بطلة القصة : هلاوو اني اسمي بيسان عمري 24 من بغداد و خريجة صيدلة و خلوني اوصف الكم شكلي اني بيضة كلش و عيوني لونها اخضر فاتح و شعري لونه اشقر و طولي 160 و وزني 50 جسمي يجنن و ملامحي كلش حلوة و خشمي مرسوم رسم كأنو مسويه اله عملية و شفايفي صغار و منفوخات و طبعاً اني مو محجبة و طبعاً اني يتيمة امي و ابوية ماتوا بحادث سيارة من چان عمري 10 سنين و عايشة ويه عمي الوحيد و طبعاً هذا عمي متزوج و عنده بنية و ولد بنته اسمها فاطمة و ابنه اسمه مصطفى و طبعاً اني و بنته چانت علاقتنه سطحية يعني منگعد نسولف و نضحك مثل الخوات و هي چانت شوية تغار مني لان اني كلش حلوة و هي شكلها عادي ( طبعاً اني كلش اشبه امي ) و ابنه چان كلما نكون وحدنه اني وياه يگعد يتحرش بيه و يگلي اني احبچ و مدري شنو و يلمس شعري بس اني چنت اعوفه و اروح و مچنت اگول لعمي لان ما اريد اسوي مشاكل و طبعاً زوجت عمي اسمها نور و متحبني و چانت تخليني بس اني انظف و بنتها تخليها مرتاحة بس اني مسكتت گلت لعمي و عمي رزلها و گال كلكم تتشاركون بالتنظيف و هنا زاد كرها الي و طبعاً بابا چان موظف و راتبه صرت اني اخذه و اصرف على نفسي و حتى عمي ميقصر وياي ♥️
بطل القصة : هلاوو اسمي مهند عمري 28 من بغداد خريج هندسة مدني و ماخذ ماجستير و اشتغل استاذ جامعي و عندي مطعم ، خلوني اوصف الكم شكلي بشرتي لونها اشقر و عيوني لونها عسلي و شعري لونه اشقر غامق و طولي 182 و وزني 80 وجسمي كلش حلو و عضلات و ملامحي كلش حلوة و فكي حاد و عندي مطعم بالمنصور و طبعاً اني و اهلي حالتنة المادية كلش زينة يعني اغنياء 🌚♥️
تعريف عائلة مهند
الاب : خالد | 55
الام : امينه | 50
الاخ الاكبر : علي | 30 خريج طب اسنان و اشتغل بعيادتي الخاصة و متزوج و زوجتي اسمها مها عندي طفلين و عازل بيت وحدي
الاخت : سڤيم | 26 خريجة تربية انگليزي و متعينة و طبعاً اني مو متزوجة
الاخ : سيف | 24 خريج ادارة و اقتصاد و اشتغل محاسب بمجمع و قريباً اتعين و طبعاً اني مو متزوج
الاخت الاصغر : اميمه | 22 ادرس طب اسنان مرحلة رابعة و من اتخرج راح اشتغل ويه اخويه الچبير بعيادته و طبعاً اني مو متزوجة
انتهى البارت 1 اللي هو تعريف الشخصيات انتظروا البارت 2 بداية القصة ♥️🔥
