راحت سارة مع شهين يتمشاو طريق قاع وهوما ساكتين حتى حبست سارة عند لكرامري لي كانت موالفة تروحلو زمان حتى جات ذكرى في بالهم هوما لزوج مين كانو يجو يشرو من عندو
سارة: عمو زوج ايسكريم
مدلها الحانوت مين جات تجبد صرف ملقاتش حتى خلص شهين
سارة: مبعد نردلك دراهم
شهين: منيتك سارة! مبينتناش
تبسمتلو سارة وكملت طريقها تاكل في لاكريم
شهين: سارة
شافت فيه سارة وقالت؛ وي؟
هبط راسو في لرض شويا ومبعد طلعو وعينيه في عينيها
وقال: سس سمحيلي سارة على واش قتلك آخر مرة وسمحيلي على تصرفاتي معاك كنت صغير ومنعرفش عذريني
بقات سارة تشوف في عينيه الندم الحزن وبزااف مشاعر
تبسمت سارة ابتسامة ساخرة وقالت: لعكس شهين نورمالمو نشكرك صباح وعشية
حل شهين فمو متفجأ هذي واش راهي تقول
سارة: علابالك حاجة كن معاملتنيش هاك وتخليت عليا كن مرانيش نقرا ميدسين درك كن مدرتش بزاف صوالح في حياتي ولي هي الثقة في النفس كي كنت معاك كنت دايمن نحس روحي ضعيفة غبية فاشلة كنت دايمن تقلل مني وتعايرني مم بالزعاقة بصح كانت تأثر عليا وتقبلت هذوك الأفكار السلبية لي جايين منك وأمنتهم نحمد ربي ونشكرك انو بعدت عليا وخليتني نكتاشف روحي ونبغي روحي ونعزها ونحي التعقيد لي كان فيا ونحي فكرة انو حياتي معتامدة عليك انت كنتت كلش بالنسبة ليا وهذي حاجة تخليني نشمئز من روحي مي دوكا الحمدلله ومتخممش بزاف في لي فات انسها سارة تاع زمان ودرك ماشي كيف كيف ايه نقدرو نولو اصدقاء وسمحتلك مي جااااامي وجاامي نخليك تعقدني ولا طيح بيا
هذ الهدرة لي قالتها سارة كانت كي موس ضرب قلب شهين مزال معرفش هذاك الشعور لي حس بيه لدرجة بقا ساكت وواقف في بلاصتو ويشوف في الفيد تمشات سارة قبلو بشوي مين دورت وجها لقاتو مزال في هذيك البلاصة وبنفس الوضعية
سارة: هيا
دارلها شهين وتبعها وبقاو ساكتين حتى وصلو لدار
سارة: بونوي
شهين: صحا باي (بصوت فيه غصة وثقل كبييير)
صباااح جديد
راح أحمد للخدمة ووصا سارة تدي القهوة لشهين ولا تعيطلو
سارة في داخلها (نديله وخلاص مجاياش ندخلو لدار ونهدرو بعد لهدرة تاع لبارح ) وهي توجد في القهوة تسمع دقديق الباب راحت تفتح ومتوقعتش شهين يجي
سارة: وي؟
شهين: مكانش مرحبا ودخل؟
سارة: سمحلي دخل. بعدت سارة من قدام الباب وخلاتو يفوت
تكا شهين في لفوتاي وقال: نتوما لي قلتولي لبارح رواح تتقهوا عندنا كل يوم
سارة: هه سي (يخي سامط يخي)
وجدت سارة لقهوة وحطتها قدامو وهي بروحها قعدت في لكرسي لمقابل ليه (منكدبوش ادا قلنا متحس والو من جيهتو كلما تشوفو تحس قلبها حاب يخرج من بلاصتو بالزيادة رقدت مامبا زوج سوايع فليل بسبب انو تخمم واش لهدرة لي قالتهالو ادات مشاعرو بيها؟ بالإضافة إلى شهين نفسو ليل قاع وهو يلعن نفسو على معاملتو معاها وكلش دارولها)
شهين: سارة
سارة: يب؟
شهين: معلابالكش علاه وليت
طلعت سارة حواجبها دلالة على استفهامها؟
شهين: سارة سمحيلي كي مودعتكش اخر مرة قبل مانروح لفرنسا
سارة: نتا مودعتنيش؟
شهين: وي سارة يخي مقلتش لباباك عيط لسارة
بقات سارة حالة فمها وتشوف فيها مصدومة (6 سنين قاع وهي عاشت عذاب وصراع نفسي اسكو غلطت كي مودعتوش اسكو اسكو..)
