مهند : مر شهر و اني اتخطيت اللي صار و حياتي رجعت طبيعيه و صرت افكر انو ارجع اتزوج بيسان لان اني اعرفها و عاشرتها سنتين و بيوم اخويه سيف فتح موضوع الزواج ويه امي و ابويه و گال اني اريد هاي البنيه و طبعاً هاي البنيه اسمها سديم و عمرها 25 و تكون من اقاربنه و امي و ابويه وافقوا و خطبوا البنيه و اهلها وافقوا و حددنه موعد العرس ، و قررت انو اگول لاهلي على موضوع زواجي من بيسان و كلهم شجعوني و عجبهم الموضوع و قررت انو اخلي امي و اميمه يعزمون بيسان يمنه بالبيت و يفتحون الموضوع وياها و نشوفها شتگول
بيسان : بيوم اميمه گالت الي سيف خطب و اني كلش فرحت و مر شهر و خابرتني خاله امينه و عزمتني لعرس سيف و گلت اكيد راح احضر و هم عزمتني يمهم بالبيت گالت تعالي يمنه مشتاقين الچ و گلت الها تمام خاله راح اجي باچر و مر يوم چانت الساعه 4 العصر و گمت سبحت و حطيت مكياج و غيرت لبسي و اخذت سيارتي و رحت لبيت عمو خالد و دگيت الباب و فتحته الي اميمه سلمت عليها بعدين دخلنه للصاله و سلمت على خاله امينه و گعدنه سوه و سولفنه شويه
امينه : بيسان ، اريد احچي وياچ بموضوع
