اول يوم تاع قراية خرجت سارة وشهين ولينة في نفس الوقت من ديارهم شهين: صباح الخير سارة: صباح النور راك شباب شهين: علابالي دايمن هاكا سارة: ههه حاسب في روحو، لينة متكونيش كيفو يخي لينة: 😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملابس شهين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملابس سارة راحو لليسي كيف كيف بصح تفجأو مين لقاو روحهم ماشي في نفس القسم سارة: عشية نجيب بابا يبدلني شهين: مكلاه كلاصتي قريبة من كلاصتك علاه تبدلي سارة: باغيا نقعد حداك شهين: عادي مافيها والو ادا مقريناش مع بعض سارة: ماكش باغيني نقرا معاك ول شهين: مقلتش هاكا من اولى ابتدائي ونتي قاعدة حدايا درك عندك 16 ans لازم تتعرفي على بنات وديري صحبات مجاياش حياتك قاع ونتي معايا قعدت سارة ساكتة وراحت بلا ماتقول والو جا يتبعها شهين عيطولو صحابو راح معاهم "في الراحة." دخل شهين لكلاص تاع سارة ولقاها قاعدة لور وحدها حاطا راسها على طابلة، جاب شهين كرسي وقعد حداها شهين: مالك سارة: والو باغيا نرقد خليني شهين: ماكيش زعفانة قتلك هاكا على صلاحك سارة: ماشي حاجة نزعف عليها بداو لبنات لي يقراو مع سارة يشوفو في شهين ويتغامزو شوفو شحال شباب وعلاه قاعد مع هذيك المزعوقة سارة: خلاص شور لكلاصتك شهين: راني نستناك مبعد رجعت سارة حطت رااسها على طابلة وشهين راح كملو لقراية وبدا شهين يستنا في سارة حتى جات جاية ضحك معاها شهين وقال خفي سارة: علاه مرحتش مع صحابك شهين: قتلك راني نستناك سارة: صحا هيا وصلو لدار شهين: رواحي تفطري معانا سارة: نو معليش شهين: كيما تحبي دخلت سارة لدارهم وبدات تتفكر واش صرا ليوم كان اسوء يوم بالنسبة ليها حياتها قاع وهي تقعد معاه من غير هذ لعام وزادت كرهت من لبنات لي شافو في شهين وفجأة يطبطب الباب حلت سارة ولقات شهين شهين: قاتلك ماما رواحي تي وباباك تتغداو معاانا سارة: قلها معليش بابا مراهش هنا وانا مانيش جيعانة، شدها شهين من يدها وجبدها وبلع باب دارهم تمشاي قاتلو مانيش جيعانة تقول منعرفكش سارة: بلع خليني شهين: دخلي وبلعي كوثر: ادخلي دخلي لماكلة حامية دوك تبرد وينو باباك سارة: والله منعرف دخلت ملقيتوش كوثر: معليش درك نخليلو غداه عباس: سارة بنتي صفا سارة: اووو عمو صفا ونتا عش من شافك موليتش تبان عباس: الخدمة وقاع راكي عارفة كوثر: يادرا كي فات نهار ليوم طحتو مع بعض سارة: لالا كل واحد في كلاص كوثر: متتمسخريش دوك نبدل شهين لكلاصتكم شهين: لا لا كلاصتنا هي لمليحة وفيها ديبروف ملاح كوثر: مالا سارة نبدلوها عندك شافت سارة في شهين مم هو شاف فيها وقالت: معليش مم كلاصتي مليحة كوثر: كيما تحبي بنتي لمهم زيري روحك، شهين ولدي قريها معاك شهين: نووو راسها منعرف وش فيه متفهمش فيساع تبسمت سارة ومقالت والو كوثر: يخاه طفلة هذي ذكية غير متقراش غادي يكون مستقبلها مليح ان شاءلله شهين: ههههه باينة عليها سارة وهي مشنفة : انا شبعت نروح لدار صحيتي طاطا باي شاف فيها شهين مصدوم كيش حاجة هاك زعفتها بالرغم انو يقوللها كثر من هاك وتقعد تضحك خرجت سارة وتبعها شهين شهين: مالك سارة: والو شهين: زعفتي من هدرتي؟ سارة: ماشي حاجة تزعف شهين: مالا مالك درتي هاك سارة: مبغيتش تقرا معايا غير بيا منعرفش نقرا ونظل نصدعك؟ شهين: لااااا مالك نتي قتلك ديري صحبات و سارة: عارفني منقدرش نهدر معاهم ول كاين غير نتا لي نقد نهدر معاه شهين: سارة جربي وزيد انا راني معاك دايمن غير منقراش معاك سارة: لمهم باي ممبعد شهين: صحا جا صباح طبطبت سارة في بابا دار شهين وحلت كوثر سارة: صباح الخير طاطا عيطيلي لشهين كوثر: صباح النور علاه شهين مفاتش عليك سارة: لالا لمهم باي يكون سبقني راحت سارة وحدها لليسي وهي تخمم كيفاش راح بلا بيها هذي اول مرة يديرها وصلت لليسي ولقاتو مع جماعة تاع ولاد مقدرتش تعيطلو قعدت قاعدة وحدها وتشوف فيه حتى كل واحد دخل لكلاصتو جات وقت الراحة خرجت سارة تجري من لكلاص ديركت لكلاصة شهين لقاتو قاعد مع جماعة تاع ولاد وبنات سارة: شهين دقيقة شهين: جماعة دوك نجي ، خرج معاها لساحة وقال: وي سارة سارة: علاه رحت بلا بيا شهين: نضت بكري خرجت وخلاص سارة: علاه مفتش عليا شهين: خفت تكوني راقدة ههه سارة بتشناف: اوكي ممبعد روح لجماعتك شهين: باي ومشا يجري قاعدة سارة مصدومة كيش ماقللها والو وراح فسع كشغل باغي يتهنا منها فسع راحت لكلاصتها وهي حاطة راسها على طابلة وتتفكر في شهين وواش صرا معاها وهي حاكمة لبكية كملت سوايع وقعدت برا تستنا في شهين حتى جا صاحبو كمال كمال: شهين راح من قبيل سارة: صحا صحيت خويا(كيفاش مستنانيش مالو يدير هاك) وصلت لدارهم لقات لينة عند الباب تلعب سارة: لينة عيطيلي لشهين لينة: داكوغ ستناي راحت لينة ومبعد خرجت شهين قالك باغي يرقد سارة: قوليلو غير دقيقة فسع دخلت لينة وجات: شهين قالي نقولك بلي رقدت سارة: هاكا مالا صحا ممبعد دخلت سارة لدارهم وهي تحاول تتفكر واش دارت لو وعلاه ولا يعاملها هاكا مبعد ماكان قاع وقتو معاها "صباح جديد " هذ ليوم خرجت سارة بكري باش تستنا شهين خرج شهين من دارهم وتفجأ مين لقا سارة: صباح الخير سارة: صباح النور 😊 شهين: هيا سارة: باغيا نهدر معاك شهين: راه صباح مانيش قادر على صداع سارة: صداع؟ شهين علاش وليت هكذا باغيا نفهم واش درتلك مالك تتجاهلني صباح كن مخرجتش بكري كنت حا تروح بلا بيا شهين: ماديري في راسك والو سارة : كيفاش مندير والو حياتك قاع ونتا تتمشا معايا مالك درك شهين: سارة مبقيناش كيما بكري درك رانا في ليسي كن نقعدو نلومو ستناني ونستناك منديرو والو سارة: صار هاكا سمحلي على ديرونجو وراحت وحدها وعينيها مغرغرين(كيفاش متبعنيش علاه يدير هكذا)
