للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 💞💪
بسم الله نبدا
♪♪♪
_
_¹
بديت انعس لكن صوت سُكنه الباكي
رجعني للواقع , عيوني احسهن بعد مايكدرن يتحملن بعد , اريد انام , نضرت لسُكنه المنهاره
والي كاعده بصفها تهديها وتبجي وياها عالصامت
اني واكفه يم باب الطوارئ على امل
ترجع للحياة
غمضت عيوني بتعب , تنهدت اكثر من مره
مشيت وكعدت يم سُكنه - حبيبتي اني اثق
بجود حتطلع بسلامه
اني اقنع سُكنه بكلام اني مامقتنعه بيه
سُكنه بعد مده هدت شوي - اتصلتي على اخوها؟
اني سانده حنجي على كتف سُكنه واتكلم بتعب- لا
يحتاج اتصل ؟
سُكنه نضرتلي بأستغراب - اكيد يحتاج ياغبيه !
عدلت كعدتي منزعجه من سُكنه الي تدري شكد اخوها ينتظر هاللحضه يعني جان ينتظر يصير شي لجود علمود ياخذ ورث جود , لكن الواضح سُكنه تريد اخو جود يجي سواء قبلت جود او لا
وكل تفكير سُكنه انو اخوها اذا شاف جود بهالحاله يمكن يحن گلبه ولو شوي
اخخ يا سُكنه اهخخ
فتحت موبايلي لكن رحت ادك على هناء
لأن ماعندي رقم اخوها ,
بعد مده فتحت الأتصال هناء وبصوت ناعس
هناء - هلا خلود ؟ حلمانه بكابوس داكه علي بنص اليل؟
طبعاً راح اختصر الكلام وياها لأن ماريد
تصير وياي محادثات ويا هناء وخصوصاً جود
تريد تعرف كلشي انكال بيناتنه بالمكالمه
ماعرف يمته تبطل هالسوله .
هناء بأستغراب - الوو؟
نطقت بسرعه - جود بالطوارئ بمستشفى ***
غلقت الأتصال فوراً .
وضميت الموبايل
انداريت على سُكنه الي لازمه البنيه الكاعده يمه
وحاضنتها .
مستغربه من تصرف سُكنه اللطيف
نطقت - سُكنه واني مالي حضن؟
ابتسمت ومدت ايدها
ضحكت وحضنتها لكن جان عندي فضول اعرف
منو هالبنيه
أنت تقرأ
فُن الأغراس
Teen Fictionحياة خلود بعد خبر خيانة اعز شخص لگلبها كان اختيارُ قلبي واختيارُ قلبي كـان انـت التنزيل شبه يومي .
