The Long Weekend (A Novelette)

Chapter 12

"Ba't ganyan ang itsura mo?" Tanong ni Kevin nang maabutan ko siya sa CR ng mga lalake.

"I have a problem," Hinila ko siya papasok sa isang stall.

Lumingon ang lalake na umiihi sa urinal pero kinawayan lang siya ni Kevin.

Nilock ko ang pinto at kinuwento sa kanya ang nangyari sa pool.

"Hinalikan ka ni Tracy?" Magkahalong gulat at amusement ang itsura niya.

"Kevin, did you miss the part about how she took a video of me and Lee?" I omitted the part about us having sex.

He doesn't have to know that part.

Hindi naman siya tanga di ba?

He'll figure it out.

"I heard you."

"Eh bakit parang balewala lang sa'yo?"

"Tol, kilala ko si Tracy. Baka nagkukunwari lang iyon. Nagpanic ka naman agad," Kalmadong sabi niya.

"Paano kung totoo?"

"Nakita mo ang video?"

"Hindi."

"Iyon naman pala eh. Nagloloko lang iyon. Malamang nagselos na naman dahil magkasama kayo ni Lee."

"I don't care about that. What if meron nga siyang video? Paano kung seryoso siya na ipakita iyon kay Brad? Anong gagawin ko kung mangyari iyon?"

"Pumayag ka na lang na maging syota niya."

"Kev, she's twenty. Twelve years ang age gap namin."

"So, what? At least legal age naman siya?"

Sinuntok ko siya sa balikat.

"Gago. Hindi ako pumapatol sa bata. Tsaka para ko na siyang kapatid ano?"

"Eh anong gagawin mo?"

"Kaya nga ako lumapit sa'yo di ba? I need your help."

"Anong magagawa natin?"

"We should get her phone and get rid of the evidence."

"Paano kung naikalat niya na iyong video sa social media accounts niya?"

"Tol naman. Nagpapanic na nga ako lalo mo pang dinadagdagan. Sa tingin mo gagawin niya iyon?"

"I don't know. Depende kung galit na galit siya sa'yo. Pero hindi naman niya siguro gagawin iyon."

"Bakit mo naman nasabi?"

"Tracy is flirty but she's not evil. Kahit pasaway ang pinsan ko na iyon, may konsensiya naman iyon."

"Sana nga totoo ang sinabi mo. Right now, I'm really worried."

"Kasi naman, Sid. Ang haba ng buhok mo." Ginulo niya ang bangs ko.

"It's not funny."

"Akala ko kay Hulk ka dapat matakot. Kay Poison Ivy pala." Tawa siya ng tawa.

"Tutulungan mo ba ako or are you just going to make fun of me?"

"Oo na. Masyado ka naman kasi ninenerbiyos eh."

"Paanong hindi? Kung seryosohin ni Tracy ang sinabi niya, paano si Lee? Kaya nga sikreto ang relasyon namin di ba dahil natatakot siya na malaman ng mommy niya ang ginagawa namin?"

"Kasi naman eh. Kung nagladlad na lang sana siya eh di sana wala kang ganitong problema."

"Hindi naman kasi madaling gawin ang magladlad."