جا صيف وسارة قرات بزاف روايات وليبودكاست اما يعقوب سافر لولايتو وكان كونطاكت مع سارة وشهين يتلقى سارة غير مين تجي تفطر ولا تتعشا معاهم حتى في يوم
سارة: بابا حابا نروح نحوس تروح معايا
احمد: اوكي عشية
جات عشية
سارة: بابا هيا
فجأة يطبطب لباب حلت سارة ولقاتو شهين
شهين: صفا
سارة: غاية ونتا
احمد: جابك ربي روح مع سارة راني عيان
دورت سارة راسها: بابا🙁
شهين: اوكي عمو، هيا سارة
خرجت سارة مع شهين وبداو يتمشاو وساكتين حتا قال شهين: وش راكي ديري هذ ليامات
سارة: ااه راني غير مع الروايات
شهين: من وينتا وليتي تقرايهم
سارة: مين جا يعقوب
شهين: ااه اوكي خير
سارة: واه
شهين: تبغيهم ولا غير من يبغيهم يعقوب
سارة: واش راك حاسبني معنديش شخصية ول
شهين: كان علابالي بلي متبغيش افلام اكشن بصح كنتي تتفرجيهم غير بيا نبغيهم
سارة: كنت وموليتش
شهين: واش تبغي في الأفلام
سارة: غموض جريمة
شهين: نعرفك في 13 لسنة حاس روحي اول مرة نعرفك
سارة: بلاك تبدلت كيما تبدلت نتا
شهين: سارة خلينا منفسدوش علاقتنا كنا ملاح
سارة: انا واش درت؟ نتا تبدلت ولا انا؟
شهين: خلاص
سارة: علاه دايمن تبدل سوجي كي نسقسيك
شهين: خلاص وصلنا لدار
فجأة جات فايتة لامبيلونص من لبلوك تاع دار شهين و سارة
سارة: ياو غير لخير
لقاو كوثر بتطلع و هوما يطلعو في عباس
شهين: ماما وشبيه بابا
كوثر: والو غادي يولي مليح قعد نتا ولينة في دار عمكم احمد
دخل شهين ولينة لدار سارة ولينة قاعدة تبكي وشهين عينيه يغرغرو سارة عنقت لينة خلاص متبكيش باباك حايولي مليح
جا احمد وقال: مالكم
سارة: عمي عباس في سبيطار ولينة تخلعت عليه
احمد: ياو مالو
سارة: معلاابالناش
وفجأة يصوني تلفون
احمد: الو ايا صحا شهين لينة هيا لسبيطار
شهين: غير لخير
احمد: مكان والو باباكم باغي يشوفكم، سارة تقدري تقعدي وحدك
سارة: وي روحو
سارة في داخلها (ربي يدير الخير وش هذ لإحساس لي حكمني! 😭😭)
وصلت 2 3 تاع ليل وهوما مزال مجاوش حتى احمد يحل لباب بالمفتاح ناضت سارة
سارة: غير الخير وشراه عمي عباس
احمد: عمك عباس راح😔
سارة: لاااااااا وهي تبكي وتزقي😭😭😭
عنقها باباها خلاص بنتي
سارة: وشهين ولينة وطاطا كوثر وشراهم
احمد: طاطاك كوثر سخفت ولينة راهي غير ساكتة ومصدومة طبيب معجباتوش مين راهي هاك
سارة: 😭😭😭 ياربي هيا نمشولهم
احمد: درك يجو رقدي بنتي
داها لشمبرتها وبدا قاعد معاها وهي غير تبكي
حتى فاقت على صوت البكا والعياط شافت لقاتها 10 خرجت تجري لقات دار شهين مقلوبة لغاشي وناس بدات سارة تبكي ومقدرتش لداك لمنظر هبطت لتحت وبدات تبكي
احمد: واش راكي ديري هنا
سارة: مقدرتش لهذ الاجواء😭
احمد: روحي لشهين راه قاعد في شمبرتك
سارة: بابا منقدرش نشوف فيه واش نقول؟ 😭😭
احمد: روحي بنتي روحي صبريه
راحت سارة لشمبرتها لقات شهين قاعد يبكي طلع راسو لقاها سارة
سارة: شهين 😭
جات لعندو وعنقاتو مم هو قعد يبكي
سارة: 😭😭😭 راني عارفة شعورك والله اسوء احساس نشالله تكون لاباس
بعدها شهين عليه وقال:نكون لباس؟
سارة: قصدي..
