كان شهين دايمن يقعد مع جماعة تاع ولاد وبنات اما سارة كانت دايمن وحدها لا صحبات غير قاعدة وحدها في كوان وتشوف في شهين كيفاش يضحك كيفاش ولاو عندو بزاف صحاب وولات عندو شعبية في ليسي على عكسها هي حتى لي يقراو معاه وميعرفوهاش
استاذ الفيزياء: سماح نوضي لي قاعدة لور
سماح بدات تنوض في سارة نوضي راه يعيطلك الاستاذ
سارة: وي استاذ
استاذ لفيزياء: فصل لول قريب يكمل وانا منعرفش اسمك مامبا
سارة: اسمي سارة حفيظ
استاذ لفيزياء: مالك دايمن راقدة ومنسمعوش صوتك
سارة: لبارح سهرت نقرا ودرك راني عيانة
استاذ لفيزياء: روحي جيبي كراس شهين من كلاص 2
سارة: صحا استاذ هي في قلبها ياربي كيفاش نهدر معاه وقلبها يضرب
دخلت لكلاصة شهين ناس قاع بدات تشوف فيها بما فيهم شهين
سارة: سلام استاذة استاذ لفيزياء باغي كراس شهين
استاذة: اهدري مليح مالك تهدري تحت نيفك ناس قاع طرطقت تضحك تالمو تافهين
سارة بصوت عالي وفي نفس الوقت ترجف مين ضحكو عليها: استاذ لفيزياء باغي كراس شهين
استاذة: روحي ديه عليه
ايناس(تقرا مع شهين) : شهين هذي هي طفلة لي قتلنا تقعد لاصقة فيك وناس طرطقت تضحك وشهين تبسم مع ايناس
تماك سارة خلاص قلبها وجعها وحست لرض دور بيها معرفت تهرب ولا تقعد وناس يضحكو دات لكراس ومداتو لأستادها وقلبها يوجع فيها وهي تستنا لحصة تكمل فسع باش تروح لدارهم
كمل لوقت وراحت تجري لدارهم وهي تبكي في الطريق حتى وصلت لدارهم دخلت لشمبرتها وبلعت على روحها وتتفكر واش صرا (مالا يقول لناس بلي لاصقة فيه 😭) وهي تبكي حتى جا باباها يطبطب سارة خفي رانا معروضين لدار عمك عباس
سارة: منروحش
احمد: مالك بنتي مريضة؟
سارة: لا مانيش جيعانة
دخل عليها باباها لقااها تبكي مالك بنتي: والو 😭😭
احمد: بنتي انا باباك ادا محكيتيليش لشكون تحكي حضناتو وقعدت تبكي وباباها ثاني حضنها وعينيه غرغرو تفكر كيفاش ماماها خلاتها بيبي وماتت
احمد: معليش بنتي متحكيليش درك بصح كلشي غادي يولي بيا من لوقت متخمميش😊
سارة: صحيت بابا
احمد: مالا هيا نروحو لدار شهين تتونسي شويا معاهم
سارة في قلبها (ياربي كيفاش نقابلو بعد لي صرا)
راحو لعندهم
كوثر: مرحبا بيكم راني زعفانة كيفاش متجوش حتى نعرضوكم
احمد: هه راكي عارفة لخدمة ونجي حتى لعشية
سارة: صحيتي طاطا
كوثر: يخاه قاتلو صحيتي هذي حاجة بلا مزيتي عودي رواحي دايمن مع شهين، اقعدو قعدو حا نجيب لماكلة، شهييين ارواح تفطر
تماك سارة قلبها بدا يضرب جا خارج شهين جات عينو في عين سارة تم تم سارة هبطت راسها
شهين: صفا عمي احمد
احمد: صفا ولدي ونتا كيراك مع القراية قريلنا معاك سارة ههه
شهين: هه ان شاءلله
قعدت سارة غير مهبطة راسها وساكتة
كوثر: وشبيك سارة موالفة ديريلنا لومبيونص مالك ليوم
احمد: والله منعرف وش صرالها قلقتني
كوثر شافت في شهين: وشبيها
شهين: معلااباليش
كوثر: اووو معلابالكش! خلينا من تمسخير كلش علابالك بيه
شهين: بلاك ماهيش باغية تقول
سارة: شبعت حابا نروح نرقد
كوثر: كيما تحبي
خرجت سارة
كوثر: وشبيها
احمد: جسبا من قبيل وهي تبكي
كوثر: مسكينة ممبعد نديرلها لقاطو لي تحبو
بقا شهين ساكت ويخمم بعد ماقالو احمد بلي سارة قعدت تبكي
"جات عشية"
كوثر: شهين دي لسارة لقاطو
شهين: قولي للينة
كوثر: ديلها نتا لينة راقدة
شهين: اوووف هاتي فسع
كوثر: راكم مدابزين مانيش نشوفكم تحكو؟
شهين: لا هاتي خليني نروح
طبطب شهين في دار سارة حلت سارة
شهين: سلام قاتلك ماما هاكي طيبتلك لقاطو
سارة: قوللها صحيتي
بقاو يخزرو في بعض
شهين: انا نروح
سارة: ماكش حاب تقولي حاجة!!
