دخلت طيف ومعها الملفات تقدمت لجهة ابوها ومدت له الاوراق ينتظرون جيت ليث وابوه عشان تبدأ المناقصه دخل ليث وهوه مو شايف احد لانه ع باله بيكسب المناقصه طيف طلعت وراحت لمكتبها تنتظرهم يخلص هالاجتماع ع خير مع انه قلبها مو مرتاح لأنها سمعت ابوها وقت ما جاه الاتصال وكان باين عليه التوتر والخوف خلصت المناقصه بكسبها تركي وطلع ليث وهوه يهدد انه رح يندمهم كلهم وهوه حاط براسه الا يخليهم يبكون دم ورا هالمناقصه الكل بعد فرحتهم بالمناقصه راح لمكتبه يكمل شغله سهم شاف طيف طالعه من مكتبها لانه تحس المكتب خنق نفسها طلعت وركبت سيارتها بترجع
سهم: البيت فتح الباب شفيك تعبانه
طيف:برجع البيت
سهم ي بنت من واحنا بجده لين الحين ووجهك ما يتفسر وكله تعبانه وش فيك
طيف: ما فيني شي بس يمكن تعب السفر وتعب المناقصه الا جلست اشتغل عليها ليل و نهار عشان ابوي
سهم :ما عليه هذا تعبك ما راح ع الفاضي شرايك توصلني معك البيت
طيف:ناظرت فيه انت ما وراك شغل يعني
سهم: جاء بيرد الا ويشوف عساف ياشر له يجي ناظرت طيف: الشغل ما ينتظر روح انا بطلع
سهم:راح لعند عساف
عساف: ع وين هاج نسيت انه كم مشروع يبي له تعديل ي مهندس
سهم تافف وراح مع عساف و دخلو المكتب وطلعو الملفات وصارو يشتغلون مع بعض لين خلصو ع العصر عساف شرايك نتغدا حدي جوعان من الصبح وانا اشتغل سهم هز راسه بالموافقه وراحو كلهم يتغدون
ببيت تركي كان يكلم إيهاب عشان يطلعون شاليه مناسبت المناقصه الجديده
إيهاب فكره حلوه بس بنجلس يومين فيها مرح نطول ورانا شغل ي تركي
تركي اجل تم بنجهز الحين وبعد المغرب نطلع شرايك
إيهاب تمام يله استودعتك الله
قفل تركي من عند إيهاب بييدق ع سهم
رد سهم هلا يبه سم
تركي وينك فيه
سهم بالشركه معي شغل اخلص وبعد شوي بطلع اتغدا مع عساف تامرني بشي
تر كي لا بس بنطلع شاليه يومين بمناسبت المناقصه
سهم تم ابشر
تركي اعزم عساف وأهله يجون بعد
سهم ابشر الحين أقول له
قفل سهم يناظر بعساف ابوي وعمي طالعين شاليه وعازمينك انت والأهل بدون اعتراض
عساف تمام اشوفهم
............
تعريف بسيط عن عائله عساف
ابو عساف( بدر) تاجر كبير له اسمه ومكانه بالسوق عمره ٥٧
ام عساف( امنه) تحب عيالها كثير بيتوتيه ما تحب الطلعات عمرها ٥٠
عساف يحب شغله مهندس يحب صديقه سهم من الطفوله وهم سوا عمره ٢٨
معا تدرس طب السنه الرابعه عمرها ٢٤
عساف دق ع ابوه يعطيه خبر وافق ابوه
اليوم الثاني في الشاليه
قسم الحريم
سهام :بنات باقول لكم شي
طيف:لبيه
سهام انا عزمت ورد
ريف ي شيخه ليه ما قلتي لي عشان اعزم صديقتي
طيف مو مشكله سهام متى بتجي
سهام مرح تجي لحالها بتجي هيه وامها واختها واختها ع عمرك طيف
طيف حياهم الله خلونا نعطي امي خبر راحت طيف عند امها الام رحبت فيهم مع انها عصبت من سهام ما عطيتهم خبر لانه مو مجهزه شيء ولانهم اول مره يجونها ولا بعد بالشاليه راحت طيف عند سهم عشان يروحون يجبون حلا للقهوه
