بيسان : نزل عمي دگ الباب و انفتح الباب و طلع واحد شكله مألوف كلش و اتذكرت هذا صاحب المطعم اللي رحنه اله اني و صديقاتي و سلم على عمي بعدين عمي اجة فتح الي الباب و اني نزلت و اجت بنيه شابه تطلع بگدي او اصغر مني بشوية
اميمه ( اخت مهند ) : تعالي حبيبتي تفضلي
بيسان : رحت عليها و سلمت عليها و دخلت للكراج لگيت اكو حديقة شويه چبيره و چان اكو كراسي و اكو زلم 3 چانوا جايين باتجاه الباب حتى يسلمون اثنين كبار و واحد منهم شاب طلع طبيب الاسنان مالتي هو اشر الي بمعني هلو و اني ابتسمت اله بعدين دخلنه للبيت اني و البنيه
مهند : چنه گاعدين بالحديقة اني و ابويه و عمي و اخواني علي و سيف بعدين اندگ الباب عرفنه اجت الفصلية گلت لسيف روح صيح لاميمه حتى تجي تاخذ البنيه و هو راح صاح لاميمه و اني رحت فتحت الباب و سلمت على ابو القاتل و راح فتح باب السيارة و نزلت بنيه كلش حلوة بس شكلها كلش مألوف و اتذكرت هاي البنيه اللي اجت للمطعم و لگيت حسابها على الانستا و چان شكلها كلش حزين و مبين مكسورت الخاطر بعدين اجت اميمه اخذتها و دخلوا جوا للبيت بعدين ابو القاتل انطه الفلوس لعمي و گال البنيه امانه يمكم بعدين راح