شهين: لا وجا رايح
سارة: 💔
"غدوة صباح في ليسي"
كانت سارة قاعدة وحدها دايرة كيت وتسمع في لغنا كيما كل يوم وشهين مع جماعتو
دخلت لكلاصتها
بعض البنات: وي شهين هذاك شباب ولا يخرج مع سيرين
سمعتهم سارة وقلبها تقرص
لبنات: سيرين شابة كيفو تليق لو سمعت بلي سارة تبغيه ودومنداتو شحال من خطرة وردها
بقات سارة تسمع ليهم وقلبها يوجعها جات راحة خرجت ولقات شهين واقف مع سيرين يضحكو ويقصرو تماك بغات غير تبكي تبكي وقلبها يوجع فيها وبدات تتفكرر ليامات لي كانت تتمشا معاه ويضحكو ويزعقو خرجت من ليسي قبل الوقت وهي قاعدة تبكي (باغيا غير نفهم علاه دارلي هاكا علاه مولاش يحكي معايا)
شخص ما: اختي ستناي
سارة: واش تحوس مني؟
شخص هذاك: كرطابلك مفتوح طاحو ادواتك
سارة: هذاك وش كان خاصني
شخص هذاك: مالك ختي تبكي؟
بقات سارة ساكتة وتلم في صوالحها وقالت صحيت خويا وراحت تجري لدارهم دخلت وبلعت في شمبرتها ويجي في راسها غير شهين وسيرين كيفاش كانو يضحكو وتزيد تتفكر حالتها وكيفاش يتنمرو عليها في ليسي ويطلقو اشاعات بسبابو
"يوم جديد"
راحت سارة وحدها لليسي كالعادة وتشوف شهين يتمشا قبلها وماهيش قادرة حتى تحكي معاه ول دور شهين راسو لقا سارة وراه حبس
سارة في قلبها راه يستناني هذا مالو حبس لالا باينة ماهوش يستناني نكمل طريقي وخلاص تمشات حتى فاتت شهين
شهين: انا نستنا فيك ونتي تحرقيني
سارة: وي مالك!
شهين: خلاص روحي
شافت فيه سارة وكملت طريقها وبدات تقول في خاطرها(هذا مالو علاه دارلي هاك يتمسخر بيا! بصح توحشت نهدرو والله)
دخلت لكلاصتها
جا داخل لمدير ومعاه تلميذ جديد
سارة (لالا متتمسخرش هذا لي تلاقيتو لبارح وياا تبهديلة شافني نبكي علاه جا علاه)
لمدير: ماكش بلاص خاوية
استاذ: لور حدا سارة
سارة (وزيد يقعد حداايا علاه زهري هاكا ااي باغيا لأرض تتحل وتبلعني)
جا طفل جديد قعد حدا سارة
استاذ: اسمك
طفل يعقوب
استاذ مرحبا بيك، سارة متسمطيش عليه
ناس بداو يضحكو
سارة في خاطرها (هذ شعب مالو معايا واش درت؟ ناس قاع تضحك وليت اضحوكة بلاك حياتي كانت اضحوكة غير شهين كان معايا، بلاك هذ سبب خلاني؟)
يعقوب: سلام ماتمديليش كراريسك ننقل الدروس
سارة: ااه اا اوكي دوك نمدلك غير مانيش كاتبة دروس لغة
يعقوب: هه معليش
حطت سارة راسها على طابلة
طفلة: متهدرش معاها بليز هذي اكبر نكرة هنا وغادي تكرهلك حياتك كيما دارت لشهين
يعقوب: واش شكون؟
طلعت سارة راسها وناضت من بلاصتها عطات لطفلة كف وقبدتها من شعرها وضربتلها راسها مع طابلة ااه كرهت لشهين حياتو؟(فشت فيها قاع الغصايص لي فيها حتى سيلت لها الدم)
ناس بدات تزقي ويعقوب تخلع جا لمدير وبدا يزقي على سارة وقاللها عيطي لباباك دخل يعقوب وقال للمدير بلي طفل هذيك ظالمة وسارة ردت غير على راسها
ناس قاع لي في ليسي سمعو بالقصة من بينهم شهين مين جات سارة خارجة من بيرو لمدير قاع قعدو يشوفو فيها سارة في خاطرها (ياربي تحسب وليت مجرمة)
جاها شهين سارة قارعي
سارة: وي!
شهين: علاه راكي ديري هاكا عييت منك
سارة: ااه؟
شهين: قالولي دابزتي على جالي
سارة: ندابز على جالك؟ هه واش راك حاسب راسك صح كنا فريند ودرك لا لي هي متحسبش في روحك
جا يعقوب وقال: سارة باغيك المدير
راحت سارة للمدير وقاللها متعيطش لباباها ومتزيدش تعاود دير هاك فرحت سارة وشكرت يعقوب كيفاش دافع عليها
راحت لدارهم وحكات لباباها
احمد: كنتي تبكي ديك لخطرة بيهم تنمرو عليك
سارة: ااه اوي
احمد: نقولك حاجة تستاهل غزيتي فيها
سارة: بابا نتا ذباست😂