شهين: عمرك ماتفهمي بواش راني نحس نتي يتيمة من بكري
سارة: شهين علاه تهدر هاك مم انا ماما ماتت وعارفة هذاك الاحساس
شهين: متعرفيهش قتلك نتي ماماك خلاتك بيبي ونا خلاني كبير وزيد ماشي انا لي قتلتو ماناش كيف كيف معليش تخرجي!
بقات سارة تشوف فيها مشوكية
شهين: ااه نسيت هذي شمبرتك
وخرج من الشمبرة بقات سارة ساكتة ودموعها يهبطو (من. جهة غايضها شهين ومن جهة غايضاها روحها)
زعما قال هاكا غير بيه حزين ولا هاك يخمم فيا انا قتلت ماما؟ 😭
فاتت 3 يام تاع لعزا بداو يروحو ناس وفي هذ الوقت كانت سارة مبلعة على روحها في شمبرتها
وجا لوقت لي لازم تعزي كوثر دخلت سارة لدار لقات كوثر ويماها ولينة راقدة
عنقت كوثر بلاماتقول والو وبداو لزوج يبكو😭 فاقت لينة
لينة: علاش راكم تبكو بابا ماماتش
حورية (ام كوثر): باباك مااات رااح مغاديش يوللي😭😭
قعدت كوثر وسارة يبكو حتى طرطقت لينة تبكي: باباا😭عنقتها سارة وقعدو قاع يبكو مبعد راحت سارة لدارهم
احمد: واش راهم
سارة: يغيضو والله وهذيك دار بلا عمي عباس تبكي 😭
احمد: ربي يصبرهم
فااتت 4 يام جات كوثر طبطب في دار سارة
حل احمد لباب: سلام كوثر لباس
كوثر: حمدالله بغيت غير نبقيكم على خير رانا رايحين نسكنو في فرنسا مقدرتش نشوف دار بلا عباس قلت نروح لماما مع ولادي
احمد: واش نقولك ربي يسهل بلا بيكم كي والو دوك نقول لسارة تجيكم وقوليلي فاش نعاونكم
كوثر: ربي يجازيك
احمد: سارة سارة
سارة: واه بابا
احمد: روحي ودعي دار شهين
سارة: علاه 🙄
احمد: باغيين يرحلو من هنا
سارة: واش؟ لاااا
احمد: 🤷♂️
راحت سارة تجري لدار شهين عانقت كوثر ولينة وبداو قاع يبكو 😭
سارة: علاه علاه غادي نتوحشكم علاه تخلوني وحدي😭
قاع قعدو يبكو
سارة لمهم بسلامة نهدرو في تلفون
كوثر: مين يجي شهين راني نقولو يجيك
سارة: اوكي طاطا بسلامة
دخلت سارة لدارهم وقعدت تبكي وباباها يسكت فيها
سارة: بابا معليش مين يجي شهين تقولو مرانيش هنا!
احمد: بنتي علاه ديري هاكا صح مدابزين بصح راه باباه ميت شوفي حالتو
سارة: الله يحفظك بابا قولو مانيش هنا منبغيش نقول باي
احمد: كيما تبغي😐
طبطب الباب خرج احمد يحل
احمد: شهين صفا ولدي
شهين: حمدالله جيت نبقيك على خير
عنق احمد شهين: بسلامة ولدي تهلا في ماماك وختك صغيرة وقرا مليح هاكا يبغي يشوفك باباك
شهين: ان شاءلله عمي انا نروح
احمد: خلاص هذا مكان
شهين: وي باي
احمد في داخلو كيفاش مسقساش على سارة
سارة: بابا راح؟
احمد: وي قتلو راكي في دار جداتك
سارة وعينيها مغرغرين: صحا بابا زعما مانيش غالطة؟ كي مودعتوش
عنقها بابا كيما تبغي بنتي
سارة: 😪
فاتت عامين وجا عند سارة لباك تغيرت شخصيتها 100٪
ولاو عندها صحبات وولات اجتماعية وكانت دايمن مع يعقوب لي عتابراتو لباست فريند تحكيلو كلش جاو ناس جدد يسكنو في دار شهين كانت سارة توجد للباك وتقرا كل يوم هي ويعقوب كان حلمها دير الطب اما يعقوب حلمو يدير طب الاسنان وكانو مصممين يحققو احلامهم
قراو ليل ونهار سارة مولاش عندها الوقت تخمم في شهين ولا باغيا غير تبدل حياتها للأفضل فوتو لباك وظهرت النتائج يعقوب جاب 16.30 وسارة جابت 17.02 فرحت بزاف وباباها طار بالفرحة ودارلها حفلة كبيرة وجا الوقت لي لازم فيه تروح للجامعة في ولاية مختلفة
