بسم الله الرحمن الرحيم
-
نزلت الكتاب اللي كان بـ يدها و اخذت جوالها ترد على نجد : هلا نوني
نجد : هلا بك وش تسوين
رانيا : قاعده اقرا روايه
نجد : زين اسمعي بنجيك انا و ليال
رانيا : تم تعالوا
نجد : شويات و حنا عندك
رانيا : زين
قفلت جوالها و قامت ترتب الغرفه
« المغرب | 6:30 »
دخلوا البنات غرفه رانيا ، طالعت فيهم رانيا تنطق : انتوا ما تجون الا مخططين على مصيبه اقعدوا و علموني
قعدوا البنات جنبها و طلعت نجد اسواره من شنطتها و مدته لها ، ابتسمت رانيا و اخذتها تنطق : الله تجنن !
طالعت فيها و نطقت : نجد ليه مشتريه لي اسواره ؟ لا تخرجت ولا تزوجت خير ان شاء الله
نجد : انا ليش بشتري لك اسواره يا هبله ؟ مو انا شريتها شخص اشتراها
نزلت الاسواره و رمتها تنطق : تستعبطين وش شخصه تدرون اني ما احب ذي السوالف
نجد : مستحيل غبائكم هذا حقيقي اكيد انكم متفقين علي
رانيا : نجد انطمي
التفتت لـ ليال ، رفعت ليال يديها تنطق : اقسم بالله مالي دخل هي قالت لي بنسوي مغامره وش دراني انها مغامره من هالنوع
نجد : اي اي بيعيني انتي بيعيني ، و انتي الشرهه علي اللي جايتك بفيدك بكيفك اذا ما تبين تجننين انس فـ هذا شيء راجع لك
مسكتها رانيا مع يدها تنطق : ما ينمزح معاك انتي بعد ! اقعدي وعلميني وش بسوي
ضحكت نجد تنطق : يا خبثك !
ليال : معتوهات قسم بالله
نجد : اسمعي الحين انتي بتلبسين الاسواره طيب و كأنك مستانسه فيها و يعنني من شخص عزيز عليك
رانيا : يع يع يع وش هالخطه النايمه !
نجد : بتخلين انس يسولف مع بنات خلق الله وانتي واقفه تطالعين له ؟
رانيا : طيب اذا سألني من مين وش بقول ؟
نجد : مين اكثر شخص يكرهه انس ؟
ضحكت ليال تنطق : رانيا
ضربتها رانيا على كتفها تنطق : تخسين ليه بيكرهني انا !
ليال : هل لأنك تحبينه و ما تهزئينه و ما تحقدين عليه ، بعدين ما تتذكرين شلون ضربتيه يوم صفقك بالكوره !
رانيا : و انا على حق ليه يصفقني بالكوره !
نجد : يا معتوهه معذبه الولد و تسولفين
رانيا : انا ! انا معذبته ! وشسويت انا بالله علميني
ليال : قلتي عنه كلب و تشخصنينها معاه و مستقعده له و ما تدانينه و تنادينه البدوي و مكرهته بـ عيشته
رانيا بـ ضحكه : اح انا مسويه كل ذا
ليال : لا بعد البجيحه لها وجه تغار عليه
رانيا : انطمي ما اغار عليه
نجد : خلاص اسكتوا انتوا الاثنين لا تشتتون تركيزنا
ليال : الحين انتي يا ام تركيز شغاله تشبكيننا مع اللي نحب ليه ؟ وراك بلا انتي
رانيا : نجدوه ما تسوي شيء بدون مُقابل تبيك تضبطينها مع ايان
نجد : يا بنات يا بنات لا تفهموني صح شفيكم
ضحكت ليال و نطقت رانيا : شفتي قلت لك
نجد : خلاص بلا استهبال ، و اذا سألك تقولين له من شخص و ابتسمي عساس مستحيه
ليال : احس بما ان انس يكره هايف حسسيه انها منه
رانيا : خبله انتي ؟ تبينه يرض هايف ؟
نجد : طيب يا سبك انتي كيف تعرفين انه غار عليك ؟ لا رض هايف
رانيا : اي والله صح ، بس اخاف يفضحنا و يقول انها مو منه
ليال : انتي تتوقعين ان انس بـ يسأله ؟ بيكفخه على طول
رانيا : صح برضوا انس ماعنده تفاهم ، بس احسه بيوقف و يقعد يضحك علينا من غباء الخطه
نجد : لا لا ما عليك
