للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 💞💪
بسم الله نبدا
★★★
فتحت عيوني على صوت موظفة الطيران وهي تكعدني ، لأن اني اخر الركاب والمكان فاضي ،
شكرتها وكايمه ماخذه اغراضي ونازله للمطار .
جان الجوا عصر بسبب اختلاف الوقت ،
تنهدت براحه ,لمن عرفت عصر ، خفت هالأحلام الي حلمتها تصير حقيقه يمهه ! ، جنت احلم بأحلام تخوف ،.
ابتسمت ويا نفسي ماشيه لخارج المطار ، واول شي سويته اتصلت على سلام يجي ياخذني بس بدون مايكول لأحد عني
بالفعل كعدت على المقاعد وجانت بنت كاعده ترسم كاعده يمي وشكلها يوحي بأنها يعني مو من هالبلد
وجان رسمها احترافي ، سألتها اذا جان عدها حساب انستا ، ابتسمتلي البنت ناطقه بخفه - كتبي ***
هههه تخيلوا ! بهـالبساطه ؟
بالفعل ضفتها ورادت تضيفني بس انصدمت بحسابي
وتوها تركز بملامحي وناطقه بشهكه !!- انتي خلود اسماعييل !!!
حتا اني تفاجئت ، جنت ناسيه نفسي مشهوره وناطقه بهدوء مسويه ثكيله وكذا ، - اي
ساره - اني اسمي ساره ، تشرفت بيج !
ضحكت على لطفاتها وشفتها كاعد تضم بـقلامها وتنظرلي ، فـ رديت بـ - واني خلود اسماعيل تشرفت بيج
ضحكت ساره - ادري ، اني طالبة فنون مرحلة رابعه وهاي الرسمه لا شيئ بالنسبه للباقيات
نطقت متعجبه من ثقتها وعاجبني هالشي - اوو !
ضحكت بخجل - ترا دا احجي الصدك ، تكدرين تزوريني بالهجامعه وحشوفج ابداعي ، ولو خاف مشغوله ،
نطقت بنفي - لا والله هذا لطف منج ان شاءالله من افرغ ازورج
نظرت للشارع ،جانت سيارة سلام موجوده ؟ بالفعل ...
ودعت ساره ورايحه بأتجاه سيارة سلام ،
طلع سلام راد يحضني بس استوعب اني بنت ،
ضحك بأحراج - هلا بجيتج ست خلود
ابتسمت داخله للسياره - اهلاً اهلاً. يلا وديني لبيتي ،
همهم سلام ومحرك لبيتي ، بعد مده شبه طويله واني اكلب بحساب ساره واشوف منشوراتها وجان رسمها حيل عاجبني ،
جانت راسمه مشاهير هواي وجايبتهم فيت كلش وبدقه ! ، اجت ببالي فكره ، ليش ماطلب منها ترسملي بيان وانطيها كهديه بسيطه ، ابتسمت على فكرتي ،
حجه سلام وسط مدا يركن السياره - وصلنا. ،
همهمت نازله ، من السياره وشاكرته على التوصيله ،
سلام ماخذ الجنط ومدخلهم للبيت ، - اني ادخلهم بدالج واضح تعبانه ،
أنت تقرأ
فُن الأغراس
Teen Fictionحياة خلود بعد خبر خيانة اعز شخص لگلبها كان اختيارُ قلبي واختيارُ قلبي كـان انـت التنزيل شبه يومي .
