نروح لريف الا جالسه ع طرف العتبة الباب حق المطبخ وتفكر بالي صار معها ومع ليان وسبب كرهها لها ما حست الا باليد الا انحطت ع كتفها ناظرت تشوف مين
طيف: ليه مو نايمه
ريف: ابد مو جايني نوم
طيف: ليه عسى ما شر يدك توجعك تبيني مستشفى
ريف: لا بس جالسه افكر ب ليان
طيف: من جدك انتي تفكرين فيها
ريف: تدرين انها تكرهني ولا اعرف السبب
طيف :ي بنت هذي مريضه يبي لها دكتور نفسي
دخل عليهم عزيز وشافهم جالسين ويسولفون اشوف الحلوات جالسين يسلفون ليه اشوف وجيهكم شايله همو الدنيا
طيف :بابتسامه لا ي خال مافيه شي
عزيز: لا تقلون خال تكبروني
ريف: ابشر عزيز شرايك بكره تطلعنا
عزيز :من عيوني بس الحين ممكن اعرف شفيكم
طيف :ابد ي عزيز نفكر ب ليان : لا تواخذونها بزره
ريف :ما عليه يالله ننام قبل ما يجي الفجر
وراحو الكل ينام إلا عزيز الا بدل ملابسه وطلع لدوامه عشان بيأخذ اذن اسبوع
...........
مر الوقت صحي الجد عشان يصلي الفجر صحي عياله واحفاده لصلاه وطلعو كلهم لصلاه الفجر وهوه يشوفهم حوله مستانس بلمتهم حوله ورجع الكل للبيت بدا يتجمعون الكل عشان يفطور
قامو البنات يجهزو الفطور ويطلعون للجد قبل يروح المزرعه وفطرو والكل راح لشغله
بنفس البيت بالجهه الاخر جات الجده تشوف البنات شافتهم كلهم بالغرفه كل وحده بفراشها عشان بيرجعون يريحون بصدفه شافت يد ريف فزت لها يمه ريف بسم الله عليك شفيها يدك
ريف: ي جده مافيه شي لا تخافين انحرقت من الكرك
سهام: لا ي جده فيه احد كب عليها الكرك متقصد
ريف: لا ي جده ما عليك من سهام مافيه شي انا بالغلط انكب ع يدي
الجده: طيب يمه شوفي امك وقولي لها لا تنفجع عليك
ريف: ابشري
الجده: طيف يمه وينك
طيف: لبيه امريني
الجده: تعالي ابيك بموضوع ابشري جايتك الجده ناظرت بريم وانتي بعد تعالي
رنا :واحنا ي جده ما تبينا
الجده: لا خليكي انتي جايك الدور وطلعت من عندهم متجهه ل غرفتها دخلو طيف وريم الغرفه سمي ي جده
الجده: اجلسو ابي اعرف وش صار امس بغيابي
طيف: ي جده ما صار شيء بسيط بالغلط قاطعتها الجده وهيه تضرب بعصاها بالارض قلت تكلمو من دون كذب ريم: بهدو يمه الا صار انه ليان قالت تبي تسوي كرك ولما سوت لنا واعطتنا هيه هنا تقول بالغلط انها كبته عليها او بالأصح هيه ماكبته وهيه مو متقصده بالعكس كانت متعمده
الجده: بعصبيه طيف وتقولين ما صار شيء
طيف: ي جده ريف لو تبي تشتكي وتقول كانت قالت لكي جوه بس ما تبي تتكلم ولا تبي تقول شيء عشان كذا سكتت وليان ي جده لسه بزر
الجده اطلعو برا
طلعو البنات وهم خايفين الجده تقول لعمتهم ويكبر الموضوع
...
(بمكان اخر عند ليث)
دق الباب ودخل يوسف
ليث :وش عندك جاي
يوسف :جيت اقول لك انه تركي مسافر الرياض ولفتره ما يقدر يجي فيك ترتاح من هالناحيه وتشتغل ببرود ع المناقصه
ليث: تمام يعطيك العافيه مافيه اي مستجدات بالمناقصه
يوسف: لا طال عمرك مافيه
ليث :خلاص روح شوف شغلك
جلس ع مكتبه وهوه يفكر كيف يكسر تركي ويخليه يتراجع عن هالمناقصه
.....
عند سهم
دق جواله شاف عساف رد ع جواله
عساف: السلام عليكم كيفك
سهم: بابتسامه وعليكم السلام بخير وانت
عساف: بخير
سهم: وينك مختفي
عساف: ي كذوب مالي ٢٤ساعه من شفتك الحين مختفي
سهم: ارفع علومك مغيرك كذوب
عساف: ما دقيت عشان نتهاوش دقيت ابي اقابلك وينك فيه
سهم: أمرني فيه شيء انا ببيت جدي بالرياض صاير شي
عساف: فيه موضوع مهم باقوله لك يخص شركتنا
سهم :هربت من الشغل ليه تجيب طاريه
عساف: ي شيخ ترا انت شريك معي بالشركه اشلون احل كل شي لحالي وانت ما تبي تكون موجود قوم اجهز ساعتين وانا عندك
سهم :ليه انت هنا
عساف :اي اخلص علي
قفل من عنده ورجع البيت ياخذ دش ويبدل ملابسه وطلع شاف امه جالسه هيه وخالاته وعمته وجدته راح جلس عندهم ويحب راسم امه وجدته وياخذ أخبارهم واخذه الوقت لين دق جواله عساف وقال له انا برا قام بيطلع وسالته
امه: ع وين يمه
سهم: يمه عندي شغله مع عساف عشان الشركه
ام سهم : الله يحفظه وانتبه لنفسك وقول لعساف المره الجايه مرح يوقف عند الباب بيدخل ونظيفه ابتسم واشر لها ع خشمه وطلع
............ (ومر الوقت بدون أحداث مهمه)
جاء المغرب.....
وريحت البخور تعم المكان وصوت والسوالف اللي انقطع عن البيت لفتره رجع ورجعة الحياه فيه.؛
ام إياد(حنان) :ي الله من زمان عن هالجمعه
ام سهم (امل) :اي والله ي انه واحشتني هالجمعه
دخل الجد حنان ي حنان
ام إياد: سم يبه جايه علامك
الجد: وين عزيز ناديه ويونسني شويه محد حولي
ام إياد :نايم يبه قبل شوي راجع من دوامه ونايم
الجد: طيب شوفي لي البنات يجون يسلفون معي العيال ما منهم فايده
ام إياد: ابشر يبه بس رح يزعجونك ويوجعون راسك
الجد: مامن وجع من حفيدات دام وجع الراس منهم تعتبره دواي
ام إياد: ابشر الحين اخليهم يجونك ويحبون القهوه والحلا معهم
هز راسه الجد بالموافقه وراحت للبنات
ام إياد: طيف يمه وينكم فيه جدكم يبيكم روحي ناد البنات واخذ معكم القهوه والشاي والحلا وروح ونسو جدكم
طيف :ابشري ي خاله الحين اخليهم ينسى الطفش بجودنا
ام إياد: لا تزعجونه كثير
طيف ابشري طلعت للبنات وقالت لهم واخذ القهوه وراحو المجلس عند جدهم اول ما شافهم قام يرحب فيهم ويهلي ي مرحبا ببناتي توه ما نور المكان والله
طيف: الا يجد وش مطفشك علامك
سهام: يخسى الطفش بوجودي
ضحك الجد : الله لا يحرمني من وجود حفيداتي
الكل رد عليه امين ي جد
ريف: ي جد والله بخاطري نطلع البر ونخيم شرايك
الجد :ابشر من عيوني بس خلي هاللوح عزيز يقوم وابشروا بسعدكم
بيان :الا يجد صدق الا سمعناه فيه احد متقدم لغاده
غاده: باحراج ي تبن انتي وهيه اسكتوا
ضحك الجد ع حياها اي وانا ابوكم الرجال زين ونعرفه بعد ومن العيله بعد بس مرح اقول باسمه الا لما هوه يكون مستعد
رنا :طيب ي جد شرايك تزوج خالي عزيز
الجد: إذا تبين تموتين خلي عزيز يسمعك
ضحكو الكل ع دخول عزيز وشبه انه لسه نايم مو معهم علامكم هنا وشنو الأصوات الا طالعه والضحك واصل لباب البيت
الجد: بدري ي عزيز معد نشوفك والله
عزيز:يا ابوي مضغوط بذا الشغل بس ابشرك اعطوني اسبوع اريح فيها بما انه انحلت القضيه بعد ما شيب راسي بس الحمدالله بعد شهور انحلت
الجد: الحمدالله اجل الا عزيز بناتي بيطلعون البر شرايك نكشت بكره
عزيز: فكره حلوه يبه اجل باقوم عشان اعطي العيال خبر ونتجهز للطلعه بكره وطيف وريف انا انتظركم برا ترا ما نسيتكم
طيف: من جد ع بالي نسيتنا
عزيز: لا انتو تطلبون وانا اسحب عليكم مستحيل
ريف: اجل تم الحين نلحقك
عزيز: ناظر بالبنات وعلامات الاستغراب بوجيهمم الي تبي تروح معنا تقوم تجهز خمس دقايق ما جيتو رحت وتركتكم
سهام: يس ثانيه وانا عندك
ضحك عليها عزيز وقال لها انتي لو انتظرك الدهر كله ما عندي مشكله
ضحك الجد لانه عزيز متعلق بسهام لانه هوه الا مسميهم يعتبرها بنته مو بنت اخته
الجد: الله لا يغير علينا هاللمه
عزيز: امين اشوفكم لسه هنا قومو
رنا: بس قول لنا وين بنروح
عزيز:بنروح ناخذ فره بالمزرعه وبناخذ قهوه ونرجع يله استعجلوا قبل ما اغير رأي
وطلع عزيز لعند خواته أعطاهم خبر بس شاف احمد معصب لانه امه قالت له عن تصرف ليان هوه ما يرضى لانه ليان زودتها ضرب ع كتفه علامك وانا عمك
احمد: ناضر فيه بثواني ابد ي عم بس ليان ما ادري كيف اتصرف معها امي بعد ما درت عن السالفه كانت بتعاقبها بس انا قلت لها انا اكلمها وافهم منها ليه هالتصرفات
عزيز: ما عليه انا اشوفها واجلس معها انت لا تهتم يله روح شوف العيال وقول لهم بكره بنطلع نكشت بالبر وبعد قول لهم الا بيطلع معي انا والبنات يالله
احمد: ابشر ي عم
طلع سهم شاف طيف ريف وسهام يتهاوشون عند سيارة عزيز
سهم: هب هب ع وين انتي وهيه
طيف :سهم يرحم امك شوفهم انا ما ابي اجلس ورا تعرف انا ما احب اختلط بأحد
سهام :ي شيخه وانا ما ابي اجلس وار عشان ما اذبح ليان
ريف: اقول اركبوا بس انا الا طلبت عزيز
سهم: شرايكم انا الا اكنسل كل هالطلعه
البنات :تكفى سهم لا
طيف :كنسل وشوف انادي لك تركي يخليك انت الا تودينا بعد
عزيز: طلع عزيز وهم يتهاوشون ونسو مين بتركب قدام عزيز :صوتك انتي وياها علامكم
سهم: بضحك ابد طال عمرك طلعت شفتهم هواش من تركب قدام قلت لهم لو ما سكتو باخرب ام الطلعه عزيز:اي وريني اتحداك تكنسلها اشوف مين يمنعك
سهم :ي عزيز ترا انت فاهم الموضوع غلط انا لو أوقف بوجهك ابوي بيجلدني
عزيز: يضحك اخلص بس خذ معك نص البنات والحقني
سهم: عزيز ما اتفقني كذا
عزيز: لا تخليني اجلدك انا مو تركي
أشر سهم ع خشمه
عزيز: عليه الشحم وطلعو الكل للمزرعه جلسو حوالين النار اخذتهم السوالف وقام ملهم جاب العود عشان يغنون طلبت طيف من سهم يغني لهم بالأول رفض بعد ما زنت عليه وافق وبدأ ملهم يعزف له وهوه يغني
بان الفراق وحان توديع الاحباب
والدمعه اللي بين الاهداب حارت
