فُن الأغراس

٦ ماضي

للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 💞💪
بسم الله نبدا
__________________

اني كاعده بين ابوي وزوجة ابوي
وكدامي جعفر الي تعرفت عليه قبل نص ساعه
ويمينه الي ابداً ماتوقعت ولا واحد من ميه
انو تطلع اختي الغير شقيقه

جان الوضع طبيعي

ابوي يسولف ويطكه ضحكات وفرحان وكل شوي
يحضن طرف ايدي ويتبسم لجعفر وبيان
، كل اشوي يتغزل بزوجته (حور) ويلزم ايدها
واني كاعده بنصهم ومنحرجه من غزلهم

اما زوجة ابوي الي هي بأعتبار امي حالياً
شافتني صافنه وما اكل قسمت لحمه وخلتها كدامي

كلماا شافتني صافنه ضربت ايدي عالخفيف
ودكُلي اُكلي

وجعفر كل اشوي يتذمر من السادس وشكد صعب
وراسب بيه سنه ويفكر يبطل ويبدي يشتغل بشركة ابوه ومن هالكلام .

ضحكت عـ الجوا المنعش والي صارلي مده معايشته، لكن الي خلاني ماندمج وياهم هو سرحاني بهدوئها ,تاكل بهدوء

وتنظر للأكل ماتباوع لأي احد وجانت يمها ورقه وقلم

كل دقيقه كتبت شي كل شوي فيسها يتغير وتكتب شي كلما تتذكر شي كتبته .

قاطع سرحاني صوت ابوي

محمد- الحمدلله شبعت (كام من السفره )

انداريت لأبوي الي كام وبقينا اني وجعفر وامي وبيان
عالطاوله والكل هده

حور (ضربتني بأيدي) - ما تـاكلين ؟؟

- ههه اكلت اكلت

حور تشوف ماعوني(صحنـي) - اشو مانقص من ماعونج ليش ماتاكلين؟

نطقت بتفكير.
- يمكن لأن احتاج ابقي وزني مثالي علمود لقطاتي .

واضح الأستغراب بوجه زوجة ابوي ونطقت بتساؤل

حور - اي لقطات ؟

- اشتغل ممثله

حور بهمهمه - اعرف ممثله ابوج دائماً يحجيلي عنج بس قصدي هسه دا تمثلين مو جنتي مسويه حادث؟

نضرت لبيان الي تركت الدفتر والقلم وبدت تاكل عالبطيئ - لا دا امثل بفلم جديد من اول ماجيت هنانه يعني قبل سنه ، ونطوني بريك علمود اتحضر لحفل عالمي يوزعون بيه جوائر الأفضل الممثين السنه الراحت ، لكن صار الي صار وحالياً حرجع اكمل ان شاء الله .