قلبي يحبك والمشاعر تناديك
وحبك غدى فرحة لباقي سنيني
من كل قلبي يا هوى بالي اغليك
يا احلى مشاعر بالوفا يحتويني
في يوم من الايام بشوارع جده تدور الأحداث ببيت من بيوت ال قاضي
ريف :بنات شرايكم نطلع طفشانه.
سهام :اي بنات نغير جوا شفيكم كذا خلاص انا باقول لأبوي يكلم السواق يجي أخذنا.
طيف:تمام كلمو سهم يوديكم بدل السواق.
ريف: يكون احسن..
طيف :زين اجل انتبهو لنفسكم.
سهام :رايحه اكلم بابا.
نزلت تدور ع ابوها وشافت امها راحت لعندها تبوس راسها تسالها وين ابوي
الام: طالع مع عمك عنده شغل وش تبين فيه؟
سهام: اي يمه تكفين الاختبارت ع الأبواب وودنا نطلع نغير جوا بما انه اليوم حلو والجوا بعد شرايك.
الام: تشوفين الساعه كم انتي.
سهام : يمه تكفين والله ودي اطلع تكفين وافقي وبعد انا و ريف بنطلع مع بعض.
الام : تمام اطلعو وغير جوا بس لا تتأخرون وتخلوني احاتيكم.
سهام :ابشري يمه من عيوني.
طلعت لعند ريف ورنا يالله امي وافقت بس بشرط ما نتأخر نروح ونرجع بدري شرايك نروح الردسي مول وناخذ قهوه او نروح البحر
ريف: تكفين نبي البحر مع غروب الشمس يجنن المنظر.
سهم : اخلص عشان نطلع بدري ونرجع و تلحقين ع غروب الشمس.
ريف :تمام.
.......................................................
إيهاب: متأكد من الا بتسويه.
تركي: ايه متأكد هم يبون شركتنا تفلس بس ابعد عن خشومهم.
إيهاب: الله يستر منك وانا اخوك.
تركي: توكل ع ربك وانا اخوك و اوثق فيني ومرح تندم الا وين محامينا ما نشوفه؟
إيهاب: عنده قضيه وجالس يدرس عليها.
تركي :الله يوفقه الا شرايكم دام ما باقي شيء وتجي الاجازه شرايك نطلع الرياض نغير جوا من زمان عن الرياض.
إيهاب: تمام فكره حلوه الا عزيز ما يكلمك فجأه يختفي فجأه يطلع.
تركي: لا والله مبطي عنه اخر مره قبل فتره.
...........................
طيف: هاي كيفك غاده؟
غاده: بخير وانتي.
طيف :بخير الا شفتي ملف الا اعطيتك هوه عشان الشركه حق المناقصه درستيه عدل.
غاده :اي شفيته بس اذا بنوافق ع شروطهم رح نخسر احنا وانتي عارفه عمي داخل مناقصه كبيره ولازم ندرس من كل النواحي قبل لا نقبل اي مناقصه.
طيف: الله يستر من هالمناقصه سمعتها مع ال سليمان الناس معاهم شركات واجد تتوقعين انه رح نكسبها ولي ماسكه ابنه الكبير شاطر الله يستر بس.
غاده :ما عليك عمي قدها ولا تنسين زياد معه
طيف: ان شاء الله ثقتي بابوي بمحالها بس الخوف مسيطر.
غاده: ما عليه.
.......................................................
بالرياض
عزيز : عبدالرحمن وش صار ع الموضوع الا طلبته منك؟
عبدالرحمن: ما عليك صبر فتره واجيب لك راسه.
عزيز :اخلص علينا تركي داخل مناقصه وانا مو مرتاح لازم اطلع كل شيء يخص هذا ابن ال سلمان.
عبدالرحمن: ما عليك "ازهلني".
...........................................
حنان: سلام امل كيفك؟
امل: بخير انتي كيفك وكيف العيال أن شاء الله بخير.
حنان: الحمدلله بخير نسأل عنك إلا جايه اقول لك مبطيه عني شرايك نجتمع ببيت ام خالد؟
امل: والله وانتي صادقه من زمان ما طلعنا ولا سوالفنا ولا شفتها عاد سوالفها ترد الروح.
