اني اعرف ،
، لا جذب ماعرف ، ماعرف ليش هالطفل بحضني وليش اني يم هالمريه النايمه على كتفي وتعبانه ،
وليش هذيج الطفله كاعده تباوع تلفزيون ،
وليش جنت وياها بموعد ولادتها وهمين ليش؟؟ ليش جنت وياها بالمحكمه وجنت احجي بالنيابه عنها وهيه كاعده وتعبانه ، وفزنا بالمحكمه ،
ولمن احتفلنا اني هم جنت وياها بالحفله ،
تنهدت بتعب بعد متأكدت ان الطفل نـام ،
اني شسوي وياها ، فجأه صرت اعيش نص يومي وياها واتعذر بالشغل علمود هاي الكاعده يمي ،
التفتت عليها اتأكد اذا هي نايمه لو لا ، بالفعل جانت نايمه ، والطفله نورس نايمه ،
اجت لولي تركض بأتجاهي وتحجي ،
ايي لولي كبرت وبدت تحجي كلام مكسر بس شوي ينفهم ، ،
نور - شنو ؟ تردين تنامين بحضني؟ بس اختج نورس نايمه
باوعتلي لولو بنضرات يعني احسلج سمعي كلامي لو راح ابجي واكعد امي ،
تنهدت اووف ودي اكلها لهل حلوه -لولي حبيبي خلي بس اودي اختج لفراشها واجيج تمام؟
كمت وبأيدي الطفله وبديت ادندن ، الا وبأيد سُكنه ساحبه قميصي من ورا مطيحتني عالكنبه ،
رفعت الطفل فوك ويي ، همزين نورس مصارلها شي ، اخخ گلبي ، ولله راد يطيح ،
التفتت على سُكنه ،
بسرعه درت وجهي عنها! ، واحس بحررر ، لابسه قميصي وهو مو على كدها وباين صدرها ، اوف اوف
نور - سُكنه؟
اعرف هالصوت الناعس هيه مو بوعيها متعرف شراح تكول ، بس منضر صدرها لساته براسي ، ياربي شنو هالتفكير عيب ،
سُكنه وهيه متقربه وحاضنه ايدي نعومة صدرها وشلون تحتك بأيدي ، اني هنا روحي كاعده تتشهد ،
حجت سُكنه وهيه مو بوعيها - شيليني ،
سكتت وعيوني على لولي الـ دتباوعلنا ، واحس شنو هالوضعيه النحنا بيها !! وكدام الطفلة
همست لسُكنه بتوتر - سُكنه شداسوين ؟ شـماكله اليوم؟
صحصحت سُكنه مفتحه عيونها ، وتنضر بعيوني ،
سُكنه بعدهي مامستوعبه شصاير وحجت - شداسوي؟
اشرتلها براسي على مسكة ايدها وشلون متقربه مني كلش ،
هيه استوعبت وبسرعه وخرت ورجعت تباوعلي نفس كل مره ، نضراتها البارده وشاده فيسها ،،
باوعت سُكنه للولي وكامت تشيلها ،
وصعدت لفوك مخليتني ويا نورس النايمه ،
اخخ يانورس ليش تشبهين امج انتي ها؟؟
رجعت نزلت سُكنه وحجت - انطيني نورس وانتي روحي لبيتكم ارتاحي ،
باوعتلها شويه وانوب كمت متقربه منها وماده الها نورس ،
اخذتها سُكنه وصعدت لفوك عايفتني وحدي جوه ،
تنهدت وكمت اباوع عالمكان ، هذا بيت خلود؟ ، والي صايره ماتجيله هواي وصايره هواي تنام ببيت اهلها يم بيان لأن بيان ماتريد تنتقل وحدها تريد تضل يم عائلتها وخلود تلبي طلباتها ، فـ سُكنه ماخذه راحتها
والچلبه جود مخليتني خدامه عدها كلما طلبت سُكنه شي من خلود او جود يكلولي اني ! ليش ليش ! اني شنو اصير منها حتا نحنا مو صديقات اصلاً ،والمشكله حتا خلود صارت تكولي اروح يم سُكته لأنها مشغوله 🙄 مشغوله مو؟,
أنت تقرأ
فُن الأغراس
Teen Fictionحياة خلود بعد خبر خيانة اعز شخص لگلبها كان اختيارُ قلبي واختيارُ قلبي كـان انـت التنزيل شبه يومي .