شهين: سارة والله غير سمحيلي والله غير 6 سنين قاع مفاتش نهار مندمتش عليه وكرهت روحي بسبت هدرتي وكرهت روحي لأنو خسرتك سارة والله غير قلبي راه يوجعني غلطت
قطعاتو سارة: تطلب سماح باش تريح ضميرك؟
شهين: ضميري جامي يريح بعد شي لي درتلك ياوليت نسكر ليل نهار ووالله مايفوت نهار منكرهش روحي فيه كي نتفكرت 6 سنين كاملة من لي كنت في الطيارة مقلع الى يومنا هذا مفاتش نهار مندمتش فيه سمحيلي
غرغرو عينين سارة ومقدرتش تصبر بداو دموع يسيل شلالات ماهيش عارفة علاه راهي تبكي اسكو مينن كي مودعهاش ولا غاضتها نفسها لي عذبتها لسنوات بلا سبب ولا من هدرتو درك ؟ جا شهين قعد حداها وبدا يمسح في دموعهاا
شهين: شش سارة سمحيلي
سارة: بصح علاه؟(وهي تشهق)
علاه تبدلت عليا علاه خليتني وحدي في ليسي كنت كل يوم نخمم اسكو درتلو حاجة ماشي مليحة اسكو كرهتلو حياتو صح! علاه الشخص الوحيد لي درتو كثر من خويا وحبيتو كيما روحي يغدر بيا ويهدر فيا كنت دايمن في حوار مع روحي كان نتألم والله كنت نبكي بدسة علاه درتلي هاكا والله مافهمت واش كان شعورك هذاك الوقت كنت ستمتع مين تتنمر عليا وتبهدلني علاه الله يخليك قولي علاه تقولي انا قتلت ماما وتكرهني في روحي وانا مدرت والو علااه قولي 😭😭
عنقها شهين حط راسها على صدرو وبدا يمسح في شعرها: شش سارة سمحيلي سمحيلي
طاحت منو دمعة مسحها فسع بقات سارة تبكي في صدرو لمدة طويلة وهو غير يسكتها ويمسح شعرها
(احاسيسهما؟ قلبو بغا يخرج وهذا خلا سارة تسمع دقات قلبو القوية لي زادت من دقات قلبها هي، واش هذا لي راهي تحسو واش ناس تحس باالراحة مين يعنقها الشخص لي سببلها هذاك الألم؟ لا طبعا لازم تكرهو بصح هي حست براااحة كبيرة وهدوء كانت محتجاتو هذي الفترة لي فاتت كاملة😫) حبست سارة البكا وبعدت راسها من صدرو وعينيها منفخين وحمر وناضت رايحة لدوش
شهين: سارة صفا؟ كملت سارة طريقها بلا ماترد عليه بقا يستناها حتى خرجت وبقا يشوف فيها حتى دخلت لشمبرتها وغلقت الباب
راح شهين وقف من ورا الباب
شهين: سارة متقلقيش روحك وماتخمي في والو ممبعد ان شاءلله نحكو وسمحيلي بزاف بزاف
سارة:(قود)
#عشية #
كانت سارة غالقة على روحها في شمبرتها وتخمم في واش صرا قبيل (بصح علاه راني نحس هاكا علاهكي نشوفو قلبي يضرب علاه رتحت مين عنقني نكون مازلت نحبو؟ ياقلبي علاه ديرلي هكذا ) جا احمد من الخدمة طبطب في باب شمبرة سارة ومبعد دخل لعبتها سارة راقدة
احمد: سارة نوضي راه قريب المغرب نوضي بنتي خفي
سارة كانت تشوف في جهة المعاكسة لوين قاعد باباها
سارة بصوت مبحوح : علاه كذبت عليا
احمد: وشنو؟ وشبيك بنتي وشبيه صوتك؟
دارتلو سارة مقابلة وجهو وقعدت احمد تفجأ مين شاف شكلها هاكا عينيها منفخين وحمر
احمد: وشبيكي تبكي مالكي بنتي واش صرالك
سارة وهي تبكي: علاه مقتليش بلي شهين محبش يودعني
احمد: ااه!!
سارة: علاه بابا علاه خليتني نعيش هذاك الشعور والندم لي كان يقتلني يوميا علاه بابا علاه 😫
احمد: سمحيلي بنتي سكتي الله يخليك منقدرش نشوفك تبكي سمحيلي بنتي خفت يغيضك الحال كي تعرفي بلي مودعكش
سارة: هاكا غاضني كثر
عنقها باباها: سمحيلي بنتي سمحيلي عنقاتو سارة وبدات تبكي تبكي على قاع واش فات عليها واحمد معرفش واش يدير درك هو سبب قاع هذ شي لي صرالها؟ هو خلا بكا بنتو هاكا؟ كيفاش غادي يسامح روحو؟ هي امانة يماها المرحومة💔
سارة: بابا حابة نرقد شويا قالتها بعدما نحات يديها من ظهر باباها وهو بروحو نحا يديه وجا خارج وقال قبل مايبلع لباب: اوكي على راحتك بنتي سمحيلي
