Papalubog Na Araw

Palubog na

Papalubog na araw
kuliglig ay naririnig
Senyales ng kapayapaan
ngunit may halong kalungkutan

Ayaw ko sa madilim
gusto ko ng liwanag
Labis na kalungkutan ang nararamdaman
kapag sinag ng araw,
'di na matatanaw

Paglubog ng araw
nagpapatotoong may katapusan
Ako'y iiwan, ikay lilisan,
tayo'y may hangganan

Oh kay lungkot ko ngayon
Kung puwede lang balikan
ang mga nakaraan
Kung saan masaya,
totoo ang tawa

Walang halong lungkot
walang luhang balot
Gusto ko ng kasiyahan
ngunit ngayo'y naparam

Gusto kong pigilan
ang sakit na nararamdaman
Ngunit paano at kailan
ito mapaparam

Ayoko nang malungkot pa
Pag-ibig ay ibalik na sana
Saan na ang dating tayo?
Ba't ako nalang ang masaya

Kapag ika'y nakikita
Ako'y natutuwa
Ngunit sa kabila ng lahat
Hindi mo pala ako tanggap

Para akong sinaksak ng sandamakmak na tabak
Pinapakita ko lang ang mga ngiti ko sa harap mo
Para matuto ka ring tumawa at makutento

Ngunit tila hindi naman taliwas sa nararamdaman
Ako lang ang nanghahawak na baka'y pwede pa
Ngunit ayaw mo na nga pagod ka na
Ayaw mo na sa bisig ko
Mas gusto mong maglaho ako sa paningin mo

Mas gusto mong kumawala na ako
Mas masaya ka,
kung di na ako nakayap sa'yo
At ngayo'y tanggap ko na
Paalam na aking Mahal

Ngayo'y sa malayo ikay tinatanaw
Ito nang huling patak ng luha ko
Ito nang huling tangis na maririnig mo
Iyan ang katotohanang mahal kita
Hindi mawawala,

Kung ano Ang pangako ko noon
Hindi magbabago ngayon
Gusto mo ng bumitaw
At ikay bibitawan
Gusto mong maging malaya
Ngayo'y malaya kana
Kung saan ka masaya'y isasakripisyo ko kahit pa ang pagkawala ng kwento nating dalawa.

Paalam na