بيسان : گمت من السرير حتى اروح اعتذر من خالة امينه
مهند : وين رايحة ؟
بيسان : رايحة اعتذر لخالة امينة
مهند : تمام
بيسان : رحت لخالة امينة و اعتذرت الها و بست ايدها و سألتني شبيه وجهچ ؟ ، گلت الها مهند كتلني و حسيتها انصدمت بعدين رجعت لغرفتي و اجة وقت النوم و نمت
مهند : ثاني يوم اجتني رسالة على الانستا من حساب بنيه ما اعرفها و فتحت الرسالة مكتوب بيها ( سلام عليكم ، اني سارة بنت خالت سهير ، تعرفني ؟ ) و اني كتبت ( عليكم السلام ، اي عرفتچ لان سهير هواي تحچي بيچ و على علاقتكم القوية )
سارة ( بنت خالت سهير ) : على فكرة اني اعرف انو زوجتك الثانية بيسان متهمه بسرقة ذهب خاله امينه ، بس ترا هي ما باگت الذهب ، سهير هي اللي باگته
مهند : اني انصدمت و كتبت ( شلون سهير بايگته ؟! ، اذا سهير بايگته شنو جابه بغرفة بيسان ؟ )
سارة : مهند مثل متعرف اني و سهير علاقتنه قوية و هي كل شي تحچي الي ، قبل متصير المشكلة تقريباً بيومين هي اجت يمنه بالبيت و گالت الي على خطة هي مسويتها حتى تخليك تطلگ بيسان ، گالت راح اخذ الذهب مال خالة امينه و اضمه بغرفة بيسان و خاله امينه راح تلاحظ انو ذهبها ناقص و راح تفتش غرف البيت كلها و راح تلگه الذهب بغرفتها و راح تصير مشكلة چبيره و فعلاً صار هذا الشي ، و اني عندي تسجيل صوت لسهير و هي تحچي الي خطتها و هم عندي سكرينات لمحادثتنه لان هي سولفت الي الموضوع اكثر من مره