طيف سهم تكفى نبي نروح ل### (مقدر اكتب اسمه عشان ما يصير ترويج له)
سهم تدرين انه بعيد عنا
طيف تكفى صديقة سهام جايه وامي متقروشه
سهم طيب ليه تخلصي عشان يمدينا نروح ونجي قبل يجون طيف دقايق بس البس واجيك سهم انتظرك بسياره راحت لبست ونزلت ركض لعنده وراحو مشوار عشان بس ما تقلب عليهم امهم وبيضون وجهه وما يحطونها بموقف محرج
وصل الكل ع الشاليه عند الرجال الا جالس يسبح ولي يشتغل وسهم وعساف عندهم مشروع يشتغلون عليه
زياد ورع انت وياه لمتى هربنا من الشغل جبته انت وياه هنا تعالو خلونا نلعب سوني
عساف انا مو مثلك مهمل انا حريص اخلص كل شيء بوقته
زياد ارحمني عاد كله شغل انت روبوت حياتك كلها شغل وعديت الا بجنبك
ضحك سهم اقول عطني مقفاك ي انه تشتغل معي ي تعطيني مقفاك ضحك زياد وجلس ما عنده اي مجال انه يروح
عند الاباء
ابو عساف مشكور ي ابو سهم ع هالطلعه وجات بوقتها مع ذا الجوا ومبروك ع المناقصه قال لي عساف
ابو سهم الله يبارك فيك والله هيه جات بعد المناقصه عشان نغير النفسيه بعد الضغط
ابو زياد والله جات بوقتها صدق يبي لنا نشوي ولا شرايكم
ابو عساف خلوها للعيال هم يشون
ابو سهم ما تشوفهم بين هالملافات محتاسين
ابو زياد فيه إيهب واياد وفراس واحمد و محمد يشون
ضحك ابو سهم اجل ودع الشوي معهم اقول احنا نشوي ولا ي إيهاب شرايك
إيهاب تم ما نقول لا
ابو سهم دق ع زوجته قال البنات يجبون لها أغراض الشوي ووافقت
راحت سهام عشان تعطي ابوها الأغراض بس ما شافت احد وهيه واقفه منتظره ابوها يجي بالغلط جاء فراس وشافها واقفه عند الباب وقف مكانه يتاملها من فوق لتحت هيه من الصدمه طيحت الاغراض بالأرض وركضت لداخل وهوه استوعب ع نفسه وقال مجنونه مافيه عقل واخذ الأغراض وطلع فيها وهيه من الخرشه راحت جلست بجنب امها ام سهم شفيك تعبانه
سهام :لا
ام سهم: اجل شفيك
سهام :مافيني شيء يمه ورجعت تسولف مع ام عساف ام ياد وام محمد وام ورد
ام ورد :والله ي جمعتكم ترد الروح
ام عساف: اي والله كويس واحنا جينا
ام سهم :حياكم الله كويس تغيرون جوا
ام محمد: الا الحين لمتى بنجلس هنا
ام عساف: عن نفسي برجع الفجر
ام ورد :وانا بعد مقدر ابطي ع البيت زوجي ما جاء معي
ام محمد وام اياد الجاليات أكثر ان شاء الله
عن البنات
طيف: بنات شرايكم نسبح
بيان: اي والله يبي لها مسبح
ريف :انا ودي
سهام ما ابي اسبح انا
ريف: علامك انتي من جيتي من بلا متغيره
سهام :مافيني شي
ورد: سهام تعالي نمشي شوي
سهام: تمام
بيان: ليان وانتي بتسبحين
ليان :اي اكيد
....
تعريف بسيط لعائلة ورد
ابو ورد حمد اضابظ عمره ٥٨
ام ورد خديجه عمرها ٥٦
عمر اخواها الكبير رقيب عمره ٣٠
نوره تدرس اول سنه جامعه تخصص تمريض عمرها 24
ورد صديقة سهام عمرها ١٧
....
