن قلبي
جنى :هههههههههههههههههههههههههههههههههههههه
تجـهزوا على السـريع وطلبـوا أوبر وراحـوا للمول عند عزيـز(عبدالعزيز )
عبدالعزيز واقف ينتظرها:اهليييين توقعتك ماتلبين الدعوه
فجر مستحية: هلابك،شدعوه ماحبيت اردك
ناظر ل جنى:هلا والله اكيد انتِ جنى اخبارك
جنى:تمام الحمدلله
جنـى راحـت تتمشى لوحدها وتاخذ لها قهـوه وتتمشى بالمول.
عبدالعزيز: ماقلتِ لي كيف الجامعة معاك؟
فجر:يعـني حلوه
عبدالعزيز يحاول يفتح موضوع:طيب تدرين انا ليش بغيت اتكلم معاك وجهاً لوجهه؟
فجر بحيره:لا م ادري ليش؟
عبدالعزيز: فجر خليّنا نتزوج،تبين الصّدق ملّيت من سالفة المكالمات والرسائل، ودي تكوُني عنـدي ببيتي،مابي نكون بالوضع هذا،أبي نكون حلال بعض،
فجر انصدمت ولا قالت شي لانها ماتفكر بالزواج حالياً بس الواضح انو عبدالعزيز جاد.
لما شافها راحت بعالم ثاني ولا ردت كمل:أدري إنك جامعيه ولا تفكرين تتحملين بيت ومسؤولية،بس أوعدك لسـاعدك بكـل شيء،مح اطلب منـك شي فوق طاقتك بس أبي أكون معاك ببيت واحد،
فجر:بس عزوز انت تعرف الوضع،أبوي مايعرفك ماتوقع يوافق،
عبدالعزيز :عـادي ذي أمرها سهل قولي اخو صديقتي بالجامعه،وخلّيه يسأل عني، وان شاء الله تتيسر.
"نخليهم ونـروح ل جنى اللي كانت تتمشي وماسكه قهوتها بيدها وتفرفر بالجوال والسـّماعات باذنها وتكلم قاسم "
فجأة ارتطمت بشخص بدون ماتدري وانكبت كل قهوتها عليه:خيييير أن شاء الله ماتشوف أنت ؟
فجأة سمعت صوتها يتردد علييها سكتت بصدمة ومو أقل منه