فُن الأغراس

٢٠ كان اختيارُ قلبي واختيارُ قلبي كان انت

للدخول بالجوا
ادخل للAa واختار لون الصفحه اسود

واستمتع
اهم شي اذا عجبتك الروايه ادعمني
علمود استمر 💞💪
بسم الله نبدا

★★★
رحت للمستشفى التشتغل بيها ، بعد صراع داخلي
طول الطريق ،
نزلت من السياره مُتنكره وداخله لجوه ،
مانكر اني فرحانه كلش بأني حشوفها
ولو ابوي لو يدري يحطني كدام العالم ويدكني دك وانشهر شهيره كدام اليسوه والمايسوه ،

اول مدخلت للمستشفى شفت ماياا بغرفة الأستقبال داتسولف ويا الموظفات وتضحك
هيه تعرف مكان بيان ، عاد اشتاقيت لشكل بيان
وهي لابسه البالطوا وشعرها مفلول ،
لو عكصة حواجبها ونضراتها الحاده
تختلف كلش بتعاملها بالمستشفى وبالبيت
هاهيه حروح لمايا ولو مايا احسها مو امان ،
تحمحمت واول ماردت احجي شفتها تطلع من ممر
ركضت بسرعه منضمه ،وكفت هم يم الشله مال موظفات تسولف وياهن ، بس عيونها على مايا ومايا هم تنضرلها بنفس النضرات ، "اشمئزاز"
مادري شنو بيناتهم ،
تركتها تنضر لمايا واني كملت اكحل عيوني بشوفتها
اريد احضنها ، واكون اقرب الها من اي احد
اقرب من احمد ، ماعرف يا بيان اذا تبادليني الشعور لو لا ، بس اني دائماً حنتضر اي فرصه وانتهزها في سبيل الكاج بـحضني ،
توني الاحظ عيونها التعبانه وشدة فيسها اللطيفه
اوف ، ودي ابوسها يم حاجبها ، مادريي هيج حتضل بگلبي اذا مسويتها ،

احمد - شتسوين هنا؟
انتفضت من صوته ملتفته ، جان احمد واكف وينضرلي بحده ساحبني من ايدي ومطلعني برا المستشفى ،
واني اتلفت اتأكد اذا بيان شافتنا لو لا ،
وخرت ايده معصبه من حركته كلش واني محد تجرأ يلزم ايدي بهاي الطريقه ويطلعني ! سكتت داخلياً اول ماتذكرتها،..ماعدا بـيان
حجه احمد - اسف على حركتي ، عمي حيجي بعد شوي ولو شافج مراح يمر اليوم على خير
زفرت براحه اول مسمعت تبريره
تلفت احمد ورجع كمل كلامه - ادري انج انتي وعمي متعاركين ، ومانعج من ان تشوفين اختج والعائله كلها
واضح من جيتج مشتاقه لأختج مو؟
ابتسمت ابتسامه مزيفه وبداخلي خايفه ، خايفه لا يكول لأبوي ،
احمد - اسمعي حقج تشتاقين واني احس بشعورج ، ومراح اكول لعمي عن هذا الشي بس رجائاً لا تحتكين بـ بيان ، ! تمام اني اخاف على خطيبتي منج ، حتا لو جنتي اختها والواضح انتِ مو زينه لبيان ، اسف على كلامي لكن حاولت قدر المُستطاع ان اتقبلج لكن بيان اول ماتشوفج تحكرني بشكل موطبيعي ، واني اسف هاي احسن طريقه اكدر اخلي بيان ترجعلي وماتبتعد عني اكثر ،

انصدمت بكل كلمه كالها ، ماجنت اعرف شسوي غير اصرخ عليه متناسيه العالم الي تباوعلنا ومستغربه
- اسمع يا احمد زفرت بضيق ورجعت حجيت ، تدري! واني هم ! من اول ماشفتك ماحبيتك ليش اجذب !
نضرلي بحقد - نصي صوتج العالم دا تباوعلنا
دفعته واني مقهوره واريد ابجي احس بكلامه اثر عليه كلش وراسي بدا يوجعني بالزايد ،كلش كام يوجعني مو شوي- انت منوا علمود تكول الي الصح من الغلط ! وبكيفك تقرر !
تقرب ابوي وماصدك يشوفني ، ضاربني كف كدام الكل ، وكدام بيان الواكفه وراي وتنطق بأسمي ، بكل هدوء ورقه وحنان - خلود
لزمت هالمكان مدمعه ، وعيوني عالأمن الي جايين يهدون الوضع ،وموخرين ابوي عني واحمد
اختل توازني ، بسبب الألم الي اجتاح گلبي طايحه بالكاع كدام الكل ،ايدين محاوطتني وتخزر لأبوي الي ياحاول يفتك من الأمن ويجيني ، كل ماله المكان يسود اكثر واكثر ،