. الكل مشتغل بتجهزات والكل كان متواجد بجده بما فيها الجد والجده ورنا وريم وامهم
بيت ابو سهم
طيف:
ريف بطلع مشوار وارجع اذا احد سال عني قولي لهم مشوار وتجي
ريف: على وين ي طيف وين ذا المشوار
طيف: ما روح أطول
ريف: تمام باجي معك
طيف: لا خليك هنا يلا سلام وأخذت عبايتها وشنطتها مفتاح سيارتها وطلعت متجهه لوجهتها
نرجع لسهم
سهم: عساف اخلص وانا اخوك ابطينا عن العيال
عساف: دقايق بس
سهم: وش قاعد تسوي انت
عساف: احاول اتواصل مع طيف ما ترد
سهم :هههههههههههههههه لهدرجه مشتاق لها
عساف: ي تبن لها اسبوع ما ترد عليه
سهم: ثواني بس اخذ جواله ودق عليها بس ما ردت عليه يمكن مشغوله بشىء قوم الحين بس خلينا نلحق عليهم وبعدين نشوف وضعها معك قامو اثنينهم وحرك متجهين لاسطبل
ريف والبنات طلعو المول ياخذون اخر الأغراض اللي ناقصتهم
نرجع لطيف الا وقفت قدام بيت ابوها اخذت نفس ونزلت من السياره متوجهه للباب تدقه فتحت لها الخادمه:
طيف: ابوي موجود
الخادمه:اي تفضلي
طيف: دخلت مستغربه من الهدوء اللي بالبيت والالعاب اللي بكل مكان والطفل اللي يلعب بالألعاب قربت منه ابتسمت له اول ما ناظر فيها
طيف: سلام انا طيف وانت
الطفل:بنبره طفوليه انا ثعود(سعود)
طيف: عادي العب معك
نط سعود من الفرح وسحبها من يدها وجلسها بجنبه وجلس يعلمها كيف تلعب معه بهذي الاثناء كان ابوها شايف كل شي صار قدامه نزل متوجه لها وش جابك ناظرته طيف: وقفت تناظر بسعود وبعدها ناظرت بابوها لا تنفعل وتعصب قدامه وتخليه يخاف منك وناظرت بالخدامه اللي فهمتها عشان تأخذه وتبعده لاي مكان بعيد حتى ما يسمع صوت صراخ ابوه
ابو سهم: وش جابك
طيف: جيت اقول لك زواجي نهاية الشهر اتمنى انك تجي
ابو سهم: بضحك بكل ثقه جايه وتطلبين مني اجي زواجك اللي انجبرت عليه أوافق وانا ما كنت ابيك تاخذينه
طيف: انا جيت اعطيك خبر ماني جايه افتح دفاتر قديمه
ابو سهم: نجوم الظهر أقرب لك من حضوري وما يشرفني بنت مثلك نزلت راسي قدام الناس
طيف: عمري ما طلبت منك شي ونفذته لي عمرك ما حسستني انه انا بنتك دايم تعاملني باني اشتغل عندك وش لسه تبيني اسويه عشان يرضيك
ابو سهم: بكل ثقه تتركين عساف
انصدمت من كلامه كيف ابعد عنه وانفصل عنه
ابو سهم: هذا اللي عندي
طيف: مرح اتركه مثل ما تركتنا
دخلت زوجته بذي الاثناء عندنا ضيف منو هالضيف الثقيل الدم اللي جاي الحين
طيف:ناظرت فيها واشرت عليها هذي اللي فضلتها ع امي هذي اللي بعت امي عشانها هذي اللي فرطة بكل شي عشانها
ام سعود: ببيتي وجالسه تقلل من احترامي
طيف: كلامي مو موجه لك فياليت تكرميني بسكوتك
ابو سهم: لا بعد لسانك طويل وجالسه تقلين أدبك ع زوجتي اللي بمقام امك
طيف :تخسي تصير امي تخسي ما توصل لمواصيل امي ولا حتى ربعها واعتبرني ما جيتك عشان تحضر زواجي
ام سعود: الله يعين اللي بياخذك
طيف:قربت منها وحطت يدها ع كتفها انتي اللي اخر وحده تتكلم سامعه ودفتها وجات بتطلع اللي مسكها ابوها ولفها عليها وش اللي سويتيه قبل شوي
طيف: ولا شي
ما حست الا بالكف اللي جاها منه يدك ما تنمد عليها سامعه
طيف: حاولت تكتم دمعتها ولا تنزل قدامه وأخذت نفس صدق طنجره ولقت غطاها اعتبره هذا اخر مكان ممكن تشوفني فيه وياليت ما جيتك وجات بتطلع الا بصوته قولي لريف نجوم الظهر أقرب لها من انها تاخذ ليث
لفت عليه بكل عصبيه مالك الحق تتحكم فيها مالك الحق تمنعها من اللي تبيه سكت عليك معاملتك لي بمزاجي بس مرح اسكت لو قربت على خواتي مالك الحق مثل ما تركتنا مالك الحق الحين ابد
ابو سهم: مين بيوقف بوجهي انتي
طيف:اي انا وتذكر وش اقدر اسويه معك وانسى انه انت ابوي وهذا اللقب اللي رح انساهه
ابو سهم :هههههههههههههههه ضحكتيني صراحه ببيتي وتهديني
طيف: واحرق بعد بلي فيه
ابو سهم: اطلعي من بيتي برا
طيف: اصلا ما يشرفني اجلس فيه ثانيه بعد وطلعت واول ما طلعت نزلت دمعتها وأخذت جوالها تفتحه الا باتصال سهم
قفلته ومشت متجهه لنادي اول ما وصلت نزلت ودخلت وبدلت ملابسها واتجهت للخوصاء ما حست الا بسهم اللي نادها طيف لفت لعند الصوت وكان هوه وعساف بنادي لسه ما طلعو رجعت تكمل طريقها عند الخوصاء لحقها سهم وعساف اللي استغرب من تطنيشها لهم قربت من الخوصاء اسفه سمحيني لي فتره ما جيتك ولا اعرف اخبارك تقدرين تخففي عني حزني ضيقتي بعيده عن هالعالم
سهم :طيف شفيك ما تسمعيني اناديك
طيف: سهم ممكن تطلع ابي ادرب الخوصاء
سهم استغرب اسلوبها وصوتها قرب منها شاف دموعها اللي ع وجهها وعساف اللي ماكان اخف منه عساف: شفيك طيف
طيف: ممكن تتركوني لحالي
سهم: بنتركك وعد بس وش فيك
طيف:ولا شي بس توتر العرس
سهم: واضح شايفه عمري كم ي طيف عشان تكذبين عليه وليه وجهك أحمر
طيف: ما فيني شيء بس تعبانه
عساف: والتعبان يجي النادي
طيف اي انا نزلت دموعها حضنها سهم لصدره شفيك طيف تكلمي يرحم لي امك تكلمي لا تعذبيني بدموعك
طيف: ابوي ي سهم ابوي
سهم: شفيه قايل لك شيء مسوي شي لك
عساف:عمي متى شافك من الأساس
طيف: انا طلعت رحت لعنده بالبيت جيت اكلمه عشان يجي زواجنا بس استكثر عليه جيته وشفتهم شفت زوجته وابنه كيف يعاملهم شفت كل شي كسرني قدامهم عطاني كف بسببها لأنها اهانتني وانا ما قدرت اسكت حتى حياة ريف بيتحكم فيها وجالس يهددني بريف بيكسرها مثل ما كسرني مثل ما منعني عن كل شيء ابيه لدرجه خيرني فيك وتاشر ع عساف باني اتركك عشان يرضى بذا الزواج انصدم عساف وسهم قرب منها عساف وسحبها من حضن سهم وانتي وش قلتي
طيف:سكتت واخذت نفس مو شايف هذي حال وحده وافقت ع اللي يبيه
عساف :غمض عيونه باحرقه والله باحرقه وقام وطلع سهم:عطيني عنوانه
طيف:سهم تكفى
سهم:قلت عطيني عنوانه اخذت جوالها وارسلته له تركها وقبل لا يطلع راجع لك بس اخلص موضوعي معه وطلع وتركها تاخذ راحتها مع الخوصاء
لحق عساف اللي ركب سيارته وحرك متجه لبيت ابو سهم ولحقه سهم بسيارته
عساف اول ما وصل نزل من السياره ودق الباب بكل قهره وعصبيته منه انصدم سهم انه عارف مكان بيت ابوه دخل وراه وهوه الشر يطلع من عيونه اول ما انفتح الباب دخل عساف باعلا صوته
ابو سهم: طلع من مكتبه خير وش شايفين بيتي فندق لكم كل شوي جاي احد
عساف: وش تبيني اناديك تركي ابو سهم ولا ابو سعود ولا عمي ايت بس حدد
ضحك ابو سهم: ياليت يكون ابو سعود
سهم: يكون احسن ما يشرفني اكون ابنك ولا يربطني فيك اي اسم
عساف: مين عطاك الحق تنزل دمعتها وتمد يدك عليها
ابو سهم: ابوها واعيد تربيتها
عساف: ما اسمعك مين تربي تربي طيف طيف اللي تناست كل شي وجايه تطلب منك تجي
ابو سهم: وانا ما يشرفني اناسبكم
سهم: واحنا ما جينا ناخذ رايك جينا عشان نوقفك عند حدك خواتي ما تربيهم وتربيت امي ينشهد لها والحين اقول لك ما يشرفني حضورك
عساف:اخر مره اشوفك تمد يدك عليها واذا فكرت تنزل دمعتها وربي احرق دنياك بثانيه
ابو سهم:عساف اشوفكم بس تهددوني
عساف: تبيني ابدا بكل شي سويته الشركات اللي اخذتها من أصحابها بالزور ولا ابدا بأنه ضحكت على زوجتك وأخذت ما قدامها وراها عشان طمعك ولا وناظر بسهم اللي ناوي تضحك عليه بمرضك المزور عشان يصدقك على بالك ما اعرف كل شي يدور عندك انصدم سهم من الكلام اللي جاه وصلت مواصليه انه يكذب بصحته قرب منه سهم انت من اي بشر انت من اي نوع انت اي اب طلع سعود يركض بابا رجعت صديقتي طيف انصدم من شاف ولدين باين عليهم الغضب أشر سهم ع الولد هذا ولدك افرض رايك عليه وتحكم فيه اصحك تقرب من خواتي اصحك من بعد اللي سمعته قاعد أحذرك
عساف:أشكر الشيب اللي براسك ولا كان عرفت كيف اخذ كل دمعه نزلت منها بسببك واشكر اللي وراك قد شعر راسك انه خلاني أتراجع عن اللي باسويه فيك وطلع وتركه ولحقه سهم بعد ما تركهم
قرب من سيارته يضرب باب سياره من قهره قرب منه سهم هدي ي عساف وروح ريح
عساف:لسه بالنادي
سهم: اتوقع
عساف: تمام باروح اشوفها
سهم: اك بس لا تتاخر بجيتك وانا باروح اشوف العيال
هز راسه عساف وهيه ومتوجه لنادي بعد فتره وصل النادي شاف سيارتها لسه موجوده اول ما دخل شافها جالسه تدرب الخوصاء
عساف:بابتسامه طيوفي
ابتسمت طيف من نادها بطيوفي لانه نادر ما يناديها بطيوفي او بالاصح لما تكون متضايقه اتجه عندها ونزلها من ع الخوصاء ما يكفي تدريب للحين
طيف: لا لسه
عساف: لا يكفي يلا روحي بدلي وتعالي وانا اشوف الخوصاء دخلها لجوه وابعد السرج عنها
وطلع منتظر طيف اللي بعد دقايق جاته ومبدله ملابسها اول ما شافها فتح لها يده بمعنى حضني يبيك ابتسمت طيف وقربت من حضنه حضنها بكل مافيه قرب من اذنها اصحك اشوفك تحضنين غيري
ضحكت طيف بس انا حضنت سهم بس
عساف: واذا حضني دايم لك وقربك لي مو لاي احد
طيف: بمعنى كلامك غيران
عساف: اي لانه انتي كلك لي وملكي والحين خلصتي
طيف: ع وين توديني
عساف: امش وانتي ساكته لو سمحتي
طيف بعد لو سمحتي مسك يدها عساف واتجهه لباب الخروج
طيف :بسيارتي او سيارتك
عساف: ناظر فيها لا ي شيخه بعد تخيريني بسيارتي اكيد
لفت عليه طيف :عساف
عساف: هاه
طيف: استغربت من عصبيته اللي داهمته فجأه شفيك
عساف: ولا شي
طيف: اعرفك أكثر من نفسي قول لي شفيك
عساف: ناظر فيها كنتي بتتركيني
طيف: اشلون اترك روحي اللي متعلق فيك
عساف: بس ليه قاعد احس انه باي لحضه رح تتركيني
طيف: الشي الوحيد اللي رح يخليني اتركك هوه موتى ام شى ثاني مستحيل
عساف: بسم الله عليك لا تقولين كذا
طيف: ارتاح عساف شيل الفكره من راسك
عساف: ابتسم مو بيدي انتي اللي تجبريني افكر
طيف: يلا عاد انا جوعانه ابي اكل
عساف: ضحك يخسي الجوع وانا موجود
طيف: لا اجل بتخليني اكل كل شيء لا تنسى وراي فستان ما ابي ابتلش
عساف :ضحك مرح تمتنين بيومين
طيف: تمام يلا اجل عساف فتح لها الباب وركبت وقفل الباب واتجه السواق ورقب وحرك لاقرب مطعم