خلصو شوي وتعشو و خلو الشياب جوه عشان العيال ياخذون راحتهم وقف زياد عند سهم وصار يقول له تكفى ي سهم روح لطيف تسوي لنا الشاهي الشاهي حقها صد محد يفوته خاصتنا بذا الجوا
سهم: ضحك وكم لي
زياد :الا تبي بس اخلص علينا
عساف :شمعني بالاسم هيه ليه مو غيرها
زياد: لو ذقت الشاهي حقها بتعرف
عساف: حسستني محد يضبط الشاهي غيره ترا كله مويا وشاهي والسكر وين الاختراع
زياد :ي روح امك اسكت ولا سكتوه راح سهم لجوه يبي طيف وهوه من الأساس ما يدري منو فيه من الحريم جوه وقف عند المطبخ وجاء بيطلع جواله شاف أنثى قدامه تاخذ العقل هيه نفسها نفسها الا اخذت عقله وقلبه ولي مو قادره يعترف لها ولا حتى يوصل لها بحبه تنح فيها وهيه كانت تشرب مويا ولما حست انه فيه عيون تناظر لها لفت عشان تشوف مين انصدمت من شافته تجمعت الدموع بعيونها
ورد: تكفى صد عني
سهم: صحصح من كلمته وشاف عيونها حمر بسبب تجمع الدموع فيها ع طول صد عنها اسفه والله اسفه ممكن تنادين طيف مشت وتركته واقف بين أفكاره الا توديه وتجيبه راحت
لطيف تقول لها اخوك يبيك وهيه ميته احراج وخوف مو طبيعي
طيف سم سهم
سهم مين هنا معكم ناظرت فيه طيف باستغراب وش عندك تسأل
سهم:حرام اسال
طيف: لا بس اخلص شفيك
سهم لا بس زياد يبي شاي من تحت يدينك ناظرت فيه طيف : تم بس بشرط
سهم :سمي ابشري
طيف:من دون ما تعرف سمي نبي نجلس معكم ونبيك تغني لي
سهم:ضحك ابشري بس بالأول سوي الشاهي وانا باروح اقول لهم ونظبط الجلسه تمام راح وهيه راحت للبنات وقالت لهم الكل استانس ما عدا ورد الا خافت انها ترجع تجي عينها بعينه من جديد رفضت واسرت عليها سهام تجي ووافقت وطيف راحت تسوي لهم الشاهي وطلعو لجهت العيال وتجمعنو مع بعض بس العيال بجهه والبنات بجهه وطيف مدت الشاهي لسهم عشان ياخذه ويعطيهم زياد :تسلم يدك ي بنت العم
طيف: الله يسلمك ما سويت شيء بالعافيه عليك وبعدين اذا تبي شي اطلبه انت ما يحتاج تدخل واسطه
سهم: تنحنح خير ي طير فليتي امها
عساف: كان طول الجلسه مستغرب كيف يجلسون مع بعض وحتى لو هم متغطين كيف سكت ولا تكلم لانه ماله دخل ومن تجمعوا البنات وكان سهم يدور بعيونه ع ورد الا حتى اسمها ما يعرفه بس يعرف عيونها ولما لمحها وجات عيونه بعيونها ابتسم واخذ العود وصار يغني
حبيبي ويبقى بقلبي وحيدي
ولوقلت ماقلت ما احب ثاني
انا في عيونه قريب وبعيدي
وانا في غيابه اعد الثواني
احبه ولو قيدوني بحديدي
احبه ولو عشت عمري اعاني
ملكني وملكته وهذا الاكيدي
بعد ماخذيته وشخصه خذاني
ترا الحب وقفه وابد ما احيدي
وانا دايمن واقفن في مكاني
اعيش المحبه على ما اريدي
ولا همني بالظهر من رماني
ترا العمر ينقص وحبه يزيدي
ترعرع حبيبي بوسط المحاني
جماله وحسنه وطبعه فريدي
عليه الله اكبر ويعجز لساني
بعد ما خلص بدا الكل يصفق له وهوه يناظر فيها والابتسامعه ما فارقت وجهه يحس نفسه في قمت السعاده يحس طاير وأخير شافها وعرف اسمها من نادتها سهام وعرف انه عشانها ضرب مشوار نزل العود تنحنح عساف ناظر فيه قال له أثقل اكلت البنت بعيونك ضحك وقال واخيرا شفتها وبرد شوقي لها وبرد خاطري جاء بيقوم طلبه زياد يقول له عطنا بيتين
الحب واحد و المخاليق مليون
وانت لذي فـ داخل القلب بيتك.
لولا الملام وخايف من الناس يدرون.
لكتب على جدران بيتك فديتك.
فراس :عشتت ي ابن العم
اياد: يعني فيه وحده ماخذه قلبك
ضحك سهم
لاتنسون النجمه 🌟.
