عدت ثلاث ساعة، 10:01 وصل لَـبيت ردّام
چان شوي متوتر، بس تنفس و دگ الباب
Knock knock
بعد ثوانٍ أجت ملاك و فتحت الباب و أنصدمت: أدهم!!؟
أدهم أبتسم و حاول يسوي روحهة طبيعي: مساء الخير عمة
ملاك رحبت بيه: يا هلا بيك و مرحبا، تعال تفضل تفضل
دخل و تِبع ملاك و طبوا للـصالة
ملاك گامت لـحتى تجيب ماي و نادت ردّام: ردّاااااممممم ردّاااامممم، أجة حبيبك أدهم تعال ليه
بساع نزل ردّام و دخل للـصالة، أول ما شاف أدهم گلبه سوى BOOM BOOM
راح لَأدهم و سلّم عليه: يا هلا و غلا أدهم من زمااانن عندك
أدهم: أهلين بيك، هيَ أربع تيام، بس حسيتهة أربع قرون..
گعد ردّام: اي بشر، ليش جاي و بِـهذا الوكت المتأخر؟
أدهم أستغرب: ليش؟ بيش الساعة؟؟
ردّام أستغرب من استغرابه: الساعة بِـ11 ليش ما تدري؟؟
أدهم: بس، تعبان... شوية..
ردّام حس بِـشي غلط: أد-
قاطعتهم ملاك: تأخرت شوي
صبت ملاك لَأدهم گلاس ماي و أطتهياه. هو شرب شوية و حطاه على الطاولة...
ملاك: إذًا، شلونك شخبارك؟ ليش جاي بِـهيچ وكت؟
أدهم نزل راسه: تعاركت وي أهلي، و گلتلهم أني... أحب ردّام و... أمي ما رضت و... طردتني
ملاك حزنت علية و گامت و گعدت يمه: يلا حبيبي لا تزعل، انت تعرف إنَ بعض الناس ما تتقبل هلشي
أدهم مسح دمعته: بس... ضنيت أن أمي راح تدعمني نفس... ما انتي دعمتيني، بس هيَ ما رضت... و ضلت تصيح علية و گلتلي-بدأ يبچي- إذا ما تأدبت و خليت ردّام بِـحاله راح اتبرى منك...
ردّام ما عرف شيگول، ناظر لَأمه يلي تناظره بِـمعنى يحچي وي أدهم: أدهم... يلا لا تزعل، بس من ناحية نظري ثنيناتكم غلطانين...
نظرت أمه له بِـمعنى إنه يسكت، ردّام تدارك الموضوع و تنهد: أدهوم تگدر تضل هنا لَـمتى ما تريد إلى أن تتصالح أنت و امك خوش روحي؟...
ناظر أدهم لَـردّوام و عانقه، أبتسم ردّام و طبطب عليه، نظرت له أمه و ضحكت شوي: يلا هسة لازم تروحون تنامون
أدهم وخر عن ردّام و ناظر بِـعيونه، ردّام حچة بِـهدوء: يلااا، لا تبچي، لا تخرب عيونك.
ختمها بِـإبتسامة، أدهم ضل يناظر بِـعيونه و گلبه بس ينبض، ما توقع هلحچي يطلع من فم ردّام
ردّام گام و لزم إيد أدهم: يلا، هسة شرايك تروح تنام و باچر نشوف حل للـموضوع؟
گام أدهم و أومئ بِـهدوء، سحبه ردّام و راحوا للطابق الثاني و اخذاه لـغرفة ملك
أنت تقرأ
حَـنُونٌ | BxB
Diversosرَدّام، عَـاشَ حَـيَاةٌ بَـارِدَة، لَا تُـوْجَـدُ أَيَ عَـاطِـفَةٌ فِـيْهَا وَ عِـنْدَمَـا إنْتَـقَلَ إلَـىٰ السَـكَنِ الـجَـامِعِـي وَجَـدَ شَـخْـصٌ لَـطِيْفٌ و هَـادِئ، فَـشَـعَرَ بِـالخَـطَرِ مِـنْهِ ∆عامية مثلية / باللهجةالعراقية / gay∆ لهجة عر...
