بسم الله الرحمن الرحيم
-
ضحك الجد فهد : عاد يلا ابيها مبارزه بينكم انتوا الاثنين بـ اشوف من يفوز
رعد : لا انا ما ارضى اخاف افوز عليها و تزعل علي
ضحكت ليال بـ سخريه وهي تأشر عليه : انت ؟ تفوز علي انا ؟ ضحكتني
رعد : لا تحكين حكي اكبر منك
مدت يدها : وش لي اذا هزمتك ؟
مد يده يصافح يدها : لك سيارتي
عبدالرحمن : احيييه ! يا ولد الحلال استهدي بالله وش عرفك انك بـ تفوز ؟ ترا ليال ماهره
رعد : داري
التفت على ليال و أكمل : ها شرايك ؟
ليال : موافقه
رعد : طيب لو انا فزت عليك وش لي ؟
ليال : لك اللي تبي
عبدالمجيد : اوف عرض قوي ! اجل لو فاز رعد بـ نخليه يخطب ليال
التفت ليال على عبدالمجيد تنطق بـ تزفيره : سد حلقك
تعالت ضحكات عبدالمجيد لانه يدري انها انحرجت بـ حكم علمه بـ حب ليال الكبيير لـ الرعد
فهد : يلا الحقوني
« الحديقه الخلفيه »
وقف رعد جمب ليال وهو يرفع سلاحه ، التفت لـ جده ينطق : يبه به رصاص ؟
فهد : لا
اتجه رعد لـ الطاوله اللي كان فيها الرصاص ، اخذ كم رصاصه و رفع يده بـ يبدا يعبي سلاحه لكن استوقفه صوت رهف اللي نطقت بـ : وييت ! خلونا نسوي تحدي بينهم
التفتت ليال عليها بـ استغراب : وش تحديه
رهف : مين يعبي المسدس اسرع
رعد بـ سخريه : ما يحتاج تحدي طبعاً انا
ليال : لا تكون واثق لـ هالدرجه يا ولد سطّام
رعد : تبينها تحدي يا بنت متعب ؟
ليال : اذا ما رح تزعل ايه
رعد : شغلي الوقت يا رهف
قربت ليال و وقفت جمبه و شغلت رهف الوقت ، ابتدو الاثنين يعبون الطلق و كانوا الاثنين سرييعين جداً ، بعد 15 ثانيه صرخت ليال مُعلنه إنتهائها ، التفت و طالعت بـ رعد اللي نزل المسدس على الطاوله بـ نفس وقت صرختها
ليال بـ حماس : ميين فااز !
رهف : انتي
يزن وهو متكتف : لا لا خلصوا الاثنين بـ نفس الوقت
ليال : لا تقولها
حك دقنه وهو يطالع بـ الاسلحه بـ تمعن ينطق : اي والله انا شفت كذا اسألي الباقي
التفت ليال على عبدالرحمن ، و نطق عبدالرحمن : انا مع يزن خلصتوا بـ نفس الوقت
زفرت وهي تتكتف و تنطق بـ ضيق : اووف
ضحك رعد وهو يقرب منها و يقبّص خشمها بـ خفه و ينطق : شفيك خايفه تونا بـ البدايه ، بس لو ما ودك ماني مصوب بـ النص
ارتبكت ليال من حركاته و من قربه وهي لـ الابد تتوتر اذا اقترب منها ، صدت عنه و اخذت سلاحها و نطقت : وليه ان شاءالله
ضحك على حركاتها و وقف جمبها ، نطق و انظاره موجهه على الورقه اللي بـ يرمون عليها : عشان ما تزعلين
ليال : لا معليك ماني زعلانه بس كم كف و كم عضه
رعد بـ ضحكه : خلاص اجل خفايف
ضحكت ليال وهي تعدل وقفتها و ترفع السلاح ، طلقت و صوبتها على الـ 90
ضحك رعد بـ سخريه وهو يرفع السلاح ، رما و جات بـ 90
صغر عيونه يطالع بـ المكان اللي صوب عليه ، زفر بـ عصبيه و رفع السلاح ، ابتسمت ليال وهي تدري انه تنرفز و مسكت يده قبل لا يطلق ، نطقت وهي تحاول تكتم ضحكتها : وين يبو دوري
رعد : خلينا نرمي مع بعض
ليال : ما عندي مانع
رفعت يدها و رمو مع بعض ، نزلوا اسلحتهم و رفع يده يضغط الزر اللي يقرب الورقه ، توسعت عيونهم بـ ذهول من شافوا انهم مصوبين بـ نفس المكان و كلهم جابوها على الـ 100
عبدالرحمن : كفو اختي !
ليال بـ ضحكه : كفوك الطيب - التفتت على جدها و أكملت - يبه الحين من فايز
فهد : كلكم فايزين
التفت رعد على ليال و مد يده لها : مستواك حلو
مدت يده لـ يده تصافحه : حتى انت