حنان: وانتي صادقه ي وخيتي الا عزيز ما قال لك انه يبي يتزوج صار عمره ٣٠ ولا هوه ناوي.
امل: وش عليك فيه خليه يبي يتزوج عن حب خليه يلاقي البنت الا يبيها.
حنان: اي ي امل شباب هل الايام كذا مايبوون الا زواج عن حب وخرابيط بس انا خايفه عليه لايتأذ قلبه من الحب..
امل: ماعليك يا حنان اذا كان له نصيب في الحب ربك بيوفقه ان شاءلله انتي بس لا تحاتينه.
حنان: ان شاءلله يلا وانا خيتك لا نبطي على ام خالد.
امل: يلا يلا.
وعند ام خالد اللي جت تستقبل حنان وامل عندها
ام خالد: هلا هلا يا الله حيهن تفضلن تفضلن.
حنان: الله يحيك يا ام خالد والله زمان عنك وشلونتس عسك بخير.
ام خالد: والله بخير الحمدلله وانتي اشلونتس.
حنان: على ماتحبين الحمدلله.
امل: والله انك صادقه ياخواتي حنان زمان عن ام خالد
وعن السوالف معها.
ام خالد: الله حيهن تنورون متى مابغتن.
.......................................................
وعند ريم ورنا
اللي ساكنين مع امهم واخوهم الكبير و جدهم وجدتهم بارياض
في الصباح المشرق ويوم جديد ع ريم ورنا اللي كل وحده تحب حلمها طبعاً ريم عندها حلمها واهلها خط احمر وعاطفيه حنونه تحب بسرعه لطيفه وتحب اهلها بشكل كبير اما رنا عكسها في بعض الصفات وتحب اهلها ولكنها تعاند حلمها الاولوية عندها
واخوهم الكبير مُلهم اللي يحب خواته بشكل كبير وههم نفس الشي يحبونه لانه مايخلي شيء في خاطرهم وما يخلي شي بخاطره لانه يحاول يعوضهم عن فقدانه لابوهم
وطبعا لهم بنان خاله
ساكنين في جده ويجونه كل فترة
بين اجازه والثانيه وههم مقربات من
بعض كثير ويكون اسعد يوم في حياتهم
يوم تجي الاجازة ويتجمعون عند بعض
..................................................................... وعند ريم اللي جهزة حالها من بدري لجامعتها
وطلعت من غرفتها ل غرفة امها عشان تحصيها لكن تفاجأة لما شافت امها صاحيه
ريم: يمه صاحيه كنت جايه اصحيك
الام: ايه يمه صاحيه انتي روحي صحي اختك وروحي على جامعتك لا تتأخري
ريم: ابشري
وطلعت ريم من عند امها متجه لغرفتها لان هيه ورنا غرفتهم وحده ولما دخلت الغرفه كالعاده شافتها نايمه
ريم:يا الله رنا خلاص اصحي صار الظهر
رنا: علامك ويش تبين خلني انام شوي
ريم: ويش تنامين شوي قومي خلاص هذا وانتي نايمه قبلي اخلصي قومي يلا امي تبيك
رنا: ايه ايه خلاص صحيت اووف
ريم: يلا بلا اووف ذي
رنا: خلاص والله صاحيه
ريم: طيب يلا انا طالعه وانتي يلا قومي لا ترجعين تنامين
رنا: طيب طيب
وعند ريم وهيه طالعه على جامعتها شافت مُلهم في طريقها وهيه طالعه لسيارة
مُلهم: هلا هلا يا الله صباح الخير ويش ذا الصباح الزين
ريم: ببتسامه صباح النور الزين زينك
مُلهم: اطلق من يداوم
ريم: الله يخليك ويديمك يلا بروح انا لا تنسا تطلع تشوف رنا لا ترجع تنام
مُلهم: بضحك هيه عادتها لزم تحلل نومها
ريم: هههههههههههههه وانت صادق
مُلهم: يلا وانا اخوك روحي لا تتأخري وانا بشوفهم كلهم
ريم: ابشر
وطلعت ريم لجامعتها وهيه مبسوطه وتشكر ربها على ان اخوها مُلهم مُلهم: بخير يا الغالية هااا وش فطورك اليوم
الام: جعلك دوم يمه اللي يحبه قلبك
مُلهم: والله اطلق مايحبه قلبي
الام: زين يمه روح شوف ام لسان صحت ولا عادها نايمه
مُلهم: بضحك هههههههههههههه قصدك رنا
الام: ايه هيه فيه غيرها ام لسان
مُلهم: ابشري ابشري الحين اشوفها
وبعد حديثه مع امه اتجه لغرفة رنا يشوفها كالعاده لزم يطقطق عليها
هااا يا ام لسان صحيتي او لا عادك
رنا: وهيه توها صحت ايه صاحيه وبعدين النااس تقول صباح الخير وانت يا ام لسان من ذا الصباح
مُلهم: ايه شفتي انك ام لسان
رنا: اي والحين ويش تبي
مُلهم: امي تبيس في المطبخ روحي لها
رنا: اووه الله يهداها امي من ذي الساعه بالمطبخ
مُلهم: ايه ماتفكرينها مثلك الساعه ٨ وعادك نايمه
رنا: اقول توكل بس
مُلهم: بضحك ايه بتوكل بس لا تنسين تقومين تشوفين امي
رنا: زين زين انت بس توكل
مُلهم: زين اجل لا تبطين عليها
رنا: طيب طيب
.......................................
وفي الجامعه
وعند ريم اللي وصلت جامعتها وهيه داخله محاضرتها وشافت اكثر بنت ماتطيقها لانها مره مغروره وشايفه حالها على الكل في الجامعه ولذا السبب ريم ماتطيقها
... هلا ريم كيفك
ريم: هلا الحمدلله بغيتي شي بدخل ماحضرتي لاني تأخرة
... لا لا ماتوقعتك كذا ماتشوفين احد شرها عليه انا اجيت اسلم عليك
ريم:اللي ودها تقول لها فكيني شرك ولا تسلمين عليه ولا اسلم عليك
لكن من حسن اسلوبها حلو مع الكل
لا افا عليك ويش ماشوف احد ابد والله ماني كذا بس علمتك اني متأخرة على المحاضرة لكن ماعليك بشوفك بوقت ثاني
... زين
ريم: في نفسها الحمدلله اخيراً افتكيت ولا ماخلص منها الا بكره
ودخلت محاضرتها وهيه بالها مع جدتها لانه لما طلعت الصبح وهيه نايمه ما شافتها
...........................................
وفي البيت وعند رنا بذات اللي قامت واتجهت لامها في المطبخ يالله صباح الخير يا الشيخة علومتس
الام انوار: هلا صباح النور توك صحتي
رنا: ايه يمه علمتس لان تعرفين اليوم ماني راحية المرسم فقلت انام لي شوي بس انتي و وريم ماتخلوان احد ينام
الام: اقول يلا بس اخلصي وساعديني لا نبطي عليهم بالفطور
رنا: طيب ابشري يا ست الكل
الام: ببتسامه على كلمة رنا يلا اجل وانا امتس خلينا ننجز
رنا: ابشري
......................................
وعند مُلهم اللي من بعد طقطقته مع رنا اتجه لا غرفة جده وجدته
ويدخل الغرفه ويشوف جدته جالسه هو يبتسم
مُلهم: يا الله صبحا بالخير كفتس يا جده
الجده: هلا يمه صبحك الله بالنور بخير
مُلهم: الله يجعلس دوم وين جدي
الجده: يصلي الحين يجي
مُلهم: ايه تقبل الله كنت بصبح عليه بس ماعليه الحين يجي تعالي تعالي اطلعك برا واخلي رنا تسويلك القهوه
الجده: تسلم يمه كنت بطلع اشوف امك
مُلهم: ماعلتس تعالي هيه في المطبخ اوديك عندها
الجده: جزاك الله ياولدي
مُلهم: افا عليك يا جده انتي بس امري وانا بس البي سمعاً وطاعة
الجده: الله يحفظك يمه
وطلعو متجهين للمطبخ عند انوار ام مُلهم اللي كانت في المطبخ هيه و رنا يجهيزون الفطور
......................................
لاتنسون النجمه🌟.
