ريف: لا شبعان مرح ياكل
سهم: مرح ياكل من كيسك
ريف: والله انت اللي بتغسل له اسنانه بعد الأكل مالي دخل ساعه على ما خلاني اغسل له أسنانه
سهم: بضحك الا طيف ما رجعت
ريف: مع حبيب قلبها وش تبي فيها تقابل وجهك
سهم: ناظر فيها لا أقوم لك ي ريف وبعدين سالت عنها لانها لما طلعت كانت باين عليها التعب بس وانتي ماشاء الله محد يقدر ياخذ منك علم واحد تاكلينه وتكرهينه اللي سالك
ريف: بضحك تصبح على خير ولا تنسى فرش أسنانه
جته سهام بصنية الاكل كان فيها مكرونه بالدجاج وسلطه ومشرب غازي وملعقتين
ناظر فيها سهم:مرح تاكلين معنا
سهام: لا شبعانه بدا ياكل سهم وياكل سعود معه سهام: سعود تعال اكلك
سهم: شدعوه ي سهام انا اكله واكل معه
سعود: سهم متى تجي طيف اشتقت لها
سهم: بتجي ان شاء الله
سعود: لا لا دق عليها الحين تجي(بلغت الأطفال طبعاً)
سهم: ما يصير ي سعود الحين الوقت متأخر وتلاقيها نايمه
سعود: بدا يصيح
سهام: باين انه مرح يسكت خليني أدق إذا ردت اك ما ردت بننتظرها الصباح تمام
سعود: بفرح وافق وأخذت جوالها ودقت عليها ماهيه الا ثواني وردت طيف
طيف: هلا سهام
سهام: جات بترد اخذ الجوال سعود: طيف تعالي اخذيني طفشت منهم
طيف: بضحك شلون طفشت وليه مو نايم
سهم: ي عيارتك قبل شوي مسوين لك جو بالبيت خلاص سحبت عليهم الحين ومسهرهم معك ي الله من لسانك
طيف: بضحك بعد كلام سهم ابتسم عساف من ضحكتها من الاتصال
لما شافته طيف حطته اسبكر
اي سعود ليه داق
سعود: ابيك تجين ابي انام معك
طيف: بس الحين ما يمديني اجي
سعود: اجل انتظرك لين تجين
عساف: سعود حبيبي مو انا قلت لك انه انت بطل والبطل ينام لحاله صح
سعود: اي صح
سهم: لا وانا اخوك البطل ذا بيتعبني معه
عساف: سعود إذا نمت الحين تمام بكره وانا جاي اجيب لك هديه حلوه
سعود: نط بالفرح
طيف: سمعت ي سعود يلا روح نام
سعود: بس بالأول عطيني بوسه
توترت طيف: سعود مين معلمك ذا الكلام
سعود: ريف كل ما طلبتها شيء قالت عطني بوسه
ضحكت طيف: تمام ي سعود إذا جيت اخذ حقك الحين خليك شاطر وروح نام
سعود: لا يعني لا
سهام: تعال انا اعطيك بوسه منها بس يلا انا تعبت فيني النوم
سعود: إذا على كذا تمام موافق وقفل الجوال
عند طيف اللي من قفلت
عساف: بوسه بعد هذا منافس قوي وبتعب معه
طيف: عساف هذا سعود طفل
عساف: والله لو انه ريشه
طيف: تمام نرجع
عساف: تمام دام اكلنا نمر السوبر ماركت ناخذ لنا أغراض ونرجع تمام
طيف: أغراض وشو
عساف: مثلا اندومي مفرحات يمكن انا حاب نتابع فلم
طيف: فلم الحين
عساف: اي ومتى تبينا نتابع
طيف: بس انا مافيني حيل ابي ارجع انام
عساف: عيني بعينك اساس انتي لك اسبوع تتهربين مني بالبدايه عاذرك بس الحين فيكي النوم ما اصدق
طيف: اي فيني النوم تبيني اثبت لك الحين انام
عساف بضحكه: اي نامي وانتظري مين يشيلك من السياره
طيف: يعني بتنزل وتتركني نايمه فيها
عساف:اي وش ابي فيك مو انتي فضلتي النوم علي
طيف:اجل تدل بيت اهلي صح وديني انام هناك بدل سيارتك
عساف: مافيه عندك اختيارين ي انه تتابعين معي الفلم ي انه تنامين بسياره ومافيه خيار ثالث
طيف: انام بسياره
عساف:تمام خليك على كلامك وقف عند السوبرماركت ما بتنزلين تاخذين لك اي شي
طيف: لا خذ اللي تبي انا بانام تعبانه
عساف: تمام رح اخذ كل شي ع ذوقي اللي احبه وانتي بكيفك ونزل
طيف: مرح تسويها اعرفك ضحك عساف وتركها
وهيه حاولت تنام بس للاسف ما فيها نوم والنوم مو راضي يجيها بعد دقايق طلع عساف اول ما شافته جاي رمت جوالها وسوت حالها نايمه
فتح الباب بعد ما طلع كل شي بسياره وركب
عساف: بابتسامه اجل نايمه ي طيف وهو شافها اصلا وقت رمت الجوال اجل انتظري مين يشيلك وينزلك من السياره وتوجه للفندق اول ما وصل نزل الأغراض وطلع جلس بالمرتبه الثانيه انه نزل اول ما حست انه صدق السياره ما فيها أي حركه وهدوء الوضع فتحت عينها يوه هذا سوها صدق وتركني بسياره مو صاحي من جد
عساف: ولا بعد تتحلطمين
انخرعت طيف: وش تسوي هنا مو انت نزلت
عساف: بس حبيت امشي مع مسرحيتك
طيف: تمام باتابع معك
عساف: بانتطار من اول ي طيف بلاش كل ذا
طيف: بشرط انا اختار الفلم
عساف: تمام موافق بس ياليت يكون اكشن
طيف: ولا بعد يتشرط نتابع رعب
عساف: تمام اللي تبينه بس انزلي انخنقت نزلو اتوجهو للفندق لجناحهم اول مادخلت رمت عبايتها وأخذت تشغل الشاشه وتختار لهم فلم وهو راح يجيب مفرحات من المطبخ
طيف: يلا عساف تعال
عساف: جاي وجلس دخلها بحضنه وحط قدامها الاكل ما ينفع نتابع فلم بدون مفرحات صح
طيف: بابتسامه اي صح
وبدأ يتابعون الفلم وهو مره يناظر الفلم مره يتأمل ملامحها وضحكتها همس باذنها ما تبين تروحين شهر عسل
طيف: بعدت عن حضنه وتغيرت ملامحها كانه حست على نفسها شلون تفرح وتسافر وابوها ماله شهر من مات
سكتت شوي وهزت راسها بالرفض قرب منها
عساف: طيف حبيبي عمي مرح يرجع وانتي لازم تكملين حياتك ما توقفينها لازم كلنا نكملها من وقت ما وقفناها
طيف: وخرت المخده من حضنها وقامت بانام تصبح ع خير
عساف: مسك يدها وسحبها تجلس بحضنه ما خلصت كلامي ي طيف عشان تهربين
طيف: اللي بدت عيونها تتجمع فيها الدموع
عساف: تدارك الوضع ومسح دمعتها قبل لا تنزل مو انا اللي انزل دموعك بس ابيك ترجعين طيف ابي حبيبتي اللي حبيتها من اول مره ترجع ابيها توقف ع روجلها من جديد وانا مستعد اسوي كل شيء لها
طيف: قربت من حضنه وحضنته
ابتسم عساف: وباس خدها نتابع الفلم
طيف: هزت راسها ورجعوا يتابعون الفلم بس هالمره اثنينهم يتعاملون بعض ولما تلتقي عيونهم مع بعض تصد طيف عيونها عنه حاب تصرفها وخجلها منه بس مع هذا يناظر فيها عشان تخجل أكثر
طيف: بعد صمت انا باروح انام وتوجهت للحمام تفرش اسنانها تهرب منه لو جلست معه بيزيد نظراته لها
ضحك ع انسحبها من عنده قام اتجه لاسرير جلس ينتظرها لين طلعت شافته جالس على السرير
طيف: ما تبي تنام
عساف: بانام بس ابي افرش اسناني بالأول
وخرت طيف من عنده واجهت للجه الثانيه عشان تنام
عساف: لا تنامين لين اخلص واجي ابيك بموضوع
طيف: تجاهلة كلامه وانسدحت وقرأت اذكار النوم وسورة الملك ما تركت شيء ما قرأته من توترها وبس تدعي انها تنام قبل لا يجي سمعت باب الحمام غمضت عيونها
عساف :قرب من السرير مسرع ما نمتي حتى ما أخذت عشر دقايق انسدح بجنبها وحضنها ادري انك صايحه بس حاب اقول لك بعد ما نروح عند اهلك بنروح بيتنا خلاص بنطلع من هنا
طيف:بيتنا
عساف: بابتسامه اي بيتنا بقسمنا الخاص ببيت ابوي
طيف: سكتت عادي نأجلها
عساف: لمتى بتضلين تهربين من الناس لمتى تبين تكونين منعزله عن العالم
طيف: تمام اللي تبيه بس مو بكره
عساف: تمام مو بكره بس متى بالضبط تبينه
طيف: اي يوم بس مو بكره
عساف: وشو يفرق إذا مو بكره وبعد ايام
طيف: خلاص عساف تنهد عساف لأنها قفلت الموضوع وبعدت عن حضنه وعدلت نفسها
عساف: ناظر فيها عرف انه رح يعاني معها كثير
......................
نرجع لريف: طلعت غرفتها اخذت جوالها شافت خمس اتصالات من رقم غريب تجاهلة ورمت جوالها ونامت
وسهام: اللي فرشت لسعود أسنانه ونامت معه
وسهم: اللي بعد ما اكل اتجه للمجلس يفكر ب وش رح يصير بحياتهم الحين العزاء وخلص والايام جالسه تمشي وخواته على حالهم لا يطلعون ولا يدخلون و٢٤ ساعه بالبيت ومن كثر خوفه خايف عليهم بتغيرهم ١٨٠° من بعد موت ابوهم الهدوء اللي ما قبل العاصفه
العم ايهاب ماخذ هم عيال اخوه اللي اعتزل عن العالم من آخر يوم انتهى فيه العزاء حتى سهم معد صار يروح الشركه
زياد اللي ماخذ هم سهم وعقله مشغول بمها كان ناوي يخطبها بعد زواج طيف بس انقلبت الدنيا واجل كل شي
ومحمد اللي تغيرت حياته من بعد آخر شيء صار مع اخته ليان صار انسان مهزوز وعلى طول بدوامه نادر يتواجد مع أهله
ملهم اللي رجع الرياض عشان دوامه مع أهله وخاله عزيز
وغاده وريم ورنا اللي كل يوم طالعين مع رنا يجهزون المرسم الجديد
فراس إللي ٢٤ ساعه ماخذ تفكيره سهام وحالتها لما شاف انهيارها بالمستشفى ولا يعرف كيفها بعد ما خلص العزاء ومر عليها شهر
فارس اللي فاتح اهله بزواجه بس........؟؟
