قدري الاجمل
ياحظ مملكتهم يوم احتضنت مكه و محمد
وياحظ طريق يوديك ويردك يعد خطاويك عد
وياحظ من بشوفه وجهك بداء يومه واستعد
ويا خسارة اللي اتكبر وعليك السلام ما رد
ما يدري ان مجنونتك تكتفي بحرف وتسعد
كيف عاد لو تسمع صوتك ليل نهار حيلها ينهد
كلماتي لك ياقدري ماهي قافيه وابيات وسرد
كلماتي اعنيها واختارها بين صحوتي والسهد
هي احساس ونبض عجزت وما قدرت احط له حد
مشاعر ما عاد تتقيد بسلاسل واغلال ولا يثبتها وتد
كيف بالله عاد تخضع لي بعد ما ملكها محمد
وجيت سكنت بقلب انسان ماسكنه قبلك احد
بعدما قصر عنادي بدفء حرفك والله طاح وانهد
كل المشاعر تشتعل بك جمر لكنها ما تنطفي رمد
كل يوم فيني حلم يكبر بعد ما مات ياوجه السعد
ويوم تجيني تضحك والله يروح عن يومي النكد
ولما تغيب تجي في خيالي مرات مالها حد وعد
اشكر ربي اللي جابك لي كلما وجهي له سجد
وصرت استحي اطلب من ربي بعدك اي مدد
بعدك احس ملكت من الدنيا حلوها كله والرغد
بعدك صرت ما ادور في الدنيا هذي على سند
انا ما دمت في حماك مايخوفني برق او رعد
ماحرمتك من شوفي الا عشان شي مو باليد
عشان احساسك يوم اللقاء يكون عن غيره متفرد
كل شي ياعمري بوقته وفي ميعاد لجني الورد
يافديت اللي سكن قلبي بعدد ما قام وقعد
بس امانه لا تخيب ظني فيك وتجرحني عمد
امانه لا تخليني اندم بيوم واعض اصابع اليد
لا تبرر مادمت اوثق فيك وما احتاج منك اي رد
بس خليك على عهدي وابشر بقلب يغليك للأبد
ابشر بقلب يحبك ويصونك اليوم وبكره وما بعد
كل يوم بيمر بيزيد حبك فيه ولو طال البعد
ومهما تغيب مجنونتك باقيه عليك وعلى الوعد
_إيمان مارش
أنت تقرأ
مجرد كلمات عجز الكتمان ان يجعلها مجرد هواجس تمر وتنسى
Poesiaحروف تبعثرت ولم تجد ما يحتضنها سوى قلم وورقه تنزف عليها وتشكوها وترثي نفسها .... حروف من نوع اخر قد تبدو احياناً كلمات حين تجتمع ولكنها في الحقيقة ليست اكثر من مشاعر وهواجس قد تتراقص احياناً وقد تنزف وتذرف الدموع احياناُ اخرى لا اعلم ما سبب ا...