سارة: بابا تهلا في روحك بسلامة متنساش تاكل دواك
احمد: مناكلش بنتي طبيبة داويني😂
سارة: بابا علاه منرحلوش لتما ونسكنو مع بعض
احمد: لا لا بنتي في لكونجي راني نشوفك ومم نتي تهلاي في روحك علابالك راني متهني عليك عارف تخمامك وشخصيتك ميقدر يحشيهالك حتى واحد هه
سارة: باينة😂😂😂لمهم باي
لمهم سارة مولاتش تتلقا بيعقوب بحكم كل واحد فيهم في ولاية مختلفة يهدرو غير في تلفون ساعة ساعة وثاني الضغط ولزوج تخصصاتهم صعاب هذا هو السبب
فاتت 4 سنين بقالها غير 3 سنين وتكمل لقراية
سارة: الو بابا صفا
احمد: غاية ونتي بنتي
سارة: حمدالله راني جاايا ههه
احمد: توحشتك بنتي ارواحي
قلعت في الطيارة بعد ما وصلت عنقت باباها بابا توحشتك 😭
احمد: مم انا ادخلي تاكلي وترقدي راكي عيانة
سارة: هيا
دخلت سارة لدارهم كلات ودوشت وراحت ترقد في العشية مين ناضت قررت تروح دور شويا في الحومة بكز توحشتها دارت وشرات سقايط من جات تطلع تتفجأ مين لقات شهين قاعد يحل في لباب تاعهم دور راسه لقا سارة بقاو يشوفو في بعض شحال
شهين: سس سلام
سكتت سارة شويا وقالت سلام رجعتو
شهين: نو غير انا
سارة: صحا مرحبا بيك في كل وقت
شهين: صحيتي
بدات سارة ترجف دخلت لدارهم فساع وبلعت لباب قعدت في لأرض ياربي مانيش نحلم شهين! واش جابو وانا مالي هاكا؟ زعما مين نسيتو علاه جا! 😓
وجدت سارة لعشا وهي تخمم في شهين
سمعت حس باباها يفتح لباب بالمفتاج
احمد: ادخل ولدي مرحبا بيك
شهين: صحيت عمي
احمد: سارة سارة ارواحي شوف شكون جا
سارة: واه بابا تلاقينا قبيل
احمد: انا بغيت نديرلك سوربريز😂
تعشاو مع بعض احمد وشهين قعدو غير يهدرو اما سارة قاعدت غير ساكتة وتشوفي في شهين
احمد: انا نخليكم نروح نرقد
سارة: بونوي
راح احمد يرقد بقات غير سارة مع شهين ساكتين
شهين: راكي مليحة؟
سارة: نقولو حمدالله ونتا!
شهين: حمدالله مانيش مأمن بلي فاتت 6 سنين
سارة: الوقت فات يجري
شهين: قالي باباك درتي الطب
سارة: وي هذا عامي الرابع
شهين: الله يبارك
سارة: وشراها طاطا كوثر ولينة
شهين: لاباس عليهم
سارة: ايا مزية، نطيبلك قهوة؟
شهين: معليش
راحت سارة للكوزينة وقلبها يضرب ياربي ياربي واش هذ شعور مالي هاك؟ علاه كلما يهدر نبغي نبكي😔
وجدت سارة القهوة وعطااتو كاسو
شهين: صحيتي سارة
مين قال اسمها سارة شافت فيه وتبسمت قعدو ساكتين
شهين: انا نروح
سارة: باي 😊
ليل كامل وسارة تخمم في شهين
جا صباح ناضت طيبت لباباها لقهوة
احمد: جري عيطي لشهين
سارة: بابا منيتك رانا كبار ماشي كيما زمان 😂
احمد: مالا نروح نعيطلو وحدي
سارة: اوفف بسيف باش نسيتو علاه بابا يدير هاك
زعما مين مودعتوش مين جا ماشي غلطت! مي كنا صغار يكون نساها!
شهين: صباح الخير
سارة: ااه صباح النور صفا!
شهين حمدالله
احمد: لازم كل يوم تجي تفطر وتتغدا وتتعشا هنا دار دارك ماشي حتى نقولك
سارة في داخلها بابا واش راك دير🙁🙁🙁
لمهم فات نهار جا ليل تعشاو
سارة: بابا راني خارجة شويا غير في الحومة
احمد: لالا بنتي متخرجيش وحدك
سارة علاه واش فيها
احمد: شهين يروح معاك
شهين: وي معليش
رايكم؟
