قلب النايف وغايتة .

16

-نجد وشوق-
طلعوا من المحاضره وطلبوا اوبر ومروا ستاربكس واخذو لهم هم وساره قهوه وراحوا للشركهَ
_خالد _
كان جالس بالمكتب حقه ماعنده شغل كثير قرر يدق على فهد
خالد:ههللا والله
فهد توه صاحي من النوم :خير ان شاء الله م احد يناام جايي من دوامي تعبان ياكلبب بنام
خالد يسوي نفسه حزين:فهد انا تعبان محتاجك تعال الشركه ودني المستشفى تكفى
فهد فز من مكانه يحسبه صادق:شفيك ونايف وينه
خالد:نايف عنده اجتماع مشغول انت تعال
قفل فهد وفز من مكانه وبدل على السريع وركب سيارته ومشى.
وصلوا نجد وساره ل الشركه ونزلوا وأول م دخلوا طلع بوجههم خالد خالد:ههلا هههلاا وش ذا الييوم اللحللو ياهلااا
نجد استحتت ماردت
شوق:ههللا بك وش ذا الترحيييب الزيين
خالد: الشخص المقصود بالترحيب مارد ليييه
نجد بحياء:هلابك
خالد: ياابعد هالاصوات كللها والله تعالوا حياكم لمكتبي
راحو معاه ونسوا انهم جايين عشان ساره،جلس يجولهم بالشركه،شوق قالت له وين مكتب ساره بروح لها،ونجد ماحبت تكسر بخاطره وراحت معاه،
دخلـت شوق عند مكتب ساره وكان فيه عندها موظفه يساعدها بالشغل
ساره :هلاا والله بقلبيي وروحيي،ضمتها وسلمت عليها وجلسوا
حمد الموظف:ساره ذي لازم توقيع من المدير روحي وقعيها وتعالي
ساره قامت : شوقي لاتروحين ثانيه وجايه
بهذي اللحظه وصل فهد الشركه وجاء مستعجل يحسب خالد فعلا تعبان وكان بوجهه المكتب حق ساره وفتحه بسرعه بيسال عن مكتب خالد ،لكن فجأة شاف شوق جالسه ومعاها واحد انصدم وجلس دقيقه يستوعب بعده سحبها برا المكتب بدون صوت وبدون ولا كلمه ،كل همه هاللحظه ايش جابه هنا وليش جالسه مع واحد
فهد بعصبيه وهو مو عارف ايش قاعد يقول :وييين هايته انتِ مين ذذا اللي متربعه معااه أن شاء الله والا تحسبين الدنيا سبهلله تجلسين مع كل من هب ودب وتطقين حنك،تعودتي على هالعاده،
ماردت علييه من هول صدمتها بكلامه ومن اتهامته لها رص على يدها بكل مايملك من قوه،وهي تحس يدها شوي وتنكسر
نطقت بعد صمتها نطقت وتمنى انها بقت ساكته ولا تكلمت شوق:تخسي وتعقب ماهو انا التايهه تحسبني مثلك اطق حنك مع الرايح الجاي؟وكل من راح وجاء اتيهه معاه شوف نفسك أنت اللي ماتقدر تعيش بدون بنات حياتك ويومك كله مع بنات وطلعاتك بنات ووين ماتتجهه مع بنات،لاترمي تهايمك علي،وانا إنساني خلاص لا تلحق وراي مثل المجنون،هذا طبعك من عرفتك نسونجي ابو طبيع مايخلي طبعه.
ركز  عيونه فيها من قوة ذهوله وصدمته من اللي ترميه  عليه والاوصاف اللي تشعره انها كانت تنتظر هاللحظه بفارغ الصبر عشان ترميها عليه ، الوصف اللي ظلمته فيه ، وحطته  جزء منه وهو ما هو فيه
، الوصف اللي استفزته فيه وخلّته ينقهر منه
سألها بنبره غریبه جدا عليهاا
فهد ؛ اجل نسونجي من عرفتيني؟
ما تركها تستوعب كلامها من سحبها لجهه فارغه تماماً  واظهر الشي  اللي تقول عنه ، بفعله منه من رفع كفه لحد نقابها وكان بينزعه عن وجهها من قهره بكلامها وقفته بكفّها اللي ثبته  على ذراعه تمنعه ونطقت عشان تقهره أكثر
شوق : لاتنسى انا ماني محرم لك وقريبا بتزوج ، خلاص فارق
حرر نقابها من مسكته من شدّة صدمته بالخبر اللي رمته عليه هو كان يعرف انها مخطوبه لولد عمها بس كان مكذب الخبر،  حرر كف شوق من مسكته  ليدها تراجع بخطوته للخلف وهو مو مصدق  اللي قالته . يحس انها تكذب عليه عشان بس توقفه عن فعلته واللي كان مقصده يخوّفها فيها بس ماكان بيسوي شي الا التخويف ، واستحاله انه يتردى معها زي ما تظن  لكن ما توقع ان فعلته بتجبره على سماع شي يؤذي  قلبه ولا يبيه تأمل شكلها والغضب اللي ينبع من عيونها وهو ينطق بالكلام اللي على طرف شفته
فهد؛ تكذبين علي صح ؟والوقت اللي عطيتيه لي؟والحب كله وييين راح؟  ليكون وهم ليكون مستقصده تجرحني كنت اظنك تطردين الهم والحزن عني،كذبتك بسالفة خطبتك  كنت اظنه مجرد وقت وجاريتك باللي تبينه ، بس ما توقعتك بتعاقبيني العمر كله شوق العمر كله، وانتِ م انتي جاهله بجنون غيرتي عليك ليييه جالسه معع ذاا لييه،
قاطعته لانها ما تبيه يكمّل وتلين له ، ماتبيه يتعلق فيها اكثر نطقت :انت صفحه وطويتها من حياتي ، وياليت تطويني زي ما طويتك ان كان حبك لي صادق  اظهره لي بأفعالك لا توقف بطريقي وانا اخترت سعادتي واسعى لها ولتحقيقها وحتى لو سعادتك معي ، فتأكد ان سعادتي مع غيرك.
فهد انصعق من كلامها اللي على قلبه مثل السكين اللي اتغرز بوسط قلبه،ماقدر يرد علييها،يحس السانه انربط خانته دمعه نزلت من عينه،توضح مدى قوة الكلام اللي رمته عليه مثل السم،
شوق کابرت على نفسها وعلى دمعتها اللي خانتها ونزلت ، وهي تتصد عنه وتمسحها عشان مايشوفها ،  ودها تقول وله والله ان كل كلمة طلعت مني مو صدق ودها تحضنه وتقوله امزح معاك ودها تمسح دمعته بيدها مو هو يمسها لكن لازم تجرحه وتخليه ينساها ارتدت قناع الكبرياء وانحازت لصف عقلها من جديد ، وتجاهلت رغبات قلبها واللي لو طاعت هالرغبات ضيعته وضيعتها معاه.
راحت لساره ونجد بمكتب ساره دخلت وقفلت الباب
نجد :هيييه وين اختفييتي
ساره:كليييخرا انتِ جايه لي والا تتجولين بالشركه
شوق انهارت بكي بكتت بشكل يقططع القلب،لدرجة ان نجد وساره وقفوا بمكانهم منذهليين،ومايدرون شيسوون
قرّبت منها ساره وحضنتها ،وهي ودها تدخلها داخل جوفها